বৰ্ডাৰ-গাভাস্কাৰ ট্ৰফীৰ অধীনত ভাৰত আৰু অষ্ট্ৰেলিয়াৰ মাজত চতুৰ্থখন টেষ্ট মেলবৰ্ণ ক্ৰিকেট ষ্টেডিয়ামত আজি আৰম্ভ হৈছে । খেলখনৰ প্ৰথম দিনাই বেটিং আৰু বলিঙৰ মাজত তীব্ৰ প্ৰতিদ্বন্দ্বিতা দেখা গ’ল । পাৰ্থ, এডিলেইড আৰু ব্রিছবেনৰ তুলনাত মেলবৰ্ণৰ খেলপথাৰ বেটছমেনসকলৰ বাবে অধিক সহায়ক যেন লাগিছিল ৷ সেইবাবেই অষ্ট্ৰেলিয়াই প্ৰথম দিনাই মেচখনত ৪টা অৰ্ধশতক অৰ্জন কৰে ।

খেলখনত অষ্ট্ৰেলিয়াৰ দলটোৱে টছত জয়লাভ কৰি প্ৰথম দিনাই ৩১১/৬ (৮৬ অভাৰ) স্ক’ৰ কৰে । বৰ্তমান ক্ৰীজত আছে পেট কামিন্স (৮), ষ্টিভ স্মিথ (৬৮) । প্ৰথম দিনাই ভাৰতীয় দলৰ সফল বলাৰ হিচাপে ৩টা উইকেট দখল কৰে যশপ্ৰীত বুমৰাহে ।

টছত জয়ী হৈ প্ৰথমে বেটিং কৰিবলৈ অহা অষ্ট্ৰেলিয়াৰ শক্তিশালী আৰম্ভণি কৰে । ১৯ বছৰীয়া অভিষেককাৰী ছেম কনষ্টাছে যশপ্ৰীত বুমৰাহৰ বিৰুদ্ধে কিছুমান উৎকৃষ্ট শ্বট খেলিছিল । ইনিংছৰ সপ্তম অভাৰত কনষ্টাছে যশপ্ৰীত বুমৰাহৰ বিৰুদ্ধে দুটা চাৰি আৰু এটা ছয় কোবাই ।

তাৰ পাছত কনষ্টাছে ১১ নং অভাৰত বুমৰাহৰ বলিঙৰ পৰা মুঠ ১৮ ৰান সংগ্ৰহ কৰে । কনষ্টাছে বিস্ফোৰক বেটিং অব্যাহত ৰাখি মাত্ৰ ৫২টা বলত পঞ্চাশ সম্পূৰ্ণ কৰে । কিন্তু ইয়াৰ পিছত কনষ্টাছ জাডেজাৰ স্পীনৰ চিকাৰ হয় আৰু ৬০ ৰানত আউট হয় ।

অৱশ্যে ইয়াৰ পিছত উছমান খোৱাজা আৰু মাৰ্নাছ লাবুছাগনে সতৰ্কতাৰে খেলি দুয়োজনে ৬৫ ৰানৰ অংশীদাৰিত্ব গঢ়ি তোলে । ইফালে বুমৰাহ পুনৰবাৰ ভাৰতৰ বাবে ট্ৰাম্প কাৰ্ড হিচাপে প্ৰমাণিত হয় আৰু তেওঁ উছমান খোৱাজাক পেভিলিয়নৰ বাট দেখুৱাই । ইয়াৰ পিছত ভাৰতীয় দলটোৱে পুনৰ তৃতীয় উইকেট দখল কৰিবলৈ বহু সময় অপেক্ষা কৰিবলগীয়া হ’ল যদিও এই মেচত খেলি থকা ৱাশ্বিংটন সুন্দৰে মাৰ্নাছ লাবুশ্বাগনক তেওঁৰ স্পীনত আৱদ্ধ কৰি পেভিলিয়নমুখী কৰে ।

দলীয় ২৩৭ ৰানত ব্যক্তিগত ৭২ ৰান সংগ্ৰহ কৰি লাবুশ্বান আউট হয় । আনহাতে ট্ৰেভিছ হেডক বুমৰাহে শূণ্য ৰানত ক্লিন বল্ড কৰে । যেতিয়া হেড আউট হয়, তেতিয়া অষ্ট্ৰেলিয়াৰ স্ক’ৰ হৈছিল ২৪০/৪ । ইয়াৰ কিছু সময়ৰ পিছতে বুমৰাহে মিচেল মাৰ্ছকো কম সময়তে আউট কৰে । ইয়াৰ পিছত আকাশ দীপে এলেক্স কেৰীক নতুন বলেৰে ৩১ ৰানত পেভিলিয়নমুখী কৰে ।

