উত্তৰকাশীত ধ্বংসলীলা

মঙলবাৰে উত্তৰকাশীত ডাৱৰ বিস্ফোৰণৰ ফলত এক শোকাৱহ পৰিস্থিতিৰ সৃষ্টি হৈছে।ধৰালী গাঁও আৰু হৰ্শিল সেনা শিবিৰৰ ওপৰত ডাৱৰ বিস্ফোৰণৰ ফলত ৪ জন লোকৰ মৃত্যু হোৱাৰ লগতে ৫০ জনতকৈ অধিক লোক সন্ধানহীন হৈ আছে।এই ঘটনা সন্দৰ্ভত উত্তৰকাশীবাসীলৈ শোক প্ৰকাশ কৰিছে বলীউডৰ তাৰকাসকলে।

বলীউডৰ অভিনেত্ৰী উৰ্বশী ৰাউটেলাৰ ঘৰ উত্তৰাখণ্ডৰ কোটদ্বাৰত।ডাৱৰ বিস্ফোৰণৰ ঘটনাত অভিনেত্ৰী গৰাকীয়ে শোক প্ৰকাশ কৰিছে।

ট্ৰেজেডী সন্দৰ্ভত উৰ্বশী ৰাউটেলা ক’লে যে মই হৰিদ্বাৰৰ কন্যা। উত্তৰাখণ্ডৰ প্ৰতিটো শিল, প্ৰতিখন নদী মোৰ আত্মাত নিহিত হৈ আছে।খীৰ গংগা নদীৰ বিধ্বংসী বানপানী দেখি মোৰ বৰ দুখ লাগিছে,যিটো শব্দৰে প্ৰকাশ কৰিব নোৱাৰি।

তেওঁ আৰু কয় যে ক্ষন্তেকতে ৰাস্তা-ঘাট, দোকান-পোহাৰ, সপোন আৰু স্মৃতি সকলো উটুৱাই লৈ গ’ল।আপোনজনক বিচাৰি সকলোৱে হাহাকাৰ কৰি আছে।বহু অভিভাৱকে নিজৰ সন্তানৰ বাবে প্ৰাৰ্থনা কৰিছে।

এই খবৰটো মোৰ বাবে কেৱল খবৰ নহয়, এইবোৰ মোৰ নিজৰ মানুহ, মোৰ ঘৰৰ মানুহ।অভিনেত্ৰীগৰাকীয়ে আৰু কয় যে মই আপোনালোক সকলোৰে বাবে প্ৰাৰ্থনা কৰিছো।মই সকলোকে প্ৰতিশ্ৰুতি দিছো যে মই আপোনালোকক সকলো ধৰণে সহায় কৰিম।

ইফালে ছাৰা আলী খানেও উত্তৰাখণ্ডৰ এই ডাৱৰ বিস্ফোৰণক লৈ শোক প্ৰকাশ কৰিছে। তেওঁ ইনষ্টাগ্ৰামত এটা পোষ্ট শ্বেয়াৰ কৰি লিখিছে যে উত্তৰাখণ্ডৰ ট্ৰেজেডীত ক্ষতিগ্ৰস্ত হোৱা লোকসকলৰ প্ৰতি মোৰ শোক প্ৰকাশ।সকলোৰে সুৰক্ষা, শক্তি আৰু আশু আৰোগ্যৰ বাবে প্ৰাৰ্থনা জনাইছো।

লগতে পঢ়ক:মহাৱতাৰ নৰসিংহ : বৃহৎ সংগ্ৰহেৰে বক্স অফিচত খলকনি

উৰ্বশী ৰাউটেলাৰ গহনা ভৰ্তি বেগ চুৰি

বলীউডৰ অভিনেত্ৰী উৰ্বশী ৰাউটেলা কিবা নহয় কিবা কাৰণত সদায় শিৰোনামত থাকে।এতিয়া অভিনেত্ৰীগৰাকীয়ে দাবী কৰিছে যে তেওঁৰ ৭০ লাখ টকাৰ গহনাৰে ভৰা বিলাসী বেগটো লণ্ডনৰ গেটৱিক বিমানবন্দৰৰ পৰা চুৰি হৈছে।

উৰ্বশী ৰাউটেলাই দাবী কৰে যে উইম্বলডন চহৰত ফুৰিবলৈ যোৱাৰ সময়তে তেওঁৰ বেগটো লাগেজ বেল্টৰ পৰা হেৰাইছে।অভিনেত্ৰীগৰাকীয়ে নিজৰ বেগটো বিচাৰিবলৈ বহু চেষ্টা কৰিছিল যদিও ক’তো পোৱা নগ’ল।

তেওঁৰ দলটোৱে শ্বেয়াৰ কৰা এক বিবৃতিত উৰ্বশীয়ে কয় যে, “প্লেটিনাম এমিৰেটছ মাম্বা আৰু উইম্বলডনত অংশগ্ৰহণ কৰা বিশ্বব্যাপী শিল্পী হিচাপে, আপোনালোকক জনাবলৈ পাই মই অত্যন্ত দুখ পাইছো যে মুম্বাইৰ পৰা আমাৰ এমিৰেটছ বিমানৰ পিছত, লণ্ডন গেটৱিক বিমানবন্দৰৰ বেগেজ বেল্টৰ পৰা আমাৰ খ্ৰীষ্টান ডিঅ’ৰৰ ব্ৰাউন বেগটো চুৰি হৈছে”।

“মোৰ বেগটোত টেগ আৰু টিকট থকাৰ পিছতো বেগটো বেল্ট এৰিয়াৰ পৰা নোহোৱা হৈ গ’ল।এইয়া বিমানবন্দৰৰ নিৰাপত্তাৰ এক বিপজ্জনক সংকেত।”

“এইটো কেৱল হেৰুৱা বেগটোৰ কথা নহয় – ই সকলো যাত্ৰীৰ প্ৰতি জবাবদিহিতা, সুৰক্ষা আৰু সন্মানৰ কথা।”

উৰ্বশীয়ে দাবী কৰে যে তেওঁ এমিৰেটছ ছাপৰ্ট আৰু গেটৱিক বিমানবন্দৰৰ বিষয়াৰ সৈতেও যোগাযোগ কৰিছিল যদিও কোনেও তেওঁক সহায় কৰা নাছিল।

এইবাৰ প্ৰথম নহয় যে অভিনেত্ৰীগৰাকীয়ে কাৰোবাৰ ওপৰত চোৰৰ অভিযোগ উত্থাপন কৰিছে।চলিত মাহৰ আৰম্ভণিতে উৰ্বশীৰ মাতৃ মীৰা ৰাউটেলাই ২০১৫ চনৰ পৰা ২০১৭ চনলৈকে তেওঁৰ কন্যাৰ প্ৰাক্তন মেনেজাৰ বেদিকা প্ৰকাশ শ্বেট্টীৰ বিৰুদ্ধে চুৰি আৰু অসৎ আচৰণৰ অভিযোগ উত্থাপন কৰিছিল।

লগতে পঢ়ক: ‘মোক মুখত ঘহিবলৈ কিবা অলপ দিয়ক’; আৰক্ষীক প্ৰসাধনৰ সামগ্ৰী বিচাৰিলে নন্দিনী কাশ্যপে