শ্ৰীলংকা ভ্ৰমণ সমাপ্ত কৰি তামিলনাডুত উপস্থিত হয় প্ৰধানমন্ত্ৰী নৰেন্দ্ৰ মোদী। য’ত তেওঁ ৰামেশ্বৰৰামৰ ৰামনাথপুৰমত নতুন পাম্বন দলং উদ্বোধন কৰি তামিলনাডুৰ উন্নয়নৰ বিষয়ে আলোচনা কৰে।

দেওবাৰে এক সমাৱেশতো ভাষণ দিয়ে। এই সময়ত তেওঁ তামিলনাডুৰ ডি এম কে চৰকাৰ আৰু মুখ্যমন্ত্ৰী এম কে ষ্টেলিনকো লক্ষ্য কৰি কয় যে একাংশ লোকৰ সদায় কান্দোনৰ অভ্যাস আছে।

তামিলনাডুৰ উন্নয়নৰ কথা কওঁতে তেওঁ কয়, ‘উন্নত ভাৰতৰ দিশে যাত্ৰাত তামিলনাডুৰ এক বৃহৎ ভূমিকা আছে। মোৰ বিশ্বাস, তামিলনাডুৰ শক্তি যিমানেই বৃদ্ধি পাব সিমানেই ভাৰতৰ বৃদ্ধি দ্ৰুত হ’ব।

যোৱা দশকত কেন্দ্ৰীয় চৰকাৰে ২০১৪ চনৰ তুলনাত তামিলনাডুৰ উন্নয়নৰ বাবে তিনিগুণ বেছি ধন দিছে।ইয়াৰ পিছতো কিছুমান মানুহৰ কোনো কাৰণ নোহোৱাকৈ কান্দি থকাৰ অভ্যাস আছে, তেওঁলোকে সদয়া কান্দিয়েই থাকে।

২০১৪ চনৰ পূৰ্বে এই ৰে’ল প্ৰকল্পৰ বাবে প্ৰতি বছৰে মাত্ৰ ৯০০ কোটি টকাহে লাভ কৰা হৈছিল। এইবাৰ তামিলনাডুৰ ৰে’ল বাজেট ৬০০০ কোটিতকৈও অধিক আৰু ভাৰত চৰকাৰেও ইয়াত ৭৭টা ৰে’ল ষ্টেচন আধুনিকীকৰণ কৰি আছে৷ ইয়াৰ ভিতৰত ৰামেশ্বৰম ৰে’লৱে ষ্টেচনো অন্তৰ্ভুক্ত।

প্ৰধানমন্ত্ৰী মোদীয়ে কয় যে, ভাৰতে বিগত ১০ বছৰত নিজৰ অৰ্থনীতিৰ আকাৰ দুগুণ বৃদ্ধি কৰিছে। এনে দ্ৰুত বৃদ্ধিৰ এটা প্ৰধান কাৰণ হৈছে আমাৰ উৎকৃষ্ট আধুনিক আন্তঃগাঁথনি।

যোৱা ১০ বছৰত আমি ৰে’লৱে, পথ, বিমানবন্দৰ, বন্দৰ, বিদ্যুৎ, পানী, গেছ পাইপলাইন আদি আন্তঃগাঁথনিৰ বাজেট প্ৰায় ৬ গুণ বৃদ্ধি কৰিছো।তেওঁ আৰু কয়, আজি দেশত মেগা প্ৰজেক্টৰ কাম অতি দ্ৰুতগতিত চলি আছে।

উত্তৰ দিশলৈ চালে বিশ্বৰ অন্যতম ওখ ৰে’ল দলং ‘চেনাব দলং’ জম্মু-কাশ্মীৰত নিৰ্মাণ কৰা হৈছে।পশ্চিম দিশলৈ গ’লে দেশৰ আটাইতকৈ দীঘল সাগৰীয় দলং ‘অটল ছেতু’ মুম্বাইত নিৰ্মাণ কৰা হৈছে।

পূব দিশলৈ গ’লে অসমৰ ‘বগীবিল দলং’ চাবলৈ পাব৷উজনিলৈ আহি বিশ্বৰ কেইখনমান উলম্ব লিফ্ট দলঙৰ ভিতৰত অন্যতম ‘পাম্বন দলং’ নিৰ্মাণৰ কাম সম্পূৰ্ণ হৈছে।

কংগ্ৰেছৰ জ্যেষ্ঠ নেতা পি চিদাম্বৰমে ভাৰত চৰকাৰক আমেৰিকাৰ ৰাষ্ট্ৰপতি ড’নাল্ড ট্ৰাম্পৰ ‘শুল্ক যুদ্ধ’ৰ ভাবুকিৰ প্ৰতি ভাৰতৰ সঁহাৰি স্পষ্ট কৰিবলৈ দাবী জনাইছে।

তেওঁ অভিযোগ উত্থাপন কৰিছে যে সংসদত এই বিষয়ত কোনো আলোচনা হোৱা নাই আৰু বিৰোধী দলৰ সৈতে কোনো ধৰণৰ আলোচনাও হোৱা নাই ।

চিদাম্বৰমে পৰামৰ্শ দিছে যে ভাৰতে সেই দেশসমূহৰ সৈতে একেলগে কাম কৰা উচিত, যিসকলৰ একেধৰণৰ স্বাৰ্থ আছে আৰু ট্ৰাম্পৰ নীতিৰ বিৰোধিতা কৰিব বিচাৰে।

এই কথাকে লৈ চিদাম্বৰমে সকীয়াই দিছে যে যদি ট্ৰাম্পে বিভিন্ন দেশৰ ওপৰত বিভিন্ন শুল্ক আৰোপ কৰে, তেন্তে ক্ষতিগ্ৰস্ত দেশসমূহে অকলেই ইয়াৰ সন্মুখীন হ’ব লাগিব।

এটা সাক্ষাৎকাৰত কংগ্ৰেছ নেতাগৰাকীয়ে কয় যে যদি ভাৰত চৰকাৰে অনুভৱ কৰে যে আমেৰিকা কেতিয়াবা আগবাঢ়ি যায় আৰু কেতিয়াবা পিছুৱাই যায়, তেন্তে ইয়াৰ বাবে এক সুনিৰ্দিষ্ট নীতি ৰচনা কৰা উচিত।

তেওঁ কয় যে চৰকাৰৰ নীতি অনিশ্চিত হ’ব নোৱাৰে৷ আমেৰিকাই এখোজ আগুৱাই গ’লে ভাৰতৰ কি প্ৰতিক্ৰিয়া হ’ব? তেওঁ দুখোজ পিছুৱাই গ’লে কি কৰিব ভাৰতে? ইয়াৰ কিছু সুনিৰ্দিষ্ট উত্তৰ চৰকাৰৰ হাতত থকা উচিত।

লগতে তেওঁ কয় যে এনে নীতিক সমগ্ৰ বিশ্বৰ আগত ৰখাৰ প্ৰয়োজন নাই, কিন্তু অন্ততঃ সংসদত ইয়াৰ ওপৰত এটা বক্তব্য দিব লাগে বা বিৰোধী দলৰ সৈতে আলোচনা কৰিব লাগে।

লগতে তেওঁ দাবী কৰে যে চৰকাৰৰ অধিকাংশ মন্ত্ৰী নিজেই এই বিষয়ত অজ্ঞাত। তেওঁ প্ৰশ্ন কৰে যে আমেৰিকাৰ অনিশ্চিত নীতিৰ প্ৰতি সঁহাৰি জনাবলৈ কোনে কৌশল ৰচনা কৰিছে?

তেওঁ কয় যে চৰকাৰে হঠাৎ আৰু অবিবেচক সিদ্ধান্ত গ্ৰহণ কৰিছে, যেনে বাজেট ভাষণত ২% কৰ আঁতৰাই দিয়া হৈছিল আৰু কিছুদিন পূৰ্বে ৬% ডিজিটেল সেৱা কৰ (গুগল কৰ) বিলুপ্ত কৰাৰ কথা ঘোষণা কৰা হৈছে। তেওঁ প্ৰশ্ন কৰে যে চৰকাৰে আৰু কিমান ৰেহাই দিবলৈ ওলাইছে?

চিদাম্বৰমে কয় যে ভাৰতে নিজৰ স্বাৰ্থক অগ্ৰাধিকাৰ দিব লাগে আৰু আন দেশৰ সৈতে হাত মিলাই আমেৰিকাৰ একপক্ষীয় নীতিৰ বিৰোধিতা কৰিব লাগে।

আন্তঃৰাষ্ট্ৰীয় বাণিজ্য চুক্তি, বিশ্ব বাণিজ্য সংস্থাৰ নিয়ম আৰু অন্যান্য আন্তঃৰাষ্ট্ৰীয় আইনৰ অধীনত এই শুল্ক সলনি কৰিব নোৱাৰিব বুলিও তেওঁ কয়।

কানাডাৰ প্ৰধানমন্ত্ৰীৰ উদাহৰণ দি তেওঁ কয় যে তেওঁ নিজৰ দেশৰ সংসদক আস্থাত লৈ ইউৰোপীয় দেশসমূহৰ সৈতে ট্ৰাম্পৰ শুল্ক নীতিক প্ৰতিহত কৰাৰ পৰিকল্পনা কৰিছিল।