চিৰাগ পাছৱানে বুজালে ‘এম-ৱাই’ সমীকৰণৰ নতুন সংজ্ঞা
আগন্তুক বিহাৰ বিধানসভা নিৰ্বাচন সন্দৰ্ভত লোক জনশক্তি পাৰ্টিৰ সভাপতি আৰু কেন্দ্ৰীয় মন্ত্ৰী চিৰাগ পাছৱানে ডাঙৰ বক্তব্য দিছে।
তেওঁ কয় যে তেওঁ ১০০ শতাংশ আসন লাভৰ লক্ষ্যৰে খেলপথাৰত নামিছে আৰু এয়া কেৱল ৰাজনীতি নহয়, আধ্যাত্মিক বিশ্বাস আৰু সংকেতবোৰৰ ফল।
চিৰাগ পাছৱানে এটা সাক্ষাৎকাৰত কয় যে, ‘মই মেনিফেষ্টেশনত বিশ্বাস কৰোঁ আৰু আধ্যাত্মিকভাৱে সংযুক্ত হৈ আছো।এই সংকেতবোৰৰ ওপৰত মোৰ বিশ্বাস আছে’।
‘এইটো কেৱল এটা সংযোগ হ’ব নোৱাৰে যে সকলো আলোচনা আৰু বাৰ্তাৰ অন্তত মোৰ দলে ২৯খন আসনত প্ৰতিদ্বন্দ্বিতা কৰিব।মোৰ দেউতা ৰামবিলাস পাছৱান জীয়েও তেওঁৰ সময়ত মাত্ৰ ২৯খন আসনত নিৰ্বাচনত অৱতীৰ্ণ হৈছিল।’
তেওঁ কয় যে নিৰ্বাচন আয়োগৰ সৈতে এখন আসন সম্পৰ্কে আলোচনা চলি আছে,কাৰণ সীমা সিং নামৰ এগৰাকী প্ৰাৰ্থীৰ মনোনয়ন পত্ৰ কাৰিকৰী ভুলৰ বাবে নাকচ কৰা হৈছিল।
তেওঁ কয় যে, ‘এয়া কেৱল মানৱীয় ভুল আছিল, ৰাজনৈতিক কাৰণ নাছিল।আমি এই সন্দৰ্ভত আইনী বিকল্পৰ সন্ধান কৰি আছো।”
লগতে পঢ়ক: প্ৰধানমন্ত্ৰী মোদীলৈ পত্ৰ লিখি ক্ষোভ উজাৰিলে মমতা বেনাৰ্জীয়ে
