গৰিমা শইকীয়া গাৰ্গৰ বিস্ফোৰক মন্তব্য
অসমীয়াৰ হিয়াৰ আমঠু জুবিন গাৰ্গৰ আদ্যশ্ৰাদ্ধৰ দিনাই প্ৰথমবাৰলৈ মুখ খুলিছে পত্নী গৰিমা শইকীয়া গাৰ্গে। ছিংগাপুৰত জুবিন গাৰ্গৰ লগত থকা সকলৰ ওপৰত দেওবাৰে এজাহাৰ দাখিল কৰে গৰিমা শইকীয়া গাৰ্গে। আজি সংবাদমাধ্যমৰ আগত কান্দি কান্দি স্বামী জুবিন গাৰ্গৰ বাবে ন্যায় বিচাৰিলে গৰিমাই।
তেওঁ কয় যে,য়টত থকা প্ৰত্যেকজনেই জুবিনৰ ঘটনাৰ বাবে দায়ী। সিদ্ধাৰ্থ, শেখৰে জুবিনক সাগৰত নামিবলৈ বাধা দিব লাগিছিল।তেওঁলোকে ভাগৰুৱা জুবিনক পানীত নামিবলৈ কিয় দিয়া হৈছিল ?
শ্যামকানুৱে জুবিনৰ দৰে এটা সত্ত্বাক কেনেকৈ ৰাখিব বিচাৰিছিল মই জনা নাছিলো। কোনো চিকিৎসা, নিৰাপত্তাৰক্ষী নোহোৱাকৈ শ্যামকানুৱে বিশেষ ব্যৱস্থা কৰা নাছিল।
ছিংগাপুৰত প্ৰকৃততে কি হৈছিল মই জানিব বিচাৰো। সেয়ে ঘটনাৰ সময়ত উপস্থিত থকা সকলোৰে ওপৰত এজাহাৰ দিয়া হৈছে।
কান্দি কান্দি তেওঁ কয় যে, সামাজিক মাধ্যমত ভাইৰেল হৈ থকা ভিডিঅ’ত জুবিন গাৰ্গক অৱহেলাৰ কৰা দেখিবলৈ পোৱা গৈছে।
জুবিন সম্পূৰ্ণৰূপে ভাগৰুৱা হৈ পৰিছিল,তেনেস্থলত লাইফ জেকেট নোহাৱাকৈ সাঁতুৰিব দিয়াটো মই মানি নলও।ভাগৰুৱা জুবিনে সেইখিনি সময়ত কি বিচাৰিছিল মই অনুভৱ কৰিব পাৰিছো।
প্ৰকৃত ঘটনা জানিবলৈ মই বহু চেষ্টা কৰিছিলো, কিন্তু নোৱাৰিলো। সকলো ভিডিঅ’ ফটো মই পিছতহে লাভ কৰিছো।
দেশৰ আইন ব্যৱস্থাৰ ওপৰত মোৰ সম্পূৰ্ণ বিশ্বাস আছে।জুবিনে ন্যায় পাবই।জুবিনৰ বিষয়টো সকলোৱে বিশেষভাৱে ল’ব বুলিও গৰিমা শইকীয়া গাৰ্গে মন্তব্য কৰে।
লগতে পঢ়ক: আজি জুবিন গাৰ্গৰ আদ্যশ্রাদ্ধ; কান্দোনত ভাগি পৰিল গৰিমা শইকীয়া গাৰ্গ
