এছিয়া কাপৰ চূড়ান্ত যুঁজৰ বাবে সাজু ভাৰত-পাকিস্তান
দেওবাৰে ডুবাই আন্তঃৰাষ্ট্ৰীয় ক্ৰিকেট ষ্টেডিয়ামত ভাৰত আৰু পাকিস্তানৰ মাজত অনুষ্ঠিত হ’ব এছিয়া কাপ ২০২৫ৰ ফাইনেল । চলিত প্ৰতিযোগিতাত দুয়োটা দল তৃতীয় আৰু অন্তিমবাৰৰ বাবে মুখামুখি হ’ব । এছিয়া কাপৰ ৪১ বছৰীয়া ইতিহাসত প্ৰথমবাৰৰ বাবে ভাৰত আৰু পাকিস্তান ফাইনেলত মুখামুখি হ’ব । ইতিমধ্যে এই মেচখনক লৈ অনুৰাগীৰ মাজত বৃদ্ধি পাইছে উত্তেজনা ।
এই পৰ্যন্ত চলিত এছিয়া কাপত শক্তিশালী প্ৰদৰ্শেনেৰে অপ্ৰতিৰোধ্য হৈ আছে ভাৰতীয় দল । পাকিস্তানৰ বিৰুদ্ধে দুখন মেচত জয়লাভ কৰাকে ধৰি ছখন মেচতে জয়লাভ কৰিছে ভাৰতে । জয়ৰ এই গতি অব্যাহত ৰাখি সূৰ্যকুমাৰ যাদৱ নেতৃত্বাধীন দলটোৱে পুনৰবাৰ নিজৰ প্ৰধান প্ৰতিদ্বন্দ্বী দলটোক পৰাস্ত কৰি অভলেখ সংখ্যক নৱমবাৰৰ বাবে এছিয়া কাপৰ খিতাপ দখল কৰি চেষ্টা কৰিব ।
ইফালে এই চলিত এই প্ৰতিযোগিতাত পাকিস্তানৰ যাত্ৰা উত্থাপন-পতনেৰে ভৰা । কেৱল ভাৰতৰ হাতত পৰাস্ত হৈছে পাকিস্তান দলটো । ইয়াৰ বাহিৰে বাকী সকলো মেচতে কিছুমান সহজে আৰু কিছুমান অতি ঘনিষ্ঠ ব্যৱধানত জয়ী হৈছিল দলটো । এতিয়া দলটোৱে তৃতীয়টো এছিয়া কাপৰ খিতাপ (২০১২ চনৰ পিছত প্ৰথমটো) জয় কৰাৰ লক্ষ্য ৰাখিব ।
পিটচ ৰিপৰ্ট-
ডুবাই আন্তঃৰাষ্ট্ৰীয় ক্ৰিকেট ষ্টেডিয়াম সাধাৰণতে বেটছমেনৰ অনুকূল যদিও বলাৰসকলেও নিজৰ টাইট লাইন আৰু লেংথৰ সহায়ত ৰান ৰেট নিয়ন্ত্ৰণ কৰাত সফল হৈছে । টছত জয়ী হোৱা দলটোৱে প্ৰথমে বেটিং কৰাতকৈ চেজ কৰাটো পছন্দ কৰিব, কিয়নো দ্বিতীয় বেটিং কৰাটো তুলনামূলকভাৱে সহজ বুলি গণ্য কৰা হয় ।
ভাৰত বনাম পাকিস্তান টি-২০ ৰ হেড টু হেড অভিলেখ
-খেলা মেচ : ১৫ খন
-ভাৰতৰ জয়লাভ : ১১
-পাকিস্তানৰ জয়লাভ : ০৩
-টাই : ০১
-প্ৰথমখন খেল : ২০০৭ চনৰ ১৪ ছেপ্টেম্বৰ (টাই; ভাৰত বল আউটত জয়ী)
-অন্তিমখন খেলঃ ২১ ছেপ্টেম্বৰ, ২০২৫ (ভাৰত জয়ী)
টিম ইণ্ডিয়াৰ সম্ভাৱ্য মূল একাদশ :
অভিষেক শৰ্মা, শুভমন গীল, সূৰ্য্যকুমাৰ যাদৱ (অধিনায়ক), তিলক বাৰ্মা, সঞ্জু চেমছন (উইকেটকীপাৰ), শিৱম ডুবে, হাৰ্দিক পাণ্ডিয়া, অক্ষৰ পেটেল, কুলদীপ যাদৱ, যশপ্ৰীত বুমৰাহ, বৰুণ চক্ৰৱৰ্তী ।
পাকিস্তানৰ সম্ভাৱ্য মূল একাদশ :
চাহিবজাদা ফাৰহান, ফখৰ জামান, ছাইম আয়ুব, ছলমান আঘা (অধিনায়ক), হুছেইন তালাত, মহম্মদ হাৰিছ (উইকেটকীপাৰ), মহম্মদ নৱাজ, ফাহীম আশ্ৰফ, শ্বাহীন আফ্ৰিদি, হৰিশ ৰাউফ, আব্ৰাৰ আহমেদ ।
লগতে পঢ়ক : এছিয়া কাপত কিমানবাৰ খিতাপ জয় কৰিছে মেন ইন ব্লুৱে ? জানক ভাৰতৰ পৰিসংখ্যা
