আকৌ এবাৰ এলপিজি চিলিণ্ডাৰ সম্পৰ্কীয় নিয়মৰ পৰিৱৰ্তন ঘটিছে, যিটো আজিৰ পৰা (১ মে’)কাৰ্যকৰী হৈছে

মধ্যপ্ৰাচ্যৰ পৰা তেল আৰু গেছৰ যোগানত ব্যাঘাত জন্মাৰ পিছৰে পৰা চৰকাৰ আৰু তেল কোম্পানীসমূহে জনসাধাৰণৰ মাজত আতংক ৰোধ কৰাৰ বাবে আৰু ব্যৱস্থাটোৱে যাতে সুকলমে কাম কৰি থাকে তাৰ বাবে এল পি জি চিলিণ্ডাৰ ডেলিভাৰী প্ৰক্ৰিয়াত কেইবাটাও পৰিৱৰ্তন ৰূপায়ণ কৰিছে । আকৌ এবাৰ এল পি জি চিলিণ্ডাৰ সম্পৰ্কীয় নিয়মৰ পৰিৱৰ্তন ঘটিছে, যিটো আজিৰ পৰা (১ মে’)কাৰ্যকৰী হৈছে ।

বন্ধ হ’ব ডাবল চাৰ্ভিছ-

অপব্যৱহাৰ ৰোধ কৰিবলৈ আৰু ৰাজসাহায্যৰ অনুকূল ব্যৱহাৰ নিশ্চিত কৰিবলৈ চৰকাৰে এলপিজি আৰু পি এন জি দুয়োটা সংযোগ থকা পৰিয়াল চিনাক্তকৰণৰ কাম আৰম্ভ কৰিছে । ১৪ মাৰ্চত জাৰি কৰা সংশোধনী অনুসৰি পাইপলাইনৰ জৰিয়তে পিএনজি যোগান লাভ কৰা পৰিয়ালসমূহে ঘৰুৱা এলপিজি সংযোগ আত্মসমৰ্পণ কৰিব লাগিব; তেওঁলোক আৰু এল পি জি ৰিফিল বা নতুন সংযোগৰ বাবে যোগ্য নহ’ব ।

তেল কোম্পানী আৰু বিতৰকক এনে গ্ৰাহকক এল পি জি যোগান বন্ধ কৰিবলৈ নিৰ্দেশ দিয়া হৈছে । আজিলৈকে দ্বৈত সংযোগ থকা ৪৩ হাজাৰৰো অধিক ব্যৱহাৰকাৰীয়ে নিজৰ এল পি জি সংযোগ আত্মসমৰ্পণ কৰিছে ।

কঠোৰ বুকিং নিয়ম আৰু অ’টিপি ভিত্তিক ডেলিভাৰী-

ইণ্ডেন, ভাৰত গেছ আৰু এইচ পি গেছে সেৱা আগবঢ়োৱা সমগ্ৰ দেশৰ ব্যৱহাৰকাৰীসকলে এতিয়া বুকিং ব্যৱধান, অ’টিপি-ভিত্তিক ডেলিভাৰী আৰু বাধ্যতামূলক কেৱাইচি আপডেট সন্দৰ্ভত নতুন নিয়মৰ সন্মুখীন হ’ব লাগিব । পেট্ৰলিয়াম আৰু প্ৰাকৃতিক গেছ মন্ত্ৰালয়ে চহৰ অঞ্চলত বুকিঙৰ ব্যৱধান ২১ দিনৰ পৰা ২৫ দিনলৈ বৃদ্ধি কৰিছে আৰু গ্ৰাম্য অঞ্চলত ৪৫ দিনলৈ ।

লগতে পঢ়ক : ১ মে’ৰ দিনাই এলপিজিক লৈ দেশবাসীৰ বাবে আহিল বেয়া খবৰ