ইজৰাইলৰ ওপৰত ইৰাণৰ মিছাইল নিক্ষেপ

ইজৰাইল আৰু ইৰাণৰ মাজত তীব্ৰতৰ হৈ পৰিছে যুদ্ধ। ইজৰাইলৰ ‘অপাৰেচন ৰাইজিং লায়ন’ৰ উত্তৰত ইৰাণেও অপাৰেচন ‘ট্ৰু প্ৰমিজ ৩’ আৰম্ভ কৰিছে

ইয়াৰ অধীনত গভীৰ নিশা টেল এভিভ আৰু জেৰুজেলামত ইৰাণে বেলিষ্টিক মিছাইল নিক্ষেপ কৰে। ইয়াৰ পিছত ইজৰাইলে পুনৰ ইৰাণৰ ওপৰত বিমান আক্ৰমণ আৰম্ভ কৰে।

ইজৰাইলৰ প্ৰতিৰক্ষা বাহিনীয়ে বৃহস্পতিবাৰে পুৱাৰ ভাগত ইৰাণৰ সামৰিক আৰু পাৰমাণৱিক প্ৰতিষ্ঠানসমূহক লক্ষ্য কৰি লয়।

য’ত ইৰাণৰ যথেষ্ট লোকচান হৈছে। ইৰাণত ৭৮ জন লোকৰ মৃত্যু হৈছে। দুয়োখন দেশৰ মাজত এতিয়া যুদ্ধ অব্যাহত আছে।

ইৰাণৰ চৰকাৰী সংবাদ মাধ্যমে কয় যে ‘অপাৰেচন ট্ৰু প্ৰমিজ’ মেজৰ জেনেৰেল মহম্মদ বাঘেৰী, আই আৰ জি চিৰ মুৰব্বী মেজৰ জেনেৰেল হোছেইন চালামি আৰু আই আৰ জি চিৰ এৰ’স্পেচ কমাণ্ডাৰ ব্ৰিগেডিয়াৰ জেনেৰেল আমিৰ আলী হাজিজাদেকে ধৰি কেইবাজনো ইৰাণী বিষয়াৰ হত্যাৰ প্ৰতিশোধ।

ইৰাণৰ আক্ৰমণৰ পিছতে টেল এভিভত হাহাকাৰ

ইৰাণ আৰু মিত্ৰশক্তিৰ মিছাইল নিক্ষেপৰ পিছত ইজৰাইলে নিজৰ বায়ু প্ৰতিৰক্ষা ব্যৱস্থা সক্ৰিয় কৰি ক্ষেপণাস্ত্ৰ বিফল কৰিবলৈ আৰম্ভ কৰিছে।কিন্তু ইৰাণে ১৫০ৰো অধিক ক্ষেপণাস্ত্ৰৰে ইয়াৰ প্ৰত্যুত্তৰত আক্ৰমণ কৰে।

ইৰাণৰ মিছাইল নিক্ষেপত ৰাজধানী টেল এভিভৰ বহু ক্ষতিসাধন হৈছে। বহু লোক আহত হোৱাৰো খবৰ আহিছে।টেল এভিভত এতিয়া উত্তেজনাই বিৰাজ কৰিছে।

যুদ্ধক লৈ কি ক’লে নেতান্যাহুৱে

ইজৰাইলৰ প্ৰধানমন্ত্ৰী বেঞ্জামিন নেতান্যাহুৱে কৈছে যে, ইজৰাইলৰ সামৰিক অভিযানৰ উদ্দেশ্য হৈছে ইজৰাইলৰ প্ৰতি থকা পাৰমাণৱিক ভাবুকি আৰু বেলিষ্টিক মিছাইলৰ ভাবুকি দূৰ কৰা।

ইৰাণে পুনৰ ইজৰাইলৰ ওপৰত নিক্ষেপ কৰিছে ক্ষেপণাস্ত্ৰ

ইৰাণে পুনৰবাৰ ইজৰাইলক আক্ৰমণ কৰিবলৈ আৰম্ভ কৰিছে।উত্তৰ ইজৰাইলত ইৰাণৰ পৰা মিছাইলেৰে আক্ৰমণ কৰা হৈছে।

