কমলা টেঙা আপোনাৰো প্ৰিয় নেকি? আছে বহু উপকাৰীতা…
কমলা টেঙা আপোনাৰো প্ৰিয় নেকি
শীতকালৰ দুপৰীয়া ৰ’দত বহি কমলা টেঙা খোৱাৰ আমেজেই সুকীয়া। শীত কালত প্ৰকৃতিয়ে পৃথিৱীক দান কৰে সকলোৰে অন্যতম প্ৰিয় ফল কমলা বা সুমথিৰা।
ঠাণ্ডাত ৰ’দত বহি বিভিন্ন ধৰণে জুতি লগায় সকলোয়ে কমলাৰ সোৱাদ লয়।সুগন্ধ, সুস্বাদু, সুস্বাস্থ্যৰ আকৰ কমলা টেঙাই শিশুৰ পৰা বৃদ্ধলৈ সকলোকে আকৰ্ষণ কৰে।নৱেম্বৰ মাহৰ পৰা মাৰ্চ মাহলৈ নানা ধৰণৰ কমলাই অসমৰ বজাৰ ভৰি পৰে।
কমলা টেঙাত থকা বিভিন্ন উপাদান থাকে । এই উপাদানসমূহে শৰীৰত শক্তি যোগোৱাৰ উপৰিও বিভিন্ন ৰোগৰ পৰাও ৰক্ষা কৰে ।
বিশেষকৈ এই সময়ত হোৱা চৰ্দি, জ্বৰ আদি প্ৰতিৰোধ কৰাত সহায় কৰে কমলা টেঙাই । এগৰাকী ব্যক্তিয়ে যদি নিতৌ একোটাকৈ কমলা টেঙা খায়, তেতিয়াহ’লে নিতৌ প্ৰয়োজনীয় ভিটামিনবিধ লাভ কৰে ।
ভিটামিন চিৰ উৎস
কমলা হৈছে ভিটামিন চি-ৰ এক উৎকৃষ্ট উৎস।এটা কমলাই দিনটোত দেহক প্ৰয়োজনীয় অধিকাংশ ভিটামিনই প্ৰদান কৰে।
ৰোগ প্ৰতিৰোধক
কমলাত থকা ভিটামিন চি য়ে ৰোগ প্ৰতিৰোধ কৰি শৰীৰটোক বেমাৰ-আজাৰৰ পৰা মুক্ত তথা সংক্ৰমণৰ পৰা ৰক্ষা কৰে।
ছালক সজীৱ কৰি ৰাখে
কমলাত থকা এণ্টি-অক্সিডেণ্টে ছালক বয়স বৃদ্ধিৰ লক্ষণৰ পৰা মুক্ত কৰাত সহায় কৰে।
ৰক্তচাপ নিয়ন্ত্ৰণত ৰাখে
‘ভিটামিন বি৬’ সমৃদ্ধ কমলাই হিমোগ্ল’বিন উৎপাদনত সহায় কৰে।কমলাত মেগনেছিয়ামৰ উপস্থিতিৰ বাবে ৰক্তচাপ নিয়ন্ত্ৰণতো ই সহায় কৰে।
(ইয়াত দিয়া তথ্য সমূহ সাধাৰণ পৰামৰ্শৰ বাবেহে। স্বাস্থ্য সম্পৰ্কীয় যিকোনো ব্যৱস্থা গ্ৰহণ কৰাৰ পূৰ্বে চিকিৎসকৰ পৰামৰ্শ লওক)