ভাৰতৰ বিজ্ঞাপন জগতৰ যাদুকৰ পীয়ুষ পাণ্ডেৰ দেহাৱসান

ভাৰতৰ প্ৰখ্যাত এড গুৰু তথা পদ্মশ্ৰী বঁটা বিজয়ী পীযুষ পাণ্ডে শুকুৰবাৰে মুম্বাইত শেষ নিশ্বাস ত্যাগ কৰে।ভাৰতীয় বিজ্ঞাপনৰ সৃষ্টিশীলতাৰ কণ্ঠ, হাঁহি আৰু মুখ পীয়ুষ পাণ্ডেৰ ৭০ বছৰ বয়সত মৃত্যু হয়।

কিছুদিন ধৰি তেওঁ গুৰুতৰ সংক্ৰমণত ভুগি আছিল বুলি কোৱা হৈছে।অৱশ্যে মৃত্যুৰ সঠিক কাৰণ এতিয়াও জানিব পৰা হোৱা নাই।

পীয়ুষ পাণ্ডেই বহু শ্লোগান লিখিছিল, যাৰ ভিতৰত ‘আবকি বৰ মোডী সৰকাৰ’ শ্লোগান আৰু ‘মিলে সুৰ মেৰা তুমহাৰা’ ও অন্তৰ্ভূক্ত।তেওঁ দৈনিক ভাস্কৰ গ্ৰুপৰ ব’ৰ্ডতো প্ৰায় ১০ বছৰ ধৰি স্বতন্ত্ৰ সঞ্চালক হিচাপে কাৰ্যনিৰ্বাহ কৰিছিল।

জয়পুৰত জন্মগ্ৰহণ কৰা পীয়ুষ পাণ্ডেৰ জীৱনৰ এক আকৰ্ষণীয় আৰম্ভণি হৈছিল।ইয়াৰ পূৰ্বে তেওঁ ৰাজস্থানৰ ৰঞ্জি ট্ৰফী দলৰ ক্ৰিকেটাৰ হিচাপে কাম কৰিছিল আৰু চাহৰ মানদণ্ড পৰীক্ষক (চাহ পৰীক্ষক) হিচাপেও কাম কৰিছিল।

চাৰি দশকৰো অধিক সময় ধৰি চলি থকা কেৰিয়াৰত তেওঁ সাধাৰণ মানুহৰ আৱেগৰ সৈতে অনুৰণন ঘটা বিজ্ঞাপন সৃষ্টি কৰিছিল।

এছিয়ান পেইণ্টছৰ “হৰ খুছি মে ৰং লায়ে”, কেডবেৰীৰ “কুচ খাছ হে”, ফেভিকলৰ আইকনিক “এগ” বিজ্ঞাপন আৰু হাচৰ পাগ বিজ্ঞাপন এতিয়াও মানুহৰ মনত খোদিত হৈ আছে।

লগতে পঢ়ক: মুক্তি পালে জুবিন গাৰ্গৰ সপোনৰ ছবি ‘ৰৈ ৰৈ বিনালে’ৰ ট্ৰেইলাৰ…