বৃহস্পতিবাৰে প্ৰধানমন্ত্ৰী নৰেন্দ্ৰ মোদীৰ অধ্যক্ষতাত অনুষ্ঠিত হ’ব মন্ত্ৰী পৰিষদৰ এখন বৈঠক। য’ত বিগত দুবছৰত মন্ত্ৰীসকলৰ কাম-কাজৰ ৰিপ’ৰ্ট কাৰ্ড দাখিল কৰা হ’ব।

যুদ্ধকালীন পৰিস্থিতিৰ মাজতে আজি কেন্দ্ৰীয় কেবিনেটৰ জৰুৰী বৈঠকৰ আহ্বান কৰা হৈছে। পাঁচ দিনীয়া বিদেশ ভ্ৰমণৰ পৰা উভতি আহিয়েই প্ৰধানমন্ত্ৰী নৰেন্দ্ৰ মোদীয়ে কেন্দ্ৰীয় মন্ত্ৰী পৰিষদৰ বৈঠক আহ্বান কৰিছে। প্ৰধানমন্ত্ৰী মোদীয়ে বৃহস্পতিবাৰে বিয়লি ৪ বজাত নতুন দিল্লীৰ ‘সেৱা তীৰ্থ’ত মন্ত্ৰী পৰিষদৰ বৈঠকৰ সভাপতিত্ব কৰিব।

এই বৈঠক এবছৰৰ পাছত অনুষ্ঠিত হৈছে, আৰু ইয়াত সকলো কেবিনেট মন্ত্ৰী, স্বতন্ত্ৰ দায়িত্ব থকা ৰাজ্যিক মন্ত্ৰী, আৰু অন্যান্য ৰাজ্যিক মন্ত্ৰীও উপস্থিত থাকিব। এই বৈঠকৰ সময়ত বিভিন্ন মন্ত্ৰালয়ৰ কাৰ্য্যকলাপ, মূল সিদ্ধান্ত আৰু ইয়াৰ ফলাফল, আৰু ভৱিষ্যতৰ পৰিকল্পনাকে ধৰি বিভিন্ন বিষয়ৰ ওপৰত আলোচনা কৰা হ’ব।এনে পৰিস্থিতিত এই বৈঠকত চৰকাৰে কোনো বৃহৎ আৰু উল্লেখযোগ্য সিদ্ধান্ত ল’বনে নাই সেয়া লক্ষণীয় হ’ব৷

মোদী চৰকাৰৰ মন্ত্ৰীসভাৰ সালসলনি সন্দৰ্ভত জল্পনা-কল্পনাৰ মাজতে মন্ত্ৰী পৰিষদৰ বৈঠক অনুষ্ঠিত কৰা হৈছে। পশ্চিম এছিয়াৰ সংকটৰ মাজতে সমগ্ৰ দেশৰ দৃষ্টি প্ৰধানমন্ত্ৰী মোদীৰ অধ্যক্ষতাত অনুষ্ঠিত হোৱা বৈঠকৰ ওপৰত আছে।এই বৈঠকক কেন্দ্ৰীয় চৰকাৰৰ কাম-কাজৰ এক উল্লেখযোগ্য মধ্যকালীন পৰ্যালোচনা হিচাপে চোৱা হৈছে।

লগতে পঢ়ক: “প্ৰধানমন্ত্ৰী আৰু গৃহমন্ত্ৰী দেশদ্ৰোহী,ভাৰতত বিক্ৰী কৰিলে”; পুনৰ ৰাহুল গান্ধীৰ বিতৰ্কিত মন্তব্য