বিশাখাপট্টমত অনুষ্ঠিত হ’ব ভাৰত আৰু দক্ষিণ আফ্রিকাৰ মাজত তিনিখনীয়া এদিনীয়া শৃংখলাৰ নিৰ্ণায়ক তৃতীয় মেচ।
বিশাখাপট্টনমৰ সকলো ঠাইতে এতিয়া মাথোঁ বিৰাট কোহলীৰ নামেই গুঞ্জৰি উঠিছে। ভাৰত আৰু দক্ষিণ আফ্রিকাৰ মাজত তিনিখনীয়া এদিনীয়া শৃংখলাৰ নিৰ্ণায়ক তৃতীয় মেচ এই চহৰতে অনুষ্ঠিত হ’ব।
খেলৰ দিন ওচৰ চাপি অহাৰ লগে লগে কোহলি-মেনিয়াই চহৰজুৰি তীব্ৰতা লাভ কৰিছে। যিসকলে টিকট আগতে নাকাটিম বুলি ভাবিছিল, এতিয়া সেই টিকটৰ বাবে যেন হাহাকাৰ পৰিস্থিতি।
অন্ধ্ৰ ক্ৰিকেট এছ’চিয়েচনে (ACA) ২৮ নৱেম্বৰত তৃতীয় ODI-ৰ টিকট অনলাইনত বিক্ৰীলৈ দিয়া সময়ত অতি ধীৰগতিৰে গৈছিল।
সেই সময়ত কৰ্তৃপক্ষই ভাবিছিল যে এইবাৰ হয়তো ভিৰ কম হ’ব। ফিজিকেল কাউণ্টাৰ খুলিব লগা হ’ব বুলিও ধাৰণা কৰিছিল।
কিন্তু ৰাঁচী আৰু ৰায়পুৰত বিৰাট কোহলীৰ দুটা ক্ৰমাগত শতকে পৰিস্থিতি একেবাৰে ওলট-পালট কৰি দিলে। কোহলীৰ শতকৰ পিছতেই টিকটৰ দ্বিতীয় আৰু তৃতীয় ফেজ মিনিটতে পূৰ্ণ হৈ যায়। যি টিকট আগতে বিক্ৰী হোৱা নাছিল, এতিয়া সেইবোৰৰ চাহিদা বহু গুণ বৃদ্ধি পাইছে।
উৎসাহ কেৱল অনলাইন বুকিঙলৈ সীমাবদ্ধ নাথাকিল। টীম ইণ্ডিয়া বিশাখাপট্টনমত অহাৰ আগতেই বিমানবন্দৰত জনসমাগম দেখা গৈছিল।
বিমান বিলম্ব হ’লেও অনুৰাগীসকলে ঘণ্টা ঘণ্টা ধৈৰ্য্যৰে অপেক্ষা কৰি আছিল। বিৰাট আৰু অন্যান্য খেলুৱৈ ওলাই অহাৰ লগে লগে সম্পূৰ্ণ বিমানবন্দৰ তালি আৰু উল্লাসৰ ধ্বনিতে গুঞ্জৰি উঠিল।
এতিয়া সকলোৰে লক্ষ্য ৬ ডিচেম্বৰত অনুষ্ঠিত হ’বলগীয়া তৃতীয় তথা অন্তিম এদিনীয়া মেচত। অনুৰাগীৰ ডাঙৰ আশা— বিৰাট কোহলীয়ে এই মেচতো শতক অৰ্জন কৰিব আৰু ভাৰতীয় দলে শৃংখলা জয় কৰিব।
লগতে পঢ়ক: টেষ্ট ক্ৰিকেটত মিচেল ষ্টাৰ্কৰ ডাঙৰ কৃতিত্ব; ২৫০টা উইকেট সম্পূৰ্ণ
