শনিবাৰৰ দিনটোত মৰাণৰ আকাশত সৃষ্টি হ’ল এক ইতিহাসৰ । ৰাষ্ট্ৰীয় ঘাইপথ ELF ত গৰজি উঠিল সুখয়, ৰাফেল আৰু হাৰ্কিউলিচ C 130J।

অসমত সৃষ্টি হ’ল এক নতুন ইতিহাসৰ। এক ঐতিহাসিক মুহূৰ্তৰ সাক্ষী হৈ ৰ’ল অসমবাসী। মৰাণৰ ৰাষ্ট্ৰীয় ঘাইপথত অৱতৰণ প্ৰধানমন্ত্ৰী নৰেন্দ্ৰ মোদীৰ বিমান।

হাৰ্কিউলিচ C 130J বিমানেৰে মৰাণৰ জৰুৰীকালীন বিমান অৱতৰণ(ELF) ৰ সূচল চাৰিলেনযুক্ত ৰাজপথ উদ্ধোধন কৰিলে প্ৰধানমন্ত্ৰী নৰেন্দ্ৰ মোদীয়ে। এই ELF ত যুদ্ধ বা জৰুৰীকালীন অৱস্থাত যুঁজাৰু বিমান, পৰিবহণ বিমান আৰু হেলিকপ্টাৰ অৱতৰণৰ কৰিব পাৰিব।

এই হাইৱে ষ্ট্ৰিপত নিৰ্মিত, যিটো যুদ্ধ বা জৰুৰীকালীন অৱস্থাত যুদ্ধ বিমান অৱতৰণৰ বাবে ব্যৱহাৰ কৰা হয়,ইয়াৰ জৰিয়তে পৰিবহণ বিমান আৰু হেলিকপ্টাৰৰ বাবে বিকল্প অৱতৰণ স্থানৰ ব্যৱস্থা কৰা হ’ব।উত্তৰ-পূব ভাৰতৰ প্ৰতিৰক্ষা আৰু কৌশলগত প্ৰস্তুতিৰ ক্ষেত্ৰত এয়া এক উল্লেখযোগ্য পদক্ষেপ।

মৰাণৰ ৰাষ্ট্ৰীয় ঘাইপথ প্ৰধানমন্ত্ৰী মোদী উপস্থিত হোৱাৰ পিছতে মৰাণৰ আকাশমাৰ্গত আৰম্ভ হয় বায়ুসেনা বাহিনীৰ এয়াৰ শ্ব’। এখনৰ পিছত আনখন যুঁজাৰু বিমানে আকাশমাৰ্গত কলা-কৌশল প্ৰদৰ্শন কৰি দেখুৱালে ভাৰতৰ শক্তি।

মৰাণৰ আকাশত উৰিল ছুখয়, ৰাফেল, তেজস, হাৰকিউলিছসহ ১৬খন যুঁজাৰু বিমান।এই এয়াৰ শ্ব’ ৰ দ্বাৰা ৰঙা চীনক কঠোৰ বাৰ্তা দিছে ভাৰতে।

জৰুৰীকালীন অৱতৰণ সুবিধা এনেকুৱা এটা ঘাইপথৰ ষ্ট্ৰিপ হয় য’ত সাধাৰণ সময়ত বাহন চলি থাকে,কিন্তু প্ৰয়োজন হ’লে ইয়াক ৰাণৱেলৈ ৰূপান্তৰিত কৰি বিমান অৱতৰণ আৰু অধিক উৰাজাহাজ উৰাব পাৰি।ডিব্ৰুগড়-মৰাণ ৰাষ্ট্ৰীয় ঘাইপথৰ এটা অংশত নিৰ্মিত এই পথটোৰ দৈৰ্ঘ্য ৪.২ কিলোমিটাৰ।

লগতে পঢ়ক: ঐতিহাসিক ক্ষণৰ সাক্ষী হ’বলৈ সাজু অসমবাসী; প্ৰথমবাৰলৈ মৰাণৰ ৰাষ্ট্ৰীয় ঘাইপথত অৱতৰণ কৰিব প্ৰধানমন্ত্ৰীৰ বিমান