বোমাৰ পৰা হাত সাৰিবলৈ মানুহক আশ্ৰয় শিবিৰলৈ যাবলৈ আহ্বান জনোৱা হৈছে।ইৰাণৰ মিছাইলক ইজৰাইলৰ নিৰাপত্তা ব্যৱস্থাই বাধা দিবলৈ চেষ্টা কৰিছে।

আমেৰিকাই সামৰিক সম্পদ মধ্যপ্ৰাচ্যলৈ স্থানান্তৰিত কৰিছে

ইজৰাইল আৰু ইৰাণৰ মাজত চলি থকা যুদ্ধৰ মাজতে আমেৰিকাই তেওঁলোকৰ সামৰিক সম্পদ মধ্যপ্ৰাচ্যলৈ স্থানান্তৰিত কৰিছে। লগতে আমেৰিকাৰ ৰাষ্ট্ৰপতি ড’নাল্ড ট্ৰাম্পে ইৰাণক কঠোৰ সতৰ্কবাণী দিছে।

ট্ৰাম্পে কয় যে আমেৰিকাই বিশ্বৰ আটাইতকৈ মাৰাত্মক অস্ত্ৰ নিৰ্মাণ কৰে আৰু ইজৰাইলৰ হাততো বহুতো অস্ত্ৰ আছে।ট্ৰাম্পে লগতে কয় যে ইৰাণে এতিয়াও চুক্তিত উপনীত হোৱাৰ দ্বিতীয়টো সুযোগ পাব পাৰে।

লগতে পঢ়ক: তেহৰাণত ইজৰাইলে চলাইছে ধ্বংসযজ্ঞ;  সামৰিক আৰু পাৰমাণৱিক স্থানত আক্ৰমণ

আমেৰিকাক সমালোচনা খেমেইনীৰ

ইৰাণৰ সৰ্বোচ্চ নেতা আয়াতুল্লাহ আলী খেমেইনী তেহৰাণৰ দ্ৰুতগতিত সম্প্ৰসাৰিত হোৱা পাৰমাণৱিক কাৰ্যসূচী সন্দৰ্ভত আলোচনাৰ সময়ত দাখিল কৰা আমেৰিকাৰ প্ৰস্তাৱক সমালোচনা কৰিছে।

ইফালে, ৱাশ্বিংটনৰ সৈতে চুক্তিৰ ধাৰণাক সম্পূৰ্ণৰূপে নাকচো কৰা নাই খেমেইনীয়ে। আয়াতুল্লাহ আলী খেমেইনীয়ে আমেৰিকাৰ এই প্ৰস্তাৱক ‘আমি কৰিব পাৰো’ (ইৰাণ চৰকাৰৰ শ্লোগান) ধাৰণাটোৰ সম্পূৰ্ণ বিৰোধী” বুলি অভিহিত কৰে।

ইউৰেনিয়াম সমৃদ্ধিৰ সন্দৰ্ভত কি ক’লে খেমেনেই?

তেহৰানে ইউৰেনিয়াম সমৃদ্ধ কৰাৰ ক্ষমতা বজাই ৰাখিব লাগিব বুলিও গুৰুত্ব আৰোপ কৰে খেমেইনীয়ে। তেওঁ কয় যে, “যদি আমাৰ ১০০টা পাৰমাণৱিক শক্তি কেন্দ্ৰ আছে আৰু সেইবোৰ বৃদ্ধি কৰা হোৱা নাই, তেন্তে আমাৰ বাবে সিহঁতৰ কোনো কাম নাই।” তেওঁ আৰু কয় যে, “যদি আমি প্ৰমোচন কৰিব নোৱাৰো তেন্তে আমি আমেৰিকালৈ হাত আগবঢ়াব লাগে।”

