অপাৰেচন সিন্দুৰৰ পাছত সোমবাৰে প্রধানমন্ত্রী মোদীয়ে প্রথমবাৰৰ বাবে দেশবাসীক সম্বোধন কৰে ৷ দেশবাসীক সম্বোধন কৰি তেওঁ কয় যে বিগত দিনত বিশ্বই ভাৰতৰ শক্তি আৰু সংযম দুয়োটাকে দেখিছে । তেওঁ দেশৰ তিনিটা সশস্ত্ৰ বাহিনী আৰু বিজ্ঞানীক প্ৰণাম জনায় । ভাষণত প্ৰধানমন্ত্ৰী মোদীয়ে পাকিস্তানক উপযুক্ত উত্তৰ দি কয় যে যদি ভাৰতত সন্ত্ৰাসবাদী আক্ৰমণ হয় তেন্তে আমি ইয়াৰ প্ৰত্যুত্তৰ দিম ।

প্ৰধানমন্ত্ৰী মোদীয়ে দেশক দিয়া ভাষণত কয় যে সন্ত্ৰাসবাদৰ বিৰুদ্ধে ভাৰতৰ অভিযান কেৱল পিছুৱাই দিয়া হৈছে, বন্ধ কৰা হোৱা নাই । পাকিস্তানৰ মনোভাৱ কি হ’ব, ইয়াক লৈ ভৱিষ্যতে কঠোৰ সিদ্ধান্ত লোৱা হ’ব আৰু উত্তৰো দিয়া হ’ব । প্ৰধানমন্ত্ৰী মোদীয়ে পাকিস্তানৰ লগতে বিশ্বৰ আগত স্পষ্ট কৰি দিয়ে যে ‘পাকিস্তানৰ সৈতে যদি আলোচনা হ’ব, তেন্তে সেয়া কেৱল সন্ত্ৰাসবাদ আৰু পাক অধিকৃত কাশ্মীৰৰ ওপৰতহে হ’ব ।’

সন্ত্ৰাসবাদৰ বিৰুদ্ধে কঠোৰ ব্যৱস্থা ল’বলৈ সাজু-

প্ৰধানমন্ত্ৰী মোদীয়ে দেশবাসীক প্ৰদান কৰা ভাষণত কয়, ‘আমি ভাৰতীয় সশস্ত্ৰ বাহিনীক সন্ত্ৰাসবাদী নিৰ্মূল কৰাৰ সম্পূৰ্ণ কৰ্তৃত্ব দিছো । আজি প্ৰতিটো সন্ত্ৰাসবাদী আৰু সন্ত্ৰাসবাদী সংগঠনে বুজি পাইছে যে আমাৰ কন্যা আৰু ভগ্নীসকলৰ স্বাভিমান আৰু গৌৰৱৰ ক্ষতি কৰিবলৈ চেষ্টা কৰাৰ পৰিণতি কি হ’ব । অপাৰেচন সিন্দুৰ কেৱল এটা নাম নহয় । এয়া ৰাষ্ট্ৰৰ সামূহিক আৱেগ আৰু স্থিতিস্থাপকতাৰ এক শক্তিশালী প্ৰতীক ।

প্ৰধানমন্ত্ৰী নৰেন্দ্ৰ মোদীয়ে কয় যে এই সন্ত্ৰাসবাদী আক্ৰমণৰ পিছত সমগ্ৰ ৰাষ্ট্ৰ, প্ৰতিজন নাগৰিক, প্ৰতিখন সমাজ, প্ৰতিটো শ্ৰেণী, প্ৰতিটো ৰাজনৈতিক দলে এক মাতেৰে সন্ত্ৰাসবাদৰ বিৰুদ্ধে কঠোৰ ব্যৱস্থা গ্ৰহণৰ বাবে থিয় দিয়ে ।