উইকেটৰ পতন : ১-৮৯ (ছেম কনষ্টাছ, ১৯.২ অভাৰ), ২-১৫৪ (উছমান খোৱাজা, ৪৪.১ অভাৰ), ৩-২৩৭ (মাৰ্নাছ লাবুছাগনে, ৬৫.১ অভাৰ), ৪-২৪০ (ট্ৰেভিছ হেড, ৬৬.৩ অভাৰ), ৫-২৪৬ (মিচেল মাৰ্ছ, ৬৮.৬ অভাৰ), ৬-২৯৯ (এলেক্স কেৰী, ৮২.১ অভাৰ) ।

মেলবৰ্ণত হেটট্ৰিকৰ সুযোগ…

এই ৫ খনীয়া টেষ্ট শৃংখলা ১-১ ব্যৱধানত সমতাত আছে । পাৰ্থ টেষ্টত ভাৰতে ২৯৫ ৰানত জয়লাভ কৰে । ইয়াৰ পিছতে অষ্ট্ৰেলিয়াই এডিলেইড টেষ্টত ১০ উইকেটত জয়লাভ কৰাৰ বিপৰীতে ব্রিছবেন টেষ্ট ড্ৰ’ হয় ৷ ভাৰতীয় ক্ৰিকেট দলটোৱে ২০১৮ আৰু ২০২০ চনত মেলবৰ্ণত খেলা দুয়োখন টেষ্ট মেচতে জয়লাভ কৰিছে । এনে পৰিস্থিতিত দলটোৱে ইয়াত জয়ৰ হেট্ৰিকৰ সুযোগ পাব । ২০১৮ চনত ভাৰতীয় দলটোৱে ইয়াত ১৩৭ ৰাণত জয়লাভ কৰাৰ বিপৰীতে ২০২০ চনত ৮ উইকেটত জয়লাভ কৰে ।

বৰ্ডাৰ-গাভাস্কাৰ ট্ৰফীৰ অধীনত ভাৰত আৰু অষ্ট্ৰেলিয়াৰ মাজত আজি (২৬ ডিচেম্বৰ) মেলবৰ্ণ ক্ৰিকেট ষ্টেডিয়ামত অনুষ্ঠিত হৈছে চতুৰ্থখন টেষ্ট । এই মেচত অষ্ট্ৰেলিয়াৰ দলটোৱে টছত জয়লাভ কৰি প্ৰথমে বেটিং কৰিছে । দুপৰীয়াৰ আহাৰ গ্ৰহণৰ সময়লৈকে অষ্ট্ৰেলিয়াৰ স্ক’ৰ ১১২/১ (২৫ অভাৰ)। উছমান খোৱাজা আৰু মাৰ্নাছ লাবুছাগনে ক্ৰীজত আছে । আউট হোৱা একমাত্ৰ বেটছমেন আছিল ছেম কনষ্টাছ ।

এই ৫ খনীয়া টেষ্ট মেচৰ শৃংখলা ১-১ ব্যৱধানত সমতাত আছে । পাৰ্থ টেষ্টত ভাৰতে ২৯৫ ৰানত জয়লাভ কৰে । ইয়াৰ পিছতে অষ্ট্ৰেলিয়াই এডিলেইড টেষ্টত ১০ উইকেটত জয়লাভ কৰাৰ বিপৰীতে ব্রিজবেন টেষ্ট ড্ৰ’ হয় ৷ ভাৰতীয় ক্ৰিকেট দলটোৱে ২০১৮ আৰু ২০২০ চনত মেলবৰ্ণত খেলা দুয়োখন টেষ্ট মেচতে জয়লাভ কৰিছে । এনে পৰিস্থিতিত দলটোৱে ইয়াত হেট্ৰিকৰ সুযোগ পাব । ২০১৮ চনত ভাৰতীয় দলটোৱে ইয়াত ১৩৭ ৰাণত জয়লাভ কৰাৰ বিপৰীতে ২০২০ চনত ৮ উইকেটত জয়লাভ কৰে ।

