আন্তঃৰাষ্ট্ৰীয় স্তৰত অপমানিত পাকিস্তানৰ প্ৰধানমন্ত্ৰী শ্বাহবাজ শ্বৰীফ…
আন্তঃৰাষ্ট্ৰীয় স্তৰত অপমানিত হৈছে পাকিস্তানৰ প্ৰধানমন্ত্ৰী শ্বাহবাজ শ্বৰীফ । ৰাছিয়াৰ ৰাষ্ট্ৰপতিক সাক্ষাতৰ বাবে ৪০ মিনিটতকৈয়ো অধিক সময় অপেক্ষা কৰে শ্বাহবাজে ।
আন্তঃৰাষ্ট্ৰীয় পৰ্যায়ত অপমানিত হ’বলগা হৈছে পাকিস্তানৰ প্ৰধানমন্ত্ৰী শ্বাহবাজ শ্বৰীফ । ইন্টাৰনেশ্যনেল ফৰাম ফৰ পিচ এণ্ড ট্ৰাষ্টত অংশগ্ৰহণ কৰিবলৈ তুৰ্কমেনিস্তানত থকাৰ সময়ত তেওঁ ৰাছিয়াৰ ৰাষ্ট্ৰপতি ভ্লাদিমিৰ পুটিনক সাক্ষাৎ কৰিবলৈ ৪০ মিনিটতকৈ অধিক সময় অপেক্ষা কৰিবলগীয়া হয় । ইমান দিন অপেক্ষা কৰি পাকিস্তানৰ প্ৰধানমন্ত্ৰী ভাগৰুৱা হৈ গুচি গ’ল । বহু সময় অপেক্ষা কৰাৰ পিছত ভাগৰুৱা হৈ প্ৰধানমন্ত্ৰী শ্বাহবাজ ওভতি যায় । অৱশ্যে কিছু সময়ৰ পিছত পুটিনৰ সৈতে তেওঁৰ সাক্ষাৎ হয় ।
ৰাছিয়াৰ ৰাষ্ট্ৰপতিক সাক্ষাৎ কৰিবলৈ আগ্ৰহী পাকিস্তানৰ প্ৰধানমন্ত্ৰী শ্বাহবাজ শ্বৰীফে ৪০ মিনিট অপেক্ষা কৰাৰ পিছত তুৰ্কীৰ ৰাষ্ট্ৰপতি এৰদোগানৰ সৈতে পুটিনৰ বৈঠকৰ মাজতে উপস্থিত হয় যদিও সাক্ষাতত ব্যৰ্থ হয় । খবৰ ওলাইছে যে পুটিন আৰু শ্বৰিফৰ বৈঠক পূৰ্ব নিৰ্ধাৰিত আছিল যদিও পুটিন আৰু এৰদোগানৰ বৈঠক দেৰিলৈকে চলিছিল, যাৰ বাবে শ্বৰীফে অপেক্ষা কৰিবলগীয়া হয় ।
ইফালে ছ’চিয়েল মিডিয়াত কেইবাটাও ভিডিঅ’ ওলাইছে য’ত পাকিস্তানৰ প্ৰধানমন্ত্ৰী শ্বৰীফে নিজৰ প্ৰতিনিধি দলৰ সৈতে দ্বিপাক্ষিক সভাগৃহত বহি থকা দেখা গৈছে । বহু সময় অপেক্ষা কৰাৰ পাছতো পুটিন আহি নাপালে । এই সময়ছোৱাত শ্বৰীফে আন নেতাৰ সৈতে আলোচনা কৰা দেখা গৈছিল । অৱশেষত পুটিনক শ্বৰীফে লগ কৰাত ব্যৰ্থ হয় ।
চলিত বৰ্ষৰ ছেপ্টেম্বৰ মাহত চীনৰ টিয়ানজিংত এছ চি অ’ দেশসমূহৰ এখন বৈঠক অনুষ্ঠিত হৈছিল । ৰাছিয়া, ভাৰত, পাকিস্তান আৰু কেইবাখনো দেশৰ প্ৰধানমন্ত্ৰী আৰু ৰাষ্ট্ৰপতিসকল এই বৈঠকত অংশগ্ৰহণ কৰিবলৈ আহিছিল । এছ চি অ’ৰ বৈঠকৰ সময়ত পাকিস্তানৰ প্ৰধানমন্ত্ৰী শ্বৰীফে ৰাছিয়াৰ ৰাষ্ট্ৰপতি ভ্লাদিমিৰ পুটিনক সাক্ষাৎ কৰিবলৈ আগ্ৰহী যেন দেখা গৈছিল । ইয়াৰ পিছত শ্বৰীফে পুটিনৰ সৈতে হাত মিলাবলৈ হাতখন আগবঢ়াই দিয়ে যদিও পুটিনে দেখা নাপাই আগবাঢ়ি যায় । অৱশ্যে পিছত পুটিনে শ্বৰীফৰ লগত হাত মিলাইছিল ।
লগতে পঢ়ক : হঠাতে প্ৰধানমন্ত্ৰী মোদীলৈ কিয় আহিল নেতান্যাহুৰ ফোন ?