বলীউডৰ পৰা আহিছে এটা ভালখবৰ। অভিনেত্ৰী কিয়াৰা আদৱানী আৰু সিদ্ধাৰ্থ মালহোত্ৰাই আনন্দেৰে ঘোষণা কৰিছে যে তেওঁলোক পিতৃ-মাতৃ হ’বলৈ ওলাইছে।

দুয়োৱে তেওঁলোকৰ প্ৰথম সন্তানক আদৰিবলৈ সাজু হৈছে। ২০২৩ চনত বিবাহ পাশত আৱদ্ধ হোৱা দম্পতীহালে ইনষ্টাগ্ৰামত কেঁচুৱাৰ এযোৰ মোজাৰ হৃদয়স্পৰ্শী ফটো শ্বেয়াৰ কৰিছে।

যিযোৰ কিয়াৰা আৰু সিদ্ধাৰ্থ দুয়োৱে ধৰি আছে। তেওঁলোকে পোষ্টটোৰ শিৰোনাম দিছিল, “আমাৰ জীৱনৰ আটাইতকৈ ডাঙৰ উপহাৰ, সোনকালে আহি আছে।”

অৱশ্যে তেওঁলোকে তাৰিখ বা আন কোনো বিষয় প্ৰকাশ কৰা নাই।কিয়াৰা আৰু সিদ্ধাৰ্থৰ এই পোষ্টৰ পিছতে  , অনুৰাগী আৰু শুভাকাংক্ষীসকলে তেওঁলোকক সামাজিক মাধ্যমত অভিনন্দন জনাইছে।

এই ঘোষণাটো কেইবা মাহৰ জল্পনা-কল্পনাৰ অন্তত আহিছে। বিশেষকৈ ২০২৪ চনৰ ডিচেম্বৰত কিয়াৰাৰ খ্ৰীষ্টমাছ পোষ্টৰ পিছত, তেওঁৰ পোছাক পচন্দৰ বাবে গৰ্ভধাৰণৰ উৰাবাতৰি ওলাইছিল।

দম্পতীহালে এই নতুন অধ্যায়টো আৰম্ভ কৰাৰ লগে লগে, মনোৰঞ্জন আৰু উদ্যোগ জগতৰ লোকসকলে আপডেটৰ বাবে  অধিক অপেক্ষা কৰিছে।