তাপমাত্ৰা হ্ৰাস হোৱাৰ লগে লগে, দেহত গৰম কাপোৰৰ স্তৰো বৃদ্ধি হয়।শৰীৰক বতাহ আৰু ঠাণ্ডা বতৰৰ পৰা সুৰক্ষিত কৰিবলৈ আমি ঊণৰ কাপোৰ পিন্ধো।
কিন্তু কল্পনা কৰক, যদি আমাৰ শৰীৰটো শীতকালত আভ্যন্তৰীণভাৱে গৰম হৈ থাকে…? প্ৰকৃততে, এনে বহুতো উপায় আছে যিয়ে শৰীৰটোক ভিতৰৰ পৰা গৰম কৰিব, লগতে আমাৰ স্বাস্থ্য উন্নত হ’ব।
আপুনি নিশ্চয় শুনিছে যে আমি আমাৰ খাদ্যৰ পৰা শক্তি পাওঁ, কিন্তু যদি খাদ্যত কিছুমান বস্তু যোগ দিয়া হয়, তেন্তে শৰীৰৰ তাপমাত্ৰাও বৃদ্ধি হয়।
প্ৰকৃততে, খাদ্যত পোৱা কিছুমান মচলাৰ বাবে আমাৰ শৰীৰৰ তাপমাত্ৰা বৃদ্ধি হয়। গতিকে শৰীৰটো গৰম ৰাখিব পৰা মচলাবোৰৰ বিষয়েও জানো আহক।
জিৰা-আমি প্ৰায়ে জিৰা গুটি গুৰি কৰি ব্যৱহাৰ কৰোঁ, কিন্তু শীতকালত জিৰা ব্যৱহাৰ কৰিলে শৰীৰ গৰম হৈ থাকিব পাৰে। জিৰাগুটি পানীত উতলাই পানী খোৱাটো ভাল।
আদা-শীতকালত, আমি বিভিন্ন ধৰণে আদা ব্যৱহাৰ কৰিব পাৰোঁ।যদি আপুনি বিচাৰে, আপুনি ইয়াক চাহত দিও খাব পাৰে বা ইয়াক কাঢ়া হিচাপেও ব্যৱহাৰ কৰিব পাৰে।
ডালচেনী-আপুনি নিশ্চয় মচলাযুক্ত চাহৰ বিষয়ে শুনিছে। চাহত ডালচেনি মিহলি কৰিলে সোৱাদ বৃদ্ধি হয় আৰু শৰীৰ গৰম থাকে।ডালচেনিয়ে ৰক্ত সঞ্চালন নিয়ন্ত্ৰণ কৰাতো সহায় কৰে।
জালুক-চাহ আৰু পাচলি বা চালাডত জালুক যোগ কৰিব পাৰে।ইয়াক খোৱাৰ ফলত শৰীৰৰ উষ্ণতা বৃদ্ধি হয়, যি সংক্ৰমণৰ আশংকা হ্ৰাস কৰে।
ইলাচী-ঠাণ্ডাত ইলাচী চাহ খোৱাটো যথেষ্ট ভাল। ইলাচীয়ে কেৱল শৰীৰটো গৰম কৰি ৰখাই নহয় ই হৃদযন্ত্ৰৰ স্বাস্থ্যৰ বাবেও ভাল।
(এই বাতৰিটো কেৱল আপোনাক সজাগ কৰাৰ উদ্দেশ্যেৰে লিখা হৈছে । বাতৰিটো পঢ়ি নিশ্চিতভাৱে ইয়াক গ্ৰহণ কৰাৰ পূৰ্বে চিকিৎসকৰ পৰামৰ্শ লওক ।)
