সমগ্ৰ বিশ্বই ৰাছিয়া আৰু ইউক্ৰেইনৰ মাজত চলি থকা যুদ্ধ বন্ধ কৰাত নিয়োজিত হৈ আছে। ইফালে, বৃহস্পতিবাৰে ৰাছিয়াৰ ৰাষ্ট্ৰপতি পুটিনে যুদ্ধসমাপ্তিৰ চেষ্টা কৰা বিশ্বৰ নেতাসকলক ধন্যবাদ জ্ঞাপন কৰে।

এই ক্ষেত্ৰত তেওঁ ভাৰতকে ধৰি ব্ৰিকছ দেশসমূহক ধন্যবাদ জ্ঞাপন কৰে। ৰাছিয়াৰ ৰাষ্ট্ৰপতি ভ্লাদিমিৰ পুটিনে প্ৰথমবাৰৰ বাবে ইউক্ৰেইনত ৩০ দিনীয়া যুদ্ধবিৰতিৰ বাবে আমেৰিকা যুক্তৰাষ্ট্ৰৰ প্ৰস্তাৱত সঁহাৰি জনাইছিল।

উদ্বোধনী ভাষণত পুটিনে তিনি বছৰ ধৰি চলি থকা যুদ্ধৰ সমাপ্তিত সহায় কৰাৰ বাবে বিশ্বৰ নেতাসকলে কৰা প্ৰচেষ্টাৰ বিষয়ে বৰ্ণনা কৰে।

কৃতজ্ঞতা জ্ঞাপন কৰি পুটিনে আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্ৰাম্প, ভাৰতৰ প্ৰধানমন্ত্ৰী নৰেন্দ্ৰ মোদী আৰু চীনা কমিউনিষ্ট পাৰ্টিৰ নেতা ছি জিনপিঙৰ কথা উল্লেখ কৰে।

পুটিনে কৈছিল, ‘প্ৰথমতে, ইউক্ৰেইনৰ সমাধানৰ প্ৰতি ইমান মনোযোগ দিয়াৰ বাবে মই আমেৰিকা যুক্তৰাষ্ট্ৰৰ ৰাষ্ট্ৰপতি ডনাল্ড ট্ৰাম্পক ধন্যবাদ জনাইছো।

আমি সকলোৱে এই মুহূৰ্তত বহুত কৰিব লগীয়া আছে, কিন্তু চীনৰ ৰাষ্ট্ৰপতি, ভাৰতৰ প্ৰধানমন্ত্ৰী, ব্ৰাজিল আৰু দক্ষিণ আফ্ৰিকাৰ ৰাষ্ট্ৰপতিৰ দৰে বহুতো দেশৰ নেতাই এই বিষয়টোত যথেষ্ট সময় দিছে, আৰু আমি তেওঁলোকৰ প্ৰতি কৃতজ্ঞ।

কিয়নো ই শত্ৰুতা বন্ধ কৰা আৰু মানুহৰ ক্ষতি প্ৰতিহত কৰাৰ মহান উদ্দেশ্যৰ বাবে।ভাৰতে কেইবাটাও গোলকীয় মঞ্চত শান্তিৰ প্ৰতি প্ৰতিশ্ৰুতি স্পষ্ট কৰিছে।

বৃহস্পতিবাৰে ৰাছিয়াৰ নেতাজনে সংবাদমেলত কয় যে তেওঁ কাৰিকৰীভাৱে ইউক্ৰেইনত প্ৰস্তাৱিত যুদ্ধবিৰতিৰ পক্ষত আছে।

বেলাৰুছৰ ৰাষ্ট্ৰপতি আলেকজেণ্ডাৰ লুকাচেঙ্কোৰ সৈতে মস্কোত এক সংবাদমেলত পুটিনে কয়, ‘আমি যুদ্ধ সমাপ্ত কৰাৰ প্ৰস্তাৱত সন্মত, কিন্তু এই চৰ্তত যে ই দীৰ্ঘম্যাদী শান্তিৰ দিশে লৈ যায় আৰু সংকটৰ মূল কাৰণবোৰ সমাধান কৰে।

‘আমেৰিকা যুক্তৰাষ্ট্ৰই ৩০ দিনৰ যুদ্ধবিৰতিৰ প্ৰস্তাৱ দিছে, যাৰ ফলত যুদ্ধৰ ক্ষেত্ৰত অস্থায়ীভাৱে শত্ৰুতা সমাপ্ত হ’ব। এই পৰিকল্পনাটো ইউক্ৰেইনৰ দ্বাৰাও সমৰ্থিত ।