২০০৪ চনৰ ২৬ ডিচেম্বৰৰ দিনটোৱে বিশ্বক এক পাহৰিব নোৱৰা আঘাত দি গৈছিল, যিটো কেতিয়াও পাহৰিব নোৱাৰি । আজিৰ দিনটোতে ৯.২–৯.৩ মেগাৱাট প্ৰাবল্যৰ এটা বৃহৎ ভূমিকম্প হৈছিল, যাৰ কেন্দ্ৰবিন্দু ইণ্ডোনেছিয়াৰ উত্তৰ সুমাত্ৰাৰ আচেহৰ পশ্চিম উপকূলৰ ওচৰত আছিল । সাগৰৰ তলৰ ভূমিকম্পৰ ফলত ৩০ মিটাৰ (১০০ ফুট) পৰ্যন্ত উচ্চতাৰ ঢৌৰ সৈতে বৃহৎ চুনামীৰ সৃষ্টি হয় যিয়ে ভাৰত মহাসাগৰৰ আশে-পাশে থকা উপকূলত বিধ্বংসী ৰূপ ধাৰণ কৰে । মানৱ ইতিহাসত জনাজাত আটাইতকৈ মাৰাত্মক প্ৰাকৃতিক দুৰ্যোগবোৰৰ ভিতৰত ই আছিল অন্যতম । ১৪খন দেশত আনুমানিক ২২৭,৮৯৮ জন লোকৰ মৃত্যু হৈছিল এই দুৰ্যোগত । এই দুৰ্যোগে আচেহ (ইণ্ডোনেছিয়া)ত আটাইতকৈ বেছি আঘাত হনাৰ পিছতে শ্ৰীলংকা, তামিলনাডু (ভাৰত) আৰু খাও লাক (থাইলেণ্ড)ত সৃষ্টি কৰি ধ্বংসলীলাৰ ।

একবিংশ শতিকাৰ আটাইতকৈ ডাঙৰ দুৰ্যোগ-

ইয়াক একবিংশ শতিকাৰ আটাইতকৈ মাৰাত্মক প্ৰাকৃতিক দুৰ্যোগ আৰু ইতিহাসৰ অন্যতম মাৰাত্মক প্ৰাকৃতিক দুৰ্যোগ হিচাপে গণ্য কৰা হয় । ইয়াৰ লগতে ইয়াক ইতিহাসৰ আটাইতকৈ ডাঙৰ ছুনামী দুৰ্যোগ বুলিও গণ্য কৰা হয় । ৯.২–৯.৩ মেগাৱাট প্ৰাবল্যৰ এই ভূমিকম্প এছিয়াত এতিয়ালৈকে হোৱা সৰ্ববৃহৎ আৰু একবিংশ শতিকাৰ আটাইতকৈ শক্তিশালী ভূমিকম্প আছিল । ১৯০০ চনত আধুনিক ভূমিকম্প বিজ্ঞানৰ আৰম্ভণিৰ পিছত ই আছিল অন্ততঃ বিশ্বৰ তৃতীয় শক্তিশালী ভূমিকম্প ।

ভাৰতত ১৬ হাজাৰৰো অধিক লোকৰ মৃত্যু!

ভাৰতত এই প্ৰাকৃতিক দুৰ্যোগৰ বাবে ১২,২০৫ জন লোকৰ মৃত্যু হৈছিল যদিও আনুমানিক সংখ্যা ১৬,২৬৯ জন বুলি ধাৰণা কৰা হৈছিল । সৰ্বাধিক ক্ষতিসাধন হয় অন্ধ্ৰ প্ৰদেশ আৰু তামিলনাডুত । ভূমিকম্পৰ প্ৰায় দুঘণ্টাৰ পাছত ভাৰতৰ মূল ভূখণ্ডৰ দক্ষিণ-পূব উপকূলৰ অন্ধ্ৰপ্ৰদেশ আৰু তামিলনাডু ৰাজ্যত ছুনামী উপস্থিত হয় । একে সময়তে ই দক্ষিণ-পশ্চিম উপকূলৰ কেৰালা ৰাজ্যকো স্পৰ্শ কৰিছিল । কিছুমান অঞ্চলত স্থানীয় উচ্চ জোৱাৰৰ লগত মিল থকা দুটাৰ পৰা পাঁচটা ছুনামী সংঘটিত হৈছিল ।

সৰ্বাধিক ক্ষতি হৈছিল তামিলনাডুত-

তামিলনাডুৰ উপকূলৰ কাষে কাষে চেন্নাইৰ ১৩ কিলোমিটাৰ (৮.১ মাইল) দৈৰ্ঘ্যৰ মেৰিনা বিচত ছুনামীয়ে বিধ্বংসী ৰূপ ধাৰণ কৰিছিল । ৰিজ’ৰ্টৰ এখন বীচ্চত ৰেকৰ্ড কৰা ভিডিঅ’ত দেখা গৈছিল যে ছুনামী উপকূলৰ কাষ চাপি আহিছে পানীৰ বিশাল দেৱালৰ দৰে আৰু ভিতৰলৈ যোৱাৰ লগে লগে বানৰ সৃষ্টি কৰিছে । সংবাদ মাধ্যমৰ বাতৰি অনুসৰি ভাৰত মহাসাগৰৰ দুৰ্যোগৰ পিছৰ দুটা দশকত ছুনামী গৱেষণা, সামুদ্ৰিক সুৰক্ষা আৰু আগতীয়া সতৰ্কবাণী ব্যৱস্থাৰ বিকাশৰ ক্ষেত্ৰত যথেষ্ট অগ্ৰগতি হৈছে ।

তথাপিও বিশেষজ্ঞসকলে সকীয়াই দিছে যে ২০০৪ চনৰ ধ্বংসলীলাৰ স্মৃতিবোৰ ম্লান হৈ যোৱাৰ বাবেই আমি সন্তুষ্ট হ’ব নালাগে । ২০০৪ চনৰ প্ৰাকৃতিক দুৰ্যোগৰ ঠিক সাত বছৰৰ পাছত ২০১১ চনৰ ১১ মাৰ্চত হোৱা জাপানৰ ছুনামী দুৰ্যোগ প্ৰমাণ যে ছুনামী সম্পৰ্কে নিৰন্তৰ গৱেষণা, সতৰ্কতা আৰু প্ৰস্তুতিৰ প্ৰয়োজন ।