এতিয়ালৈকে অষ্ট্ৰেলিয়াৰ প্ৰথম ইনিংছৰ হাইলাইট-

টছত জয়ী হৈ প্ৰথমে বেটিং কৰিবলৈ অহা অষ্ট্ৰেলিয়াৰ আৰম্ভণি ভাল আছিল । ১৯ বছৰীয়া অভিষেককাৰী ছেম কনষ্টাছে যশপ্ৰীত বুমৰাহৰ বিৰুদ্ধে কিছুমান উৎকৃষ্ট শ্বট খেলিছিল । ইনিংছৰ সপ্তম অভাৰত কনষ্টাছে যশপ্ৰীত বুমৰাহৰ বিৰুদ্ধে দুটা চাৰি আৰু ছয় কোবাই । তাৰ পাছত কনষ্টাছে ১১ নং অভাৰত বুমৰাহৰ বলিঙৰ পৰা মুঠ ১৮ ৰান সংগ্ৰহ কৰে । কনষ্টাছে বিস্ফোৰক বেটিং অব্যাহত ৰাখি মাত্ৰ ৫২টা বলত পঞ্চাশ সম্পূৰ্ণ কৰে । কিন্তু ইয়াৰ পিছত কনষ্টাছ জাডেজাৰ স্পীনৰ চিকাৰ হয় আৰু ৬০ ৰানত আউট হয় ।

শুভমন গীল বাহিৰ, অষ্ট্ৰেলিয়াৰ মূল একাদশত ১৯ বছৰীয়া খেলুৱৈৰ সুযোগ-

স্পীন বলিং অলৰাউণ্ডাৰ ৱাশ্বিংটন সুন্দৰে এই মেচখনৰ বাবে ভাৰতৰ মূল একাদশত সুযোগ লাভ কৰিছে । এনে পৰিস্থিতিত শুভমন গীলক মূল একাদশৰ পৰা বাদ দিয়া হৈছে । আনহাতে ৰোহিত শৰ্মাই শীৰ্ষ ক্ৰমত বেটিং কৰিব । অষ্ট্ৰেলিয়াৰ দলটোৰ কথা ক’বলৈ গ’লে আঘাতপ্ৰাপ্ত জোছ হেজলউডৰ ঠাইত এই মেচখনলৈ ঘূৰি আহিছে স্কট ব’লেণ্ড । এম চি জি হৈছে বোলেণ্ডৰ ঘৰুৱা খেলপথাৰ । ইফালে এই মেচত নাথান মেকছুইনীৰ ঠাইত ছেম কষ্টেইনছে অ’পেনিং কৰিছে । ছেম কনষ্টাছ আৰু উছমান খোৱাজাৰ বয়সৰ পাৰ্থক্য ১৮ বছৰতকৈ অধিক ।

২০১১ চনত কামিন্সে ১৮ বছৰ বয়সত টেষ্টত অভিষেক ঘটোৱাৰ পিছত কনষ্টাছ অষ্ট্ৰেলিয়াৰ হৈ এই ফৰ্মেটত অভিষেক ঘটোৱা আটাইতকৈ কম বয়সীয়া খেলুৱৈ । কনষ্টাছ অষ্ট্ৰেলিয়াৰ আটাইতকৈ কম বয়সীয়া অ’পেনিং বেটছমেন আৰু টেষ্টৰ ইতিহাসত উছমান খোৱাজাৰ পিছতে অ’পেনিং পাৰ্টনাৰৰ মাজত বয়সৰ পাৰ্থক্য আটাইতকৈ বেছি ।

এম চি জি টেষ্টৰ বাবে অষ্ট্ৰেলিয়াৰ মূল একাদশ : উছমান খোৱাজা, ছেম কনষ্টাছ, মাৰ্নাছ লাবুশ্বেন, ষ্টিভ স্মিথ, ট্ৰেভিছ হেড, মিচেল মাৰ্ছ, এলেক্স কেৰী (উইকেটকীপাৰ), পেট কামিন্স (অধিনায়ক), মিচেল ষ্টাৰক, নাথান লায়ন, স্কট ব’লেণ্ড ।

এম চি জি টেষ্টৰ বাবে ভাৰতৰ মূল একাদশ : যশস্বী জয়ছোৱাল, ৰোহিত শৰ্মা (অধিনায়ক), কে এল ৰাহুল, বিৰাট কোহলী, ঋষভ পন্ট (উইকেটকীপাৰ), নীতিশ কুমাৰ ৰেড্ডী, ৰবীন্দ্ৰ জাডেজা, ৱাশ্বিংটন সুন্দৰ, আকাশ দীপ, যশপ্ৰীত বুমৰাহ আৰু মহম্মদ চিৰাজ ।

ব্রিছবেনৰ দ্য গাব্বাত ভাৰত আৰু অষ্ট্ৰেলিয়াৰ মাজত অনুষ্ঠিত হোৱা টেষ্ট শৃংখলাৰ তৃতীয়খন মেচ অমীমাংসিতভাৱে সমাপ্ত হয় । অষ্ট্ৰেলিয়াই ভাৰতক জয়ৰ বাবে ২৭৫ ৰানৰ লক্ষ্য বান্ধি দিছিল । কিন্তু খেলখনৰ পঞ্চম দিনা চাহ বিৰতিৰ পাছত মেচ আৰম্ভ কৰিব পৰা নগ’ল । বৰষুণ আৰু পোহৰৰ অভাৱৰ বাবে মেচখন ড্ৰ’ ঘোষণা কৰা হয় । ইয়াৰ পিছতে এই শৃংখলাত ভাৰত আৰু অষ্ট্ৰেলিয়াৰ দলে এতিয়া ১-১ ব্যৱধানত সমতা স্থাপন কৰিছে ।

প্ৰথম ইনিংছত অষ্ট্ৰেলিয়াই ৪৪৫ ৰান সংগ্ৰহ কৰিছিল । এই সময়ছোৱাত ষ্টিভ স্মিথ আৰু ট্ৰেভিছ হেডে শতক অৰ্জন কৰে । হেডে ১৫২ ৰানৰ শক্তিশালী ইনিংছ খেলিছিল । আনহাতে স্মিথে ১০১ ৰান সংগ্ৰহ কৰে । এলেক্স কেৰীয়ে ৭০ ৰানৰ ইনিংছ খেলিছিল । এই সময়ছোৱাত ভাৰতৰ হৈ যশপ্ৰীত বুমৰাহে ৬টা উইকেট দখল কৰে । আনহাতে মহম্মদ ছিৰাজে ২টা উইকেট দখল কৰে । আকাশ দীপ আৰু নীতিশ ৰেড্ডীয়ে ১টাকৈ উইকেট দখল কৰে ।

টিম ইণ্ডিয়াৰ হৈ ৰাহুলৰ শক্তিশালী প্ৰদৰ্শন-

প্ৰথম ইনিংছত অল আউট হোৱাৰ পূৰ্বে ভাৰতে ২৬০ ৰান সংগ্ৰহ কৰে । এই সময়ছোৱাত অ’পেনাৰ কে এল ৰাহুলে গুৰুত্বপূৰ্ণ ভূমিকা পালন কৰে । ১৩৯ বলৰ সন্মুখীন হৈ ৰাহুলে ৮৯ ৰান সংগ্ৰহ কৰে । তেওঁ ৮টা ৪ কোবাইছিল । ৰবীন্দ্ৰ জাডেজাই অৰ্ধ শতক অৰ্জন কৰে । তেওঁ ১২৩টা বলৰ সন্মুখীন হৈ ৭৭ ৰান সংগ্ৰহ কৰে । জাডেজাৰ ইনিংছত ৭টা চাৰি আৰু ১টা ছয় আছিল । শেষত আকাশ দীপে ৩১ ৰানৰ গুৰুত্বপূৰ্ণ ইনিংছ খেলে । তেওঁ ২টা চাৰি আৰু ১টা ছয় কোবাই ।

অষ্ট্ৰেলিয়াৰ দ্বিতীয় ইনিংছত ভাৰতীয় বলাৰৰ বিধ্বংসী ৰূপ-

অষ্ট্ৰেলিয়াৰ দ্বিতীয় ইনিংছৰ সময়ত ভাৰতীয় বলাৰসকলে মাৰাত্মক বলিং কৰে । অষ্ট্ৰেলিয়াই ৮৯ ৰানৰ স্ক’ৰত ৭টা উইকেট হেৰুৱাই । অৱশ্যে ইয়াৰ পিছতে তেওঁলোকে ইনিংছ ঘোষণা কৰে । অপৰাজিত ২০ ৰান সংগ্ৰহ কৰে এলেক্স কেৰীয়ে । কামিন্সে ২২ ৰানৰ ইনিংছ খেলে । ভাৰতৰ হৈ বুমৰাহে ৩টা উইকেট দখল কৰে। ছিৰাজ আৰু আকাশ দীপে ২টাকৈ উইকেট দখল কৰে ।

আকৰ্ষণীয় হৈ পৰিছে ভাৰত-অষ্ট্ৰেলিয়াৰ তৃতীয়খন টেষ্ট । গাব্বা টেষ্টৰ অন্তিম তথা পঞ্চমটো দিনত অষ্ট্ৰেলিয়াই ৭ উইকেটত ৮৯ ৰান কৰি দ্বিতীয় ইনিংছ ঘোষণা কৰে । ইয়াৰ লগে লগে ৫৪ অভাৰত ২৭৫ ৰানৰ লক্ষ্য লাভ কৰিছে ভাৰতে । অষ্ট্ৰেলিয়াৰ দ্বিতীয় ইনিংছত ভাৰতৰ যশপ্ৰীত বুমৰাহে বিধ্বংসী বলিঙেৰে ৩টা উইকেট দখল কৰাত সফল হয় । আকাশ দীপ আৰু মহম্মদ ছিৰাজেও শক্তিশালী বলিঙেৰে কংগেৰু বাহিনীৰ ২টাকৈ উইকেট দখল কৰে । অষ্ট্ৰেলিয়াৰ হৈ পেট কামিন্সে সৰ্বাধিক ২২ ৰান সংগ্ৰহ কৰে । গাব্বা টেষ্ট মেচত বুমৰাহে দুয়োটা ইনিংছতে মুঠ ৯টা উইকেট দখল কৰিবলৈ সক্ষম হৈছে ।

টছ হেৰুৱাই প্ৰথমে বেটিং কৰি অষ্ট্ৰেলিয়াই প্ৰথম ইনিংছত ৪৪৫ ৰান সংগ্ৰহ কৰে । প্ৰত্যুত্তৰত ভাৰতৰ প্ৰথম ইনিংছ ২৬০ ৰানত সমাপ্ত হয় । ইতিমধ্যে মেচখন ৰোমাঞ্চকৰ হৈ পৰিছে । আজি খেলৰ প্ৰায় ৫৬ অভাৰ বাকী আছে আৰু ভাৰতে জয়লাভ কৰিবলৈ ২৭৫ ৰান সংগ্ৰহ কৰিব লাগিব । এনে পৰিস্থিতিত টিম ইণ্ডিয়াৰ লক্ষ্য অনুসৰণ আকৰ্ষণীয় হ’ব । অৱশ্যে বৰষুণে খেলখনত বিঘিনি ঘটাব পাৰে । আজি মুষলধাৰ বৰষুণৰ আগজাননী দিয়া হৈছে ।

ভাৰতৰ দ্বিতীয় ইনিংছ আৰম্ভ-

ইতিমধ্যে ভাৰতৰ দ্বিতীয় ইনিংছ আৰম্ভ হৈছে । বৰ্তমান যশস্বী জয়ছোৱাল আৰু কে এল ৰাহুল ক্ৰীজত আছে । অষ্ট্ৰেলিয়াৰ হৈ বলিঙৰ আৰম্ভণি কৰে মিচেল ষ্টাৰ্কে । অষ্ট্ৰেলিয়াত মাত্ৰ তিনিজন বেগী বলাৰ আছে । ষ্টাৰ্ক আৰু কামিন্সৰ উপৰিও দলটোত আছে মিচেল মাৰ্ছ । ইতিমধ্যে আঘাতৰ বাবে এই টেষ্টৰ পৰা বাহিৰ হৈছে হেজলউড । ইতিমধ্যে চাহ বিৰতিৰ সময়লৈকে ভাৰতে ২.১ অভাৰত এটাও উইকেট নেহেৰুৱাকৈ  ৮ ৰাণ সংগ্ৰহ কৰিছে । কে এল ৰাহুল আৰু যশস্বী জয়ছোৱাল দুয়োজনেই ৪ ৰানকৈ সংগ্ৰহ কৰি ক্ৰীজত অপৰাজিত হৈ আছে ।

ভাৰত আৰু অষ্ট্ৰেলিয়াৰ মাজত অনুষ্ঠিত হোৱা পাঁচখনীয়া টেষ্ট শৃংখলাৰ তৃতীয়খন টেষ্ট ব্রিছবেনত অনুষ্ঠিত হৈছে ৷ আজি গাব্বা টেষ্টৰ পঞ্চম আৰু অন্তিম দিন । এই টেষ্টত ভাৰতীয় অধিনায়কগৰাকীয়ে টছত জয়লাভ কৰি প্ৰথমে বলিং কৰাৰ সিদ্ধান্ত লয় । প্ৰথমে বেটিং কৰি অষ্ট্ৰেলিয়াই প্ৰথম ইনিংছত ৪৪৫ ৰান সংগ্ৰহ কৰে । প্ৰত্যুত্তৰত ভাৰতীয় দলৰ প্ৰথম ইনিংছ ২৬০ ৰানত সমাপ্ত হয় ।

২৬০ ৰানত সমাপ্ত ভাৰতৰ ইনিংছ-

ভাৰতে প্ৰথম ইনিংছত ২৬০ ৰানত আটাইকেইটা উইকেট হেৰুৱাই । আজি অৰ্থাৎ বুধবাৰৰ পৰা ৯ উইকেটত ২৫২ ৰানত খেল আৰম্ভ কৰা টীম ইণ্ডিয়াই ৮ ৰান সংগ্ৰহ কৰি শেষৰটো উইকেট হেৰুৱাই । শেষ উইকেট হিচাপে আউট হৈছিল আকাশ দীপ । তেওঁক ট্ৰেভিছ হেডে ৩১ ৰানত আউট কৰে । আকাশ আৰু বুমৰাহে দশম উইকেটৰ বাবে ৪৭ ৰানৰ অংশীদাৰিত্ব গঢ়ে । দুয়োজনে মুঠ ৭৮টা বল খেলে । ১০ ৰান সংগ্ৰহ কৰি অপৰাজিত হৈ থাকে বুমৰাহ ।

১৮৫ ৰানৰ অগ্ৰগতি অষ্ট্ৰেলিয়াৰ-

প্ৰথম ইনিংছত অষ্ট্ৰেলিয়াই ৪৪৫ ৰান সংগ্ৰহ কৰে । এই ক্ষেত্ৰত দ্বিতীয় ইনিংছত দলটোৱে ১৮৫ ৰানৰ অগ্ৰগতি লাভ কৰিছে । ভাৰতীয় দলটো মঙলবাৰে ফ’ল’ অনৰ পৰা ৰক্ষা পৰে । ২৪৬ ৰান সংগ্ৰহ কৰাৰ লগে লগে ফ’ল’ অনৰ পৰা ৰক্ষা পৰে দলটো ।  টিম ইণ্ডিয়াৰ হৈ সৰ্বাধিক ৰাণ সংগ্ৰহ কৰে কে এল ৰাহুলে । তেওঁ ৮৪ ৰান সংগ্ৰহ কৰে । একে সময়তে ৰবীন্দ্ৰ জাদেজাই ৭৭ ৰানৰ ইনিংছ খেলে । অষ্ট্ৰেলিয়াৰ হৈ অধিনায়ক কামিন্সে ৪টা উইকেট দখল কৰে । ইফালে মিচেল ষ্টাৰ্কে তিনিটা উইকেট দখল কৰে । ট্ৰেভিছ হেড, জোছ হেজলউড আৰু নাথান লায়নে এটাকৈ উইকেট দখল কৰে ।

খেল বন্ধ হ’ল গাব্বাত-

ভাৰতীয় খেলুৱৈসকল ওলাই আহিবলৈ সাজু আছিল যদিও তেওঁলোকক পুনৰ ড্ৰেছিং ৰুমলৈ যাবলৈ কোৱা হৈছে । গাব্বাত চাৰিওফালে বিজুলীৰ চিকমিকনি দেখা গৈছে আৰু পিটছ ঢাকি দিয়া হৈছে । আজি বৰষুণৰ বাবে আৰু কিছু হতাশাজনক বিঘিনি ঘটিব পাৰে । গাব্বাৰ ওপৰত ক’লা ডাৱৰ উৰি আছে । আজি গব্বা টেষ্টৰ পঞ্চম দিনা ধাৰাসাৰ বৰষুণৰ সম্ভাৱনা আছে ।

বিগত এঘণ্টা ধৰি বৰষুণ দি আছে-

যোৱা ডেৰ ঘণ্টা ধৰি ব্রিছবেনত বৰষুণ দি আছে ৷ যাৰ বাবে খেলখন বাধাগ্ৰস্ত হৈছে । এতিয়াও গাব্বাৰ ওপৰত ক’লা ডাৱৰ উৰি আছে । ভাৰতীয় ইনিংছ ২৬০ ৰানত সমাপ্ত হয় । দ্বিতীয় ইনিংছত ১৮৫ ৰানৰ অগ্ৰগতিৰে বেটিং কৰিবলৈ ওলাই আহিব অষ্ট্ৰেলিয়াৰ দলটো । মেচখন ড্ৰ’ৰ দিশে আগবাঢ়িছে ।