শেহতীয়াকৈ বাংগালুৰুত আত্মহত্যা কৰা এআই অভিযন্তা অতুল সুভাষৰ পত্নীকে ধৰি তিনিজন লোকক গ্ৰেপ্তাৰ কৰা হৈছে।

অতুল সুভাষৰ পত্নী নিকিতা সিংঘানিয়া, তেওঁৰ মাতৃ নিশা সিংহানিয়া আৰু ভাতৃ অনুৰাগ সিংহানিয়াক বেংগালুৰু আৰক্ষীয়ে গ্ৰেপ্তাৰ কৰিছে। নিকিতাক গুৰুগ্ৰামৰ পৰা গ্ৰেপ্তাৰ কৰৰ লগতে মাতৃ আৰু ভাতৃক এলাহাবাদৰ পৰা গ্ৰেপ্তাৰ কৰা হৈছে।

ইয়াৰ পিছত, দুয়োকে বেংগালুৰুলৈ অনা হৈছিল আৰু আদালতত হাজিৰ কৰোৱা হৈছিল, আদালতে তেওঁলোকক ন্যায়িক জিম্মালৈ প্ৰেৰণ কৰিছে।

অভিযুক্তকেইজনক বিচাৰি উলিয়াবলৈ বেংগালুৰু আৰক্ষীয়ে উত্তৰ প্ৰদেশ আৰক্ষীৰ পৰা সহায় লোৱাৰ সিদ্ধান্ত লোৱাৰ পিছতেই গ্ৰেপ্তাৰ কৰা হৈছিল তিনিওকে।

তিনিওজন অভিযুক্তৰ বিৰুদ্ধে অতুলৰ বিৰুদ্ধে গোচৰটো প্ৰত্যাহাৰ কৰিবলৈ ৩ কোটি টকা আৰু তেওঁৰ পুত্ৰক লগ কৰাৰ বাবে ৩০ লাখ টকা দাবী কৰাৰ অভিযোগ আছে।

উল্লেখ্য যে  বাংগালুৰুত অভিযন্তা হিচাপে কাম কৰা অতুল সুভাষে আত্মহত্যা কৰাৰ পূৰ্বে তেওঁৰ পত্নীয়ে  উৎপীড়ন কৰাৰ অভিযোগ উত্থাপন কৰিছিল।

এজন জ্যেষ্ঠ বিষয়াই কয় যে অতুলৰ পত্নী নিকিতা সিংহানিয়াক আৰু তেওঁৰ মাতৃ নিশা আৰু ভাতৃ অনুৰাগক আত্মহত্যা কৰিবলৈ উদগনি দিয়াৰ বাবে গ্ৰেপ্তাৰ কৰা হৈছে।

আন এজন আৰক্ষী বিষয়াই নিশ্চিত কৰিছিল যে অভিযুক্তসকলক আদালতত হাজিৰ কৰি ন্যায়িক জিম্মালৈ প্ৰেৰণ কৰা হৈছে।

তেওঁলোকৰ বিৰুদ্ধে অতুলৰ গোচৰটো প্ৰত্যাহাৰ কৰিবলৈ ৩ কোটি টকা আৰু তেওঁৰ পুত্ৰৰ সৈতে অধিকাৰ পূৰণৰ বাবে ৩০ লাখ টকা দাবী কৰাৰ অভিযোগ আছে।

অতুল সুভাষক সোমবাৰে তেওঁৰ এপাৰ্টমেণ্টৰ ভিতৰত মৃত অৱস্থাত পোৱা গৈছিল। বিকাশ কুমাৰৰ ভাতৃয়ে সুভাষৰ পত্নী নিকিতা, তেওঁৰ মাতৃ নিশা, ভাতৃ অনুৰাগ আৰু খুৰাক সুশীল সিংঘানিয়াৰ বিৰুদ্ধে অভিযোগ দাখিল কৰিছিল।

৩৪ বছৰীয়া যুৱকজনে ২৪ পৃষ্ঠাৰ এটা টোকাত তেওঁৰ কষ্টৰ বিষয়ে বৰ্ণনা কৰিছিল আৰু ৮১ মিনিটৰ এটা ভিডিঅ’ পোষ্ট কৰিছিল।

এই ভিডিঅ’টোৰ জৰিয়তে, অতুলক কেনেদৰে হাৰাশাস্তি কৰা হৈছিল সেয়াