‘ডন ৩’ক লৈ চলি থকা হুলস্থুলৰ মাজতে শেহতীয়াকৈ ৰণবীৰ সিঙে আধ্যাত্মিক নেতা সদগুৰুৰ সৈতে হোৱা এক বাৰ্তালাপ সামাজিক মাধ্যময় ভাইৰেল হৈ পৰিছে।

বলীউডৰ অভিনেতা ৰণবীৰ সিঙে বৰ্তমান ‘ডন ৩’ ছবি আৰু এফ ডব্লিউ আই চিয়ে জাৰি কৰা নিষেধাজ্ঞাৰ বাবেই শিৰোনাম দখল কৰিছে। ফাৰহান আখতাৰ আৰু ৰিতেশ সিধৱানীক লৈ চলি থকা এই বিতৰ্কৰ মাজতে এতিয়া অভিনেতাগৰাকীয়ে সদগুৰুৰ পৰা পথ প্ৰদৰ্শন বিচাৰিছে।এতিয়া সদগুৰুৰ অফিচিয়েল ইনষ্টাগ্ৰাম হেণ্ডেলত এটা ভিডিঅ’ শ্বেয়াৰ কৰা হৈছে। এই ভিডিঅ’টোত ৰণবীৰে যথেষ্ট গভীৰ চিন্তাত আৰু নিস্তব্ধ হৈ থকা দেখিবলৈ পোৱা গৈছে।

বৰ্তমান ছ’চিয়েল মিডিয়াত ভাইৰেল হৈ থকা এই ভিডিঅ’টোত ৰণবীৰ সিঙে সদগুৰুৰ সৈতে জীৱনৰ উদ্দেশ্য সন্দৰ্ভত আলোচনাত লিপ্ত হোৱা দেখা গৈছে। বিশেষকৈ ৰণবীৰ সিঙে উত্থাপন কৰা এই বিশেষ প্ৰশ্নটোৱে যথেষ্ট চৰ্চা লাভ কৰিছে। ভিডিঅ’টোত ৰণবীৰ সিঙে উল্লেখ কৰিছে যে তেওঁ ছ’চিয়েল মিডিয়াত বহু লোকে সদগুৰুৰ ওচৰলৈ যাবলৈ কৈছিল।  

ৰণবীৰ সিঙে সদগুৰুক সাক্ষাৎ কৰি প্ৰশ্ন কৰে যে ‘জীৱনৰ উদ্দেশ্য কি?’ তাৰ উত্তৰত সদগুৰুৱে কয় যে জীৱনৰ উদ্দেশ্য কি বুলি সুধিলে আচলতে আপুনি যিটো সুধিছে সেয়া হ’ল,জীৱনৰ উপযোগ কি? জীৱনৰ কোনো উদ্দেশ্য নাই। আপোনাৰ বুদ্ধিমত্তাতকৈ জীৱন বহুত ডাঙৰ। তোমাৰ অস্তিত্ব নাথাকিলেও জীৱনটো তেতিয়াও থাকিলহেঁতেন।জীৱনক যুক্তি বা উপযোগিতাৰ পাল্লাত জোখাব নোৱাৰি,জীৱনটো নিজৰ মাজতে এক অভিজ্ঞতা—যিটো কেৱল অনুভৱ কৰিব পাৰি।

মন কৰিবলগীয়া যে ৰণবীৰৰ এই ভিডিঅ’টো চোৱাৰ পিছত বহু লোকে তেওঁৰ বৰ্তমানৰ মানসিক অৱস্থাৰ প্ৰেক্ষাপটত ইয়াৰ ব্যাখ্যা আগবঢ়াইছে। আন কিছুমানে কয় যে অভিনেতাজনে কঠিন পৰ্যায়ত মানসিক শান্তি বিচাৰিছে।

লগতে পঢ়ক: ‘ডন ৩’ বিতৰ্কঃ ৰণবীৰ সিঙৰ ওপৰত নিষেধাজ্ঞা, ৪৫ কোটি টকাৰ ক্ষতিপূৰণ দাবী