২০২৪ চনৰ শেষৰ কেইসপ্তাহমান পূৰ্বে গুগলত সৰ্বাধিক সন্ধান কৰা খেলুৱৈৰ তালিকা প্ৰকাশ পাইছে । কিছুদিন পূৰ্বে ইউটিউবৰ তাৰকাৰ হাতত বক্সিং যুঁজত পৰাস্ত হোৱা মহান বক্সাৰ মাইক টাইছন সৰ্বাধিক সন্ধান কৰা খেলুৱৈৰ ভিতৰত দ্বিতীয় স্থানত আছে । প্ৰথম স্থান লাভ কৰিছে ২০২৪ চনৰ পেৰিছ অলিম্পিকৰ সময়ত নিজৰ লিংগৰ বাবে লাইমলাইটত অহা ইমান খলিফ । পৰৱৰ্তী সময়ত এটা খবৰ অনুসৰি খলিফা মহিলা নহয় পুৰুষ বুলি ধৰা পৰিছিল । ইমান খলিফে প্ৰথম স্থান, মাইক টাইছনে দ্বিতীয় আৰু স্পেনিছ ফুটবল খেলুৱৈ লমিন য়ামালে তৃতীয় স্থান লাভ কৰিছে ।

২ গৰাকী ভাৰতীয় ক্ৰিকেটাৰো অন্তৰ্ভুক্ত-

২০২৪ চনত সৰ্বাধিক অনুসন্ধান কৰা খেলুৱৈৰ ভিতৰত সপ্তম স্থানত আছে হাৰ্দিক পাণ্ডিয়া । এইবাৰো বহু কাৰণত বাতৰিৰ শিৰোনাম দখল কৰি থাকিল হাৰ্দিকে । উল্লেখ্য যে ২০২৪ চনৰ টি-২০ বিশ্বকাপৰ ফাইনেলত পাণ্ডিয়াই শেষ অভাৰত বলিং কৰিছিল । এই অভাৰৰ প্ৰথমটো বলত সূৰ্যকুমাৰ যাদৱে বাউণ্ডেৰীত দৌৰি থকাৰ সময়তে ডেভিদ মিলাৰক পেভিলিয়নৰ বাট দেখুৱাইছিল । এই অভাৰত হাৰ্দিকে মাত্ৰ ৯ ৰান খৰচ কৰি দক্ষিণ আফ্ৰিকাৰ বিৰুদ্ধে টিম ইণ্ডিয়াই ৭ ৰানত জয়লাভ কৰাত গুৰুত্বপূৰ্ণ অৱদান আগবঢ়ায় ।

পত্নী নাটাছা ষ্টেনকভিচৰ পৰা বিচ্ছেদ হোৱাৰ বাবে এই বছৰো হাৰ্দিকে শিৰোনাম দখল কৰি থাকিল । গৌতম গম্ভীৰ মুখ্য প্ৰশিক্ষক হোৱাৰ পিছত সূৰ্যকুমাৰ যাদৱক টি-২০ দলৰ অধিনায়ক হিচাপে নিযুক্তি দিয়াৰ সময়তো হাৰ্দিকৰ নাম চৰ্চাত থাকিল । এই তালিকাৰ নৱম স্থানত আছে শশাংক সিং, যাক পঞ্জাৱ কিংছে আই পি এল ২০২৫ৰ বাবে ৰিটেইন কৰিছিল । ২০২৪ চনৰ আই পি এলত পঞ্জাৱৰ হৈ ১৪খন খেলত ৩৫৪ ৰান সংগ্ৰহ কৰিছিল শশাংকে । ১৬৪তকৈ অধিক ষ্ট্ৰাইক ৰেটৰ বাবেও তেওঁ লাইমলাইটলৈ আহে ।

এদিনীয়া ক্ৰিকেটত সৰ্বাধিক শতক অৰ্জন কৰাৰ অভিলেখ আছে টিম ইণ্ডিয়াৰ তাৰকা বেটছমেন বিৰাট কোহলীৰ নামত । তেওঁ ২০২৩ চনৰ বিশ্বকাপত শচীন তেণ্ডুলকাৰৰ সৰ্বাধিক ৪৯টা এদিনীয়া শতক অৰ্জন কৰাৰ অভিলেখ ভংগ কৰিছিল । কোহলীৰ নামত ৫০টা এদিনীয়া শতক আছে । সকলোতকৈ বেছি শতক অৰ্জন কৰাটো ঠিকেই, কিন্তু এনে কিছুমান মহান ক্ৰিকেটাৰ আছে যিয়ে নিজৰ সমগ্ৰ এদিনীয়া কেৰিয়াৰত এটা শতকো কৰিবলৈ সফল নহ’ল । এনে চাৰিজন প্ৰখ্যাত ক্ৰিকেটাৰৰ বিষয়ে জানো আহক । এই তালিকাত এজন ভাৰতীয়ও আছে ।

গ্ৰাহাম থৰ্প-

ইংলেণ্ডৰ প্ৰাক্তন বেটছমেন গ্ৰাহাম থৰ্পে এদিনীয়া কেৰিয়াৰত এটাও শতক অৰ্জন কৰিব নোৱাৰিলে । ১৯৯৩ চনত তেওঁ প্ৰথম এদিনীয়া খেলিছিল । ২০০২ চনত শেষৰখন এদিনীয়াৰ সৈতে তেওঁ এই ফৰ্মেটত মুঠ ৮২খন মেচ খেলিছিল । এই মেচসমূহত তেওঁ ২,৩৮০ ৰান সংগ্ৰহ কৰিছিল । তেওঁ ২১টা অৰ্ধশতক অৰ্জন কৰিছিল, য’ত ৮৯ ৰান আছিল তেওঁৰ সৰ্বোচ্চ স্ক’ৰ ।

মিছবাহ উল হক-

পাকিস্তানৰ প্ৰাক্তন অধিনায়ক তথা বেটছমেন মিছবাহ উল হকৰ এদিনীয়া মেচত তেওঁৰ নামত কোনো শতকৰ ৰেকৰ্ড নাই । ২০০২ চনত এদিনীয়া কেৰিয়াৰ আৰম্ভ কৰা এই কিংবদন্তি বেটছমেনজনে ২০১৫ চনত শেষৰখন এদিনীয়া খেলিছিল । এই ১৩ বছৰীয়া দীঘলীয়া সময়ছোৱাত তেওঁ কোনো শতক অৰ্জন কৰিব নোৱাৰিলে । ১৬২খন খেলৰ দীৰ্ঘ কেৰিয়াৰত মিছবাহে ৫,১২২ ৰান সংগ্ৰহ কৰে । তেওঁ ৪২ বাৰ অৰ্ধশতক অৰ্জন কৰিছিল যদিও কোনো শতক অৰ্জন কৰিব পৰা নাছিল । তেওঁৰ সৰ্বোচ্চ স্ক’ৰ আছিল ৯৬* ৰান ।

দীনেশ কাৰ্তিক-

আপুনি জানি আচৰিত হ’ব যে টিম ইণ্ডিয়াৰ প্ৰাক্তন উইকেটকীপাৰ বেটছমেন দীনেশ কাৰ্তিকৰ নামতো এদিনীয়াত এটাও শতকৰ ৰেকৰ্ড নাই । দীৰ্ঘদিনীয়া আন্তঃৰাষ্ট্ৰীয় ক্ৰিকেট কেৰিয়াৰত এবাৰো শতক অৰ্জন কৰিব নোৱাৰিলে কাৰ্তিকে । ২০০৪ চনত তেওঁ প্ৰথম এদিনীয়া খেলিছিল । একে সময়তে ২০১৯ চনত তেওঁৰ অন্তিমখন এদিনীয়া মেচ খেলিছিল । এদিনীয়া কেৰিয়াৰত কাৰ্তিকে ৯৪খন মেচত নিজৰ নামত ১,৭৫২ ৰান সংগ্ৰহ কৰিছে । তেওঁৰ সৰ্বোচচ স্ক’ৰ আছিল ৭৯ ৰান ।

মাইকেল ভ’গান-

ইংলেণ্ড ক্ৰিকেট দলৰ প্ৰাক্তন অধিনায়ক তথা কিংবদন্তি বেটছমেন মাইকেল ভ’গানেও এদিনীয়াত কেতিয়াও শতক অৰ্জন কৰিব নোৱাৰিলে । তেওঁ ৮৬খন এদিনীয়া মেচত ১,৯৮২ ৰান সংগ্ৰহ কৰিছিল, য’ত এটাও শতক নাছিল । ২০০১ চনত এদিনীয়াত অভিষেক ঘটোৱাৰ পিছত ২০০৭ চনলৈকে এই ফৰ্মেটত খেলিছিল তেওঁ । এদিনীয়াত তেওঁৰ সৰ্বোচ্চ স্ক’ৰ আছিল ৯০(অপৰাজিত) ।

পাৰ্থত অষ্ট্ৰেলিয়াৰ বিৰুদ্ধে খেলা বৰ্ডাৰ-গাভাস্কাৰ ট্ৰফীৰ প্ৰথমখন টেষ্টত বিৰাট কোহলীয়ে এক উজ্জ্বল শতক অৰ্জন কৰিছিল । ৮টা চাৰি আৰু ২টা ৬ৰ সহায়ত ১৪৩টা বলত ১০০ ৰানৰ অপৰাজিত ইনিংছ খেলিছিল তেওঁ । এতিয়া এডিলেইডত অনুষ্ঠিত হ’বলগীয়া পিংক বল ডে-নাইট টেষ্টত যদি কোহলীয়ে ১০২ ৰান সংগ্ৰহ কৰে তেন্তে তেওঁ ‘বিশ্ব অভিলেখ’ গঢ়িবলৈ সক্ষম হ’ব আৰু ৱেষ্ট ইণ্ডিজৰ প্ৰাক্তন বেটছমেন ব্রায়ান লাৰাৰ অভিলেখ ভংগ কৰিব ।

বৰ্তমান কোহলী এডিলেইড অ’ভেলত সৰ্বাধিক টেষ্ট ৰান সংগ্ৰহ কৰা তৃতীয়জন বেটছমেন । এই পৰ্যন্ত কোহলীয়ে ৫০৯ ৰান সংগ্ৰহ কৰিছে । এই তালিকাত দ্বিতীয় স্থানত আছে ৱেষ্ট ইণ্ডিজৰ মহান বেটছমেন ছাৰ ভিভিয়ান ৰিচাৰ্ডছ । এই খেলপথাৰত টেষ্ট ক্ৰিকেটত ৫৫২ ৰান সংগ্ৰহ কৰিছে ছাৰ ভিভিয়ান ৰিচাৰ্ডছে । তাৰ পিছত ব্রায়ান লাৰা আছে প্ৰথম স্থানত । লাৰাই ৬১১ ৰান সংগ্ৰহ কৰিছে ।

এতিয়া কোহলীক লাৰাৰ অভিলেখ ভংগ কৰি এডিলেইডত সৰ্বাধিক টেষ্ট ৰান সংগ্ৰহৰ বিশ্ব অভিলেখ দখল কৰিবলৈ ১০২ ৰানৰ প্ৰয়োজন । ভিভিয়ান ৰিচাৰ্ডছৰ অভিলেখ ভংগ কৰিবলৈ কোহলীক মাত্ৰ ৪৪ ৰানৰ প্ৰয়োজন । গতিকে এডিলেইডত কোহলিয়ে সৰ্বাধিক টেষ্ট ৰান সংগ্ৰহৰ অভিলেখ গঢ়িবলৈ সক্ষম হব নে নাই তাক চাবলৈ অনুৰাগী আগ্ৰহেৰে অপেক্ষা কৰিছে ।

এডিলেইডত সৰ্বাধিক টেষ্ট ৰাণ-

ব্ৰায়ান লাৰা – ৬১০ ৰাণ

ছাৰ ভিভিয়ান ৰিচাৰ্ডছ – ৫৫২ ৰাণ

বিৰাট কোহলী – ৫০৯ ৰাণ

ৱালি হেমণ্ড – ৪৮২ ৰাণ

লিঅনাৰ্ড হাটন – ৪৫৬ ৰাণ

বিৰাট কোহলীৰ টেষ্ট কেৰিয়াৰ-

উল্লেখযোগ্য যে বিৰাট কোহলীয়ে কেৰিয়াৰত এতিয়ালৈকে ১১৯খন টেষ্ট খেলিছে । এই মেচসমূহৰ ২০৩টা ইনিংছত তেওঁ ৪৮.১৩ গড়ে ৯১৪৫ ৰান সংগ্ৰহ কৰিছে । এই সময়ছোৱাত তেওঁ ৩০টা শতক আৰু ৩১টা অৰ্ধশতক অৰ্জন কৰিছে, য’ত সৰ্বোচ্চ স্ক’ৰ হৈছে ২৫৪* ৰান । ২০১১ চনৰ জুন মাহত কিংষ্টনত ৱেষ্ট ইণ্ডিজৰ বিৰুদ্ধে টেষ্ট খেলত অভিষেক ঘটায় কোহলীয়ে ।

অষ্ট্ৰেলিয়াত ভাৰতে এক দৰ্শনীয় জয়ৰে বৰ্ডাৰ-গাভাস্কাৰ ট্ৰফী অভিযান আৰম্ভ কৰিছে । পাৰ্থত অনুষ্ঠিত প্ৰথমখন টেষ্ট মেচত ভাৰতে আয়োজক দলটোক ২৯৫ ৰানত পৰাস্ত কৰে । এই জয়ত বিৰাট কোহলীয়ে গুৰুত্বপূৰ্ণ ভূমিকা পালন কৰে, যিয়ে দ্বিতীয় ইনিংছত ১৪৩টা বলত নিজৰ ৩০ সংখ্যক টেষ্ট শতক অৰ্জন কৰি পুনৰ ফৰ্মলৈ ঘূৰি আহে । এতিয়া সকলোৰে দৃষ্টি ৬ ডিচেম্বৰৰ পৰা এডিলেইড অ’ভেলত অনুষ্ঠিত হ’বলগীয়া দ্বিতীয়খন পিংক বল দিবা-নৈশ টেষ্টত আছে, য’ত বিৰাট কোহলীয়ে নিজৰ নামত এক ঐতিহাসিক কৃতিত্ব অৰ্জন কৰিব পাৰিব ।

বিৰাটে অৰ্জন কৰিব এই ঐতিহাসিক কৃতিত্ব-

বিৰাট কোহলীয়ে এই পৰ্যন্ত পিংক বল টেষ্টত ২৭৭ ৰান সংগ্ৰহ কৰাৰ লগতে দিবা-নৈশ টেষ্ট মেচত সৰ্বাধিক ৰান সংগ্ৰহ কৰা ভাৰতীয় খেলুৱৈ । অষ্ট্ৰেলিয়াৰ বিৰুদ্ধে দ্বিতীয়খন টেষ্টত যদি তেওঁ ২৩ ৰান কৰে তেন্তে তেওঁ ইতিহাসৰ প্ৰথমজন ভাৰতীয় খেলুৱৈ হিচাপে পৰিগণিত হ’ব যিয়ে দিবা-নৈশ টেষ্ট মেচত ৩০০ ৰান সংগ্ৰহ কৰিছে । পিংক বল টেষ্ট মেচত বিৰাট কোহলীৰ পিছত আছে ১৭৩ ৰান সংগ্ৰহ কৰা ৰোহিত শৰ্মাৰ নাম ।

পিংক বল টেষ্ট মেচত সৰ্বাধিক ৰান সংগ্ৰহ কৰা ভাৰতীয়-

বিৰাট কোহলী – ২৭৭

ৰোহিত শৰ্মা – ১৭৩

শ্ৰেয়াছ আয়েৰ – ১৫৫

লাৰা-ৰিচাৰ্ডছকো অতিক্ৰম কৰিব-

দ্বিতীয়খন টেষ্টত যদি বিৰাট কোহলীয়ে ১০২ ৰান কৰে তেন্তে তেওঁ এটা ডাঙৰ অভিলেখ ভংগ কৰিব পাৰিব । এডিলেইড অভেলৰ ইতিহাসত বিৰাট কোহলীয়ে ৫০৯টা টেষ্ট ৰাণ সংগ্ৰহ কৰিছে । দ্বিতীয়খন টেষ্টত যদি তেওঁ আৰু ১০২ ৰান সংগ্ৰহ কৰে তেন্তে এই খেলপথাৰত ৬১১ ৰান সম্পূৰ্ণ কৰিব আৰু অষ্ট্ৰেলিয়াৰ এই সন্মানীয় খেলপথাৰত অতিথি খেলুৱৈয়ে সৰ্বাধিক ৰান সংগ্ৰহৰ ব্রায়ান লাৰা (৬১০ ৰান)ৰ বিশাল অভিলেখ ভংগ কৰিব । এই খেলপথাৰত মহান ছাৰ ভিভিয়ান ৰিচাৰ্ডছৰ ৫৫২ ৰানৰ অভিলেখ ভংগ কৰিবলৈ বিৰাটক প্ৰয়োজন ৪৪ ৰানৰ ।