অস্পষ্ট আমেৰিকাৰ প্ৰস্তাৱ

ইৰাণ আৰু আমেৰিকাৰ মাজত পাঁচ ৰাউণ্ডৰ আলোচনাৰ পাছতো আমেৰিকাৰ প্ৰস্তাৱৰ সবিশেষ স্পষ্ট নহয়। জানিব পৰা মতে, এই প্ৰস্তাৱত ইৰাণ আৰু চুবুৰীয়া দেশসমূহৰ বাবে ইউৰেনিয়াম সমৃদ্ধিৰ বাবে সম্ভাৱ্য পাৰমাণৱিক কনচৰ্টিয়ামো অন্তৰ্ভুক্ত কৰা হৈছে।

ইৰাণে নিজৰ সমৃদ্ধি কাৰ্যসূচী সম্পূৰ্ণৰূপে পৰিত্যাগ কৰিব লাগিব নে নাই সেয়া এতিয়াও স্পষ্ট হোৱা নাই, ইৰাণে কিছুদিনৰ বাবে তিনি শতাংশ বিশুদ্ধতালৈকে ইউৰেনিয়াম সমৃদ্ধ কৰিব পাৰিব।

চুক্তি নহ’লে বাঢ়িব উত্তেজনা

ইৰাণৰ সৈতে চুক্তি কৰাটো আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু তেওঁৰ বিশ্বাসযোগ্য বন্ধু তথা পশ্চিম এছিয়ান পৰিক্ৰমা বিভাগৰ আমেৰিকাৰ বিশেষ দূত ষ্টিভ উইটকফৰ অন্যতম কূটনৈতিক অগ্ৰাধিকাৰ।

এই চুক্তিৰ অধীনত আমেৰিকাই ইৰাণৰ ওপৰত আৰোপ কৰা কিছুমান কঠোৰ অৰ্থনৈতিক নিষেধাজ্ঞা উঠাই ল’ব পাৰে যাৰ বিনিময়ত ইৰাণে ইউৰেনিয়াম সমৃদ্ধি সীমিত বা শেষ কৰিব পাৰে।

যদিহে কোনো চুক্তিত উপনীত নহয় তেন্তে পশ্চিম এছিয়াত উত্তেজনা আৰু বৃদ্ধি পাব পাৰে, য’ত গাজা ষ্ট্ৰিপত ইজৰাইল-হামাছ যুদ্ধৰ বাবে পৰিস্থিতি ইতিমধ্যে উত্তেজিত হৈ পৰিছে।

লগতে পঢ়ক: ২১ জুলাইৰ পৰা ১২ আগষ্টলৈ অনুষ্ঠিত হ’ব সংসদৰ বৰ্ষাকালীন অধিৱেশন…

ভাৰতে ড্ৰণ আৰু বিমান আক্ৰমণেৰে ধ্বংস কৰিছে পাকিস্তানৰ বহু স্থান।তাৰ পিছতে পাকিস্তানৰ প্ৰতিৰক্ষা মন্ত্ৰী খোৱাজা আছিফে কয় যে, চৰকাৰে উত্তেজনা হ্ৰাস কৰাৰ চেষ্টা চলাই ইৰাণ, সংযুক্ত আৰব আমিৰশ্বাহী (ইউ এ ই), চৌদি আৰব, চীন, আৰু কাটাৰকে ধৰি বিভিন্ন দেশৰ সৈতে দৈনিক কূটনৈতিক যোগাযোগ স্থাপন কৰিছে।

খোৱাজা আছিফে কয় যে, ইৰাণ, ইউ এ ই, চৌদি আৰব, চীন, কাটাৰকে ধৰি বিভিন্ন দেশৰ সৈতে দৈনিক কূটনৈতিক যোগাযোগ কৰি পৰিস্থিতিৰ অৱনতি ঘটাবলৈ চেষ্টা কৰি আছে।

তেওঁ সেই সময়ত মন্তব্যটো কৰিছে, যি সময়ত ছৌদি আৰৱৰ বৈদেশিক পৰিক্ৰমা ৰাজ্যিক মন্ত্ৰী আদেল আল জুবেইৰে নতুন দিল্লী ভ্ৰমণৰ অন্তত ইছলামাবাদত উপস্থিত হৈছে।