২০২৪ বৰ্ষই আমাৰ মাজৰ পৰা বিদায় লবলৈ মাত্ৰ কেইটামান দিন বাকী আছে । এনে সময়তে এতিয়া একাংশই জানিবলৈ চেষ্টা কৰিছে যে ২০২৪ চনত গুগলত কোন ভাৰতীয়ক সৰ্বাধিক বিচৰা বা চাৰ্চ কৰা হ’ল । প্ৰকৃততে বিশ্বৰ সৰ্ববৃহৎ চাৰ্চ ইঞ্জিন গুগলে ভাৰতত সৰ্বাধিক চাৰ্চ কৰা শীৰ্ষ ১০ জন লোকৰ তালিকা প্ৰকাশ কৰিছে । এই তালিকাত সৰ্বাধিক সন্ধান কৰা ব্যক্তি হৈছে বিনেশ ফোগাট । ইয়াৰ উপৰিও ক্ৰীড়া, ৰাজনীতি আৰু গ্লেমাৰৰ লগতে ব্যৱসায় জগতৰ লোকৰ নামো এই তালিকাত অন্তৰ্ভুক্ত হৈছে । গতিকে জানক এই বৰ্ষটোত গুগলত সৰ্বাধিক চাৰ্চ কৰা ভাৰতীয়ক ।

বিনেশ ফোগাট-

২০২৪ চনত গুগলত সৰ্বাধিক চাৰ্চ কৰা ভাৰতীয় চেলিব্ৰিটিৰ ভিতৰত প্ৰথম নামটো হ’ল মল্লযুঁজাৰু বিনেশ ফোগাটৰ । আচলতে পেৰিছ অলিম্পিকৰ মহিলাৰ ৫০ কেজি ফ্ৰীষ্টাইল ফাইনেলত বিনেশ ফোগাটক অযোগ্য ঘোষণা কৰা হৈছিল মাত্ৰ ১০০ গ্ৰাম ওজন কম হোৱাৰ বাবে । এই ঘটনাই বিনেশ ফোগাটক ছ’চিয়েল মিডিয়াত ট্ৰেণ্ডিং কৰি তুলিছিল । লগতে হাৰিয়ানা বিধানসভা নিৰ্বাচনৰ সময়ত কংগ্ৰেছত যোগদান কৰিছিল বিনেশ ফোগাটে । জুলানা আসনৰ পৰা নিৰ্বাচনত প্ৰতিদ্বন্দ্বিতা কৰি বিধায়ক হয় তেওঁ ।

নীতিশ কুমাৰ-

গুগল চাৰ্চত দ্বিতীয় স্থানত আছে বিহাৰৰ মুখ্যমন্ত্ৰী নীতিশ কুমাৰ । লোকসভা নিৰ্বাচনৰ পূৰ্বে নীতিশ কুমাৰে আৰ জে ডি ত্যাগ কৰি এন ডি এত যোগদান কৰে । ইয়াৰ বাবে তেওঁক ছ’চিয়েল মিডিয়াত বহুত ট্ৰ’ল কৰা হৈছিল । ইয়াৰ সমান্তৰালকৈ নীতিশ কুমাৰৰ বক্তব্যৰ বাবে গুগলত সন্ধান কৰা হৈছিল ।

চিৰাগ পাছোৱান-

নীতিশ কুমাৰৰ পিছত তালিকাত আছে চিৰাগ পাছোৱান । চিৰাগ পাছোৱানে চিনেমাৰ পৰা ৰাজনীতিত প্ৰৱেশ কৰি লোকসভা নিৰ্বাচনৰ সময়ত বাতৰিৰ শিৰোনাম দখল কৰিছিল । মোদী চৰকাৰত তেওঁক কেন্দ্ৰীয় মন্ত্ৰী হিচাপে নিযুক্তি দিয়া হৈছিল । কেৱল এয়াই নহয়, কংগনা ৰানাৱতৰ সৈতে তেওঁৰ এখন ছবিও ভাইৰেল হৈছিল, তাৰ পিছত চিৰাগ পাছোৱানক গুগলত বহুত চাৰ্চ কৰা হৈছিল ।

হাৰ্দিক পাণ্ডিয়া-

ক্ৰিকেটাৰ হাৰ্দিক পাণ্ডিয়াৰ নামো এই তালিকাত অন্তৰ্ভুক্ত কৰা হৈছে । গুগলত হাৰ্দিক পাণ্ডিয়াৰ অনুৰাগীয়ে সৰ্বাধিক চাৰ্চ কৰিছে । আচলতে ২০২৪ চনত ব্যক্তিগত জীৱনৰ বাবে আটাইতকৈ বেছি বাতৰিৰ শিৰোনাম দখল কৰে হাৰ্দিক পাণ্ডিয়াই । হাৰ্দিক আৰু নাটাছাৰ বিবাহ বিচ্ছেদ হয়, যাৰ বাবে তেওঁ শিৰোনামত থাকে । টি-২০ বিশ্বকাপত তেওঁ দৰ্শনীয় প্ৰদৰ্শন আগবঢ়াইছিল ।