পাকিস্তানৰ প্ৰতিটো আক্ৰমণ বতাহতেই বিফল হৈছিল-

প্ৰধানমন্ত্ৰী মোদীয়ে কয় যে তিনি দশক ধৰি পাকিস্তানত সন্ত্ৰাসবাদীয়ে ঘূৰি ফুৰিছিল । সন্ত্ৰাসবাদী কাৰ্যক বিৰোধিতা কৰাৰ পৰিৱৰ্তে পাকিস্তানে ভাৰতক আক্ৰমণ কৰিবলৈ আৰম্ভ কৰিলে । পাকিস্তানে আমাৰ কলেজ, স্কুল, গুৰুদ্বাৰ আৰু সাধাৰণ নাগৰিকৰ ঘৰবোৰক লক্ষ্য কৰি লৈছিল, আমাৰ সামৰিক ঘাটিবোৰক লক্ষ্য কৰিছিল, কিন্তু ইয়াতো পাকিস্তান নিজেই উন্মোচিত হৈছিল । বিশ্বই দেখিলে পাকিস্তানৰ ড্ৰোন আৰু মিছাইল কেনেকৈ খেৰৰ দৰে সিঁচৰতি হৈ পৰিল । আমাৰ বায়ু প্ৰতিৰক্ষা ব্যৱস্থাই আকাশত পাকিস্তানৰ প্ৰতিটো আক্ৰমণ বিফল কৰি পেলালে ।

প্ৰথম ৩ দিনত ভাৰতে পাকিস্তানক এনেদৰে ধ্বংস কৰিলে যে তেওঁলোকে কল্পনাও কৰা নাছিল । ইয়াৰ পিছত পাকিস্তানে পলায়নৰ উপায় বিচাৰিবলৈ আৰম্ভ কৰে । ইয়াৰ পিছত পাকিস্তানে উত্তেজনা হ্ৰাস কৰিবলৈ সমগ্ৰ বিশ্বৰ পৰা সহায় বিচাৰিবলৈ আৰম্ভ কৰে ।

তিনিটা কথা স্পষ্ট কৰি দিলে প্ৰধানমন্ত্ৰী মোদীয়ে-

প্ৰধানমন্ত্ৰী মোদীয়ে কয় যে অপাৰেচন সিন্দুৰ এতিয়া সন্ত্ৰাসবাদৰ বিৰুদ্ধে ভাৰতৰ নতুন নীতি । এই সময়ছোৱাত তেওঁ তিনিটা কথা অতি স্পষ্টকৈ কয় । প্ৰথম কথা, আক্ৰমণ হ’লে আমি উপযুক্ত উত্তৰ দিম; সন্ত্ৰাসবাদৰ শিপা উদয় হোৱা প্ৰতিটো ঠাইতে আমি ব্যৱস্থা গ্ৰহণ কৰিম । দ্বিতীয়তে, ভাৰতে কোনো ধৰণৰ পাৰমাণৱিক ভাবুকি সহ্য নকৰে, তৃতীয়তে আমি সন্ত্ৰাসবাদক পৃষ্ঠপোষকতা কৰা চৰকাৰ আৰু সন্ত্ৰাসবাদৰ মালিকসকলক পৃথকে পৃথকে নাচাব । এই অভিযানৰ সময়ত বিশ্বই পাকিস্তানৰ কুৎসিত মুখ দেখিবলৈ পাইছে যেতিয়া দেশখনৰ চৰকাৰ আৰু সেনাৰ শীৰ্ষ বিষয়াসকলে নিহত সন্ত্ৰাসবাদীৰ অন্ত্যেষ্টিক্ৰিয়াৰ শোভাযাত্ৰাত ভিৰ কৰিছিল । লগতে ভাৰতৰ নাগৰিকক যিকোনো বিপদৰ পৰা ৰক্ষা কৰিবলৈ আমি নিৰ্ণায়ক পদক্ষেপ গ্ৰহণ কৰি যাম ।

জম্মু-কাশ্মীৰৰ মুখ্যমন্ত্ৰী ওমৰ আব্দুল্লাই শনিবাৰে দিল্লীত প্ৰধানমন্ত্ৰী নৰেন্দ্ৰ মোদীক সাক্ষাৎ কৰে । পহলগাম সন্ত্ৰাসবাদী আক্ৰমণৰ পিছত প্ৰধানমন্ত্ৰী মোদীৰ সৈতে তেওঁৰ এয়া প্ৰথম সাক্ষাৎ । প্ৰায় ৩০ মিনিট সময় ধৰি চলে দুয়োগৰাকী নেতাৰ এই বৈঠক । শেহতীয়াকৈ পহলগাম আক্ৰমণ আৰু তাৰ পিছত উদ্ভৱ হোৱা নিৰাপত্তাজনিত পৰিস্থিতিকে ধৰি বহু বিষয়ৰ ওপৰত বিতংভাৱে বৈঠকত আলোচনা কৰা হয় ।

‘কেন্দ্ৰীয় চৰকাৰৰ যিকোনো এক্সনৰ সৈতে আছে জম্মু-কাশ্মীৰ চৰকাৰ’

বৈঠকৰ পূৰ্বে ওমৰ আব্দুল্লাই প্ৰধানমন্ত্ৰীক সাক্ষাৎ কৰি কেন্দ্ৰীয় চৰকাৰৰ যিকোনো সিদ্ধান্তত, বিশেষকৈ পহলগাম আক্ৰমণৰ প্ৰতিশোধ আৰু দেশৰ নিৰাপত্তাৰ প্ৰতিশোধৰ সৈতে জড়িত বিষয়সমূহত জম্মু-কাশ্মীৰ প্ৰশাসনৰ পৰা পূৰ্ণ সহযোগিতা আগবঢ়োৱাৰ আশ্বাস দিয়াৰ কথা উল্লেখ কৰে ।

যি সময়ত জম্মু-কাশ্মীৰত নিৰাপত্তাজনিত প্ৰত্যাহ্বান বৃদ্ধি পাইছে আৰু কেন্দ্ৰীয় চৰকাৰে পাকিস্তানৰ বিৰুদ্ধে কঠোৰ ব্যৱস্থা গ্ৰহণৰ ইংগিত দিছে তেনে সময়তে ওমৰ আব্দুল্লা আৰু প্ৰধানমন্ত্ৰী মোদীৰ এই বৈঠক অনুষ্ঠিত হৈছে ।

সকলোকে একত্ৰিত হৈ থাকিবলৈ আহ্বান জনায় ফাৰুক আব্দুল্লাই-

ইয়াৰ পূৰ্বে প্ৰাক্তন মুখ্যমন্ত্ৰী তথা জম্মু-কাশ্মীৰ নেশ্যনেস কনফাৰেন্সৰ অধ্যক্ষ ফাৰুক আব্দুল্লাই এই আক্ৰমণক গৰিহণা দি সকলোকে সন্ত্ৰাসবাদৰ বিৰুদ্ধে ঐক্যবদ্ধভাৱে থিয় দিবলৈ আহ্বান জনায় । তেওঁ কয়, ‘আক্ৰমণৰ লগত জড়িতসকল মানৱতাৰ শত্ৰু । সিন্ধু জল সন্ধি পুনৰাবৃত্তি কৰিব লাগে ।‘

ফাৰুক আব্দুল্লাই পহলগাম আক্ৰমণত নিহত আদিল হুছেইন শ্বাহৰ ঘৰলৈ গৈ পৰিয়ালটোক সাক্ষাৎ কৰি শ্ৰদ্ধাঞ্জলি জ্ঞাপন কৰে । আদিলে পনি ৰাইড অপাৰেটৰ হিচাপে কাম কৰি আছিল । সন্ত্রাসবাদী আক্রমণত মৃত্যু হোৱা ২৬ জন লোকৰ ভিতৰত আদিলো আছিল ৷ আদিলৰ বাহিৰে আন সকলোৱেই আছিল পৰ্যটক ।

‘পাকিস্তানৰ বিৰুদ্ধে ব্যৱস্থা লোৱাটো প্ৰধানমন্ত্ৰীৰ অধিকাৰ’

পাকিস্তানৰ বিৰুদ্ধে ভাৰতে গ্ৰহণ কৰা ব্যৱস্থা সন্দৰ্ভত ফাৰুক আব্দুল্লাই কোনো মন্তব্য দিবলৈ অস্বীকাৰ কৰে । তেওঁ কয়, ‘এয়া প্ৰধানমন্ত্ৰীৰ অধিকাৰ, মই একো নকওঁ’ । অৱশ্যে তেওঁ নিশ্চিতভাৱে পাকিস্তানক ধমক দিয়ে ।

পাকিস্তান পিপলছ পাৰ্টিৰ নেতা বিলোৱাল ভুট্টো জৰ্দাৰীৰ ভাবুকিৰ প্ৰতিক্ৰিয়া প্ৰকাশ কৰি ফাৰুকে কয় যে এনে নেতাৰ বক্তব্যৰে সমস্যা সমাধান নহ’ব । যদি আমি তেওঁৰ বক্তব্যৰ প্ৰতি গুৰুত্ব দিওঁ, তেন্তে কাশ্মীৰ আগবাঢ়িব নোৱাৰিব ।