পিছুৱাই দিয়া হ’ল ‘পৰম সুন্দৰী’ৰ মুক্তিৰ তাৰিখ

সিদ্ধাৰ্থ মালহোত্ৰা আৰু জাহ্নৱী কাপুৰৰ ছবি ‘পৰম সুন্দৰী’ক লৈ ব্যাপক চৰ্চা চলি আছে।কিন্তু অনুৰাগীসকলে ছবিখনৰ বাবে আৰু অলপ সময় অপেক্ষা কৰিব লাগিব।

এতিয়া ছবিখনৰ সন্দৰ্ভত এটা নতুন আপডেট ওলাইছে।য’ত এই ৰোমান্টিক-কমেডী ছবিখন কেতিয়া মুক্তি পাব সেয়া প্ৰকাশ পাইছে।

মন কৰিবলগীয়া যে ছবিখনৰ টিজাৰ মুক্তি পোৱাৰ সময়ত ছবিখনৰ মুক্তিৰ তাৰিখ ২৫ জুলাই ২০২৫ বুলি কোৱা হৈছিল।

কিন্তু এতিয়া ছবিখনৰ সন্দৰ্ভত নতুন আপডেট ওলাইছে।সিদ্ধাৰ্থ আৰু জাহ্নৱীৰ এই ৰোমান্টিক কমেডী ছবিখনৰ মুক্তিৰ তাৰিখ পিছুৱাই দিয়া হৈছে।এতিয়া আগষ্ট মাহত মুক্তি পাব ছবিখন।

শেহতীয়াকৈ মুক্তি পোৱা ৰাজকুমাৰ ৰাওৰ ছবি ‘মালিক’ৰ সৈতে ‘পৰম সুন্দৰী’ৰ টিজাৰ প্ৰদৰ্শন কৰা হৈছে।ইয়াৰ লগতে ছবিখনৰ মুক্তিৰ তাৰিখ পিছুৱাই দিয়াৰ তথ্যও ওলাইছে।

যাৰ পৰা স্পষ্ট হৈ পৰিছে যে ‘পৰম সুন্দৰী’ এই আগষ্টত সমগ্ৰ বিশ্বৰ চিনেমা হলত মুক্তি পাব।অৱশ্যে ছবিখনৰ নতুন মুক্তিৰ তাৰিখ এতিয়াও আনুষ্ঠানিকভাৱে ঘোষণা কৰা হোৱা নাই।

আপোনালোকক জনাওঁ যে অজয় দেৱগানৰ ছবি ‘ছন অৱ চৰ্দাৰ ২’ ২০২৫ চনৰ ২৫ জুলাইত মুক্তি পাব।কোৱা হৈছে যে এই সংঘৰ্ষৰ পৰা হাত সাৰিবলৈ নিৰ্মাতাসকলে ছবিখনৰ মুক্তিৰ সময় পিছুৱাই দিছে।

মে’ মাহত মুক্তি পাইছিল ‘পৰম সুন্দৰী’ৰ টিজাৰ।ইয়াত সিদ্ধাৰ্থক উত্তৰৰ আৰু জাহ্নৱীক দক্ষিণৰ ছোৱালী হিচাপে দেখুওৱা হৈছে।মেডকৰ বেনাৰত নিৰ্মিত এই ছবিখনৰ পৰিচালনা কৰিছে তুষাৰ জালোটাৰ।

লগতে পঢ়ক:প্ৰবীণ অভিনেতা কোটা শ্ৰীনিবাস ৰাওৰ মৃত্যু; ৮৩ বছৰ বয়সত শেষ নিশ্বাস ত্যাগ