বিমানবন্দৰতে এগৰাকী ৰাষ্ট্রীয় নির্বাচকৰ সৈতে গোপন আলোচনা তাৰকা ক্রিকেটাৰ বিৰাট কোহলীৰ ৷ ইয়াকে লৈ এতিয়া সৃষ্টি হৈছে চৰ্চাৰ ।
ৰাঁচীৰ বিমানবন্দৰতে এগৰাকী ৰাষ্ট্রীয় নির্বাচকৰ সৈতে গোপন আলোচনা তাৰকা ক্রিকেটাৰ বিৰাট কোহলীৰ ৷ দ্বিতীয়খন এদিনীয়াত ভাগ লোৱাৰ উদ্দেশ্যে ৰায়পুৰলৈ ৰাওনা হোৱাৰ পূর্বে ৰাঁচীৰ বিমানবন্দৰত যথেষ্ট সময় ধৰি প্রজ্ঞান ওঝাৰ সৈতে কথা পতা দেখা গৈছিল কোহলিক ৷
কোহলীৰ উপৰি ৰোহিত শর্মায়ো নির্বাচকসকলৰ সৈতে বার্তা লাভ কৰে৷ সূত্র অনুসৰি, বিচিচিআইৰ বিষয়াসকলে কোহলী অবিহনে ২০২৭ চনৰ এদিনীয়া বিশ্বকাপৰ চিন্তা কৰিবলৈ অনিচ্ছুক ৷
প্রস্তাৱিত বৈঠকৰ পূর্বে কোহলিয়ে ৰাঁচী বিমানবন্দৰত ৰাষ্ট্রীয় নির্বাচকসকলৰ সৈতে এখন চমু বৈঠকত মিলিত হয় ৷ ছ’চিয়েল মিডিয়াত ভাইৰেল হোৱা ভিডিঅ’টোত কোহলিয়ে ওঝাক অতি গুৰুত্বসহকাৰে কিবা এটা বুজাই থকা দেখা গৈছে ৷
প্রাক্তন স্পীনাৰজনে মনোযোগেৰে কোহলিৰ কথা শুনি আছে৷ বহু সময় ধৰি দুয়ো কথা পাতিছিল৷ অৱশ্যে তেওঁলোকে কি কথা পাতিছিল সেয়া জানিব পৰা হোৱা নাই ৷
ইপিনে, ছ’চিয়েল মিডিয়াত ভাইৰেল হৈছে ৰাঁচী বিমানবন্দৰৰ আন এটা ভিডিঅ’৷ ভিডিঅ’টোত ওঝাক প্রশিক্ষক গৌতম গম্ভীৰৰ কাষত বহি থকা দেখা গৈছে৷ দুয়োজনে হাঁহি হাঁহি কথা পাতি আছিল ৷
ইয়াৰ পূর্বে ওঝাই ৰোহিত শর্মাৰ সৈতে হাত মিলাই থকা দেখা গৈছিল ৷ ৰাষ্ট্রীয় নির্বাচকগৰাকীয়ে ৰোহিতৰ সৈতেও কিছু সময় ধৰি বার্তালাপ কৰে৷ উল্লেখ্য যে কিছুমাহ ধৰি নির্বাচকৰ দায়িত্বত আছে প্রাক্তন ক্রিকেটাৰ প্রজ্ঞান ওঝা ৷
লগতে পঢ়ক : ঘৰুৱা ক্ৰিকেটলৈ ঘূৰি আহিবলৈ সাজু বিৰাট কোহলী, ১৫ বছৰৰ পাছত খেলিব এই টুৰ্ণামেন্ট