পৱন কল্যাণ-

অভিনেতাৰ পৰা ৰাজনীতিবিদলৈ পৰিণত হোৱা পৱন কল্যাণ বৰ্তমান অন্ধ্ৰ প্ৰদেশৰ উপ মুখ্যমন্ত্ৰী । অন্ধ্ৰ প্ৰদেশত চলিত বৰ্ষত বিধানসভা নিৰ্বাচন অনুষ্ঠিত হৈছিল, য’ত চন্দ্ৰবাবু নাইডুৰ টি ডি পি আৰু বিজেপিৰ সৈতে পৱন কল্যাণৰ জনসেনা পাৰ্টিয়েও নিৰ্বাচনত প্ৰতিদ্বন্দ্বিতা কৰিছিল । নিৰ্বাচনত জয়ী হোৱাৰ পিছত পৱন কল্যাণক অন্ধ্ৰপ্ৰদেশৰ উপ-মুখ্যমন্ত্ৰী হিচাপে নিযুক্তি দিয়া হয় ।

শশাংক সিং-

২০২৪ চনৰ গুগল চাৰ্চ লিষ্টত ক্ৰিকেটাৰ শশাংক সিঙৰ নামো অন্তৰ্ভুক্ত কৰা হৈছে । ২০২৪ চনৰ আই পি এল মেচত শশাংক সিঙে বিস্ফোৰক বেটিঙেৰে সকলোকে আচৰিত কৰি তুলিছিল ।

পুনম পাণ্ডে-

গুগলৰ কোনো চাৰ্চ লিষ্ট থাকিব নোৱাৰে য’ত পুনম পাণ্ডেৰ নাম অন্তৰ্ভুক্ত নাথাকে । ২০১৩ চনত বলীউডত আত্মপ্ৰকাশ কৰিছিল পুনম পাণ্ডেই । ছবিতকৈ বক্তব্য আৰু শৈলীৰ বাবে তেওঁ উদ্যোগটোৰ শিৰোনামত থাকে । আনহাতে ২০২৪ চনত পুনমক মিছা মৃত্যুৰ খবৰ বিয়পোৱাৰ বাবে বহুত ট্ৰ’ল কৰা হৈছিল । কিন্তু পিছত পুনম পাণ্ডেৰ মৃত্যুৰ খবৰ মিছা বুলি প্ৰমাণিত হয় ।

ৰাধিকা মাৰ্চেন্ট-

২০২৪ চনত গুগলত সৰ্বাধিক সন্ধান কৰা হৈছে ৰাধিকা মাৰ্চেণ্টক । আচলতে এই বছৰ মুকেশ আম্বানীৰ পুত্ৰ অনন্ত আম্বানীৰ সৈতে ৰাধিকা মাৰ্চেণ্টৰ বিবাহ হৈছিল । তেওঁলোকৰ বিবাহ সমগ্ৰ বিশ্বতে আলোচনাৰ বিষয় হৈছিল । এই বিয়াত সমগ্ৰ বিশ্বৰ মহান ব্যক্তিসকলে অংশগ্ৰহণ কৰিছিল । এই কাৰণেই এই বছৰ গুগলত ৰাধিকা মাৰ্চেণ্টৰ নাম বিশিষ্ট হৈ থাকিল ।

অভিষেক শৰ্মা-

ক্ৰিকেটাৰ অভিষেক শৰ্মাই আই পি এল ২০২৪ৰত আশ্চৰ্যকৰ প্ৰদৰ্শন আগবঢ়াইছিল । ভাৰতৰ হৈ তেওঁ এইবাৰ আন্তঃৰাষ্ট্ৰীয় পৰ্যায়ত অভিষেক ঘটায় । বেটিং আৰু যুৱ ফেন ফ’ল’ৱাৰৰ বাবে অভিষেক শৰ্মা অতি বিখ্যাত হৈ পৰিছিল । এই কাৰণেই তেওঁক গুগলত সৰ্বাধিক সন্ধান কৰা হয় ।

লক্ষ্য সেন-

উত্তৰাখণ্ডৰ আলমোৰাৰ বাসিন্দা ২৩ বছৰীয়া লক্ষ্য সেনে চলিত বৰ্ষত অনুষ্ঠিত হোৱা পেৰিছ অলিম্পিক গেমছৰ বেডমিণ্টন পুৰুষৰ একক ইভেণ্টৰ ছেমি ফাইনেলত প্ৰৱেশ কৰিছিল । কিন্তু ছেমি ফাইনেলত পৰাজয়ৰ বাবে তেওঁ ব্ৰঞ্জৰ পদকৰ পৰা বঞ্চিত হয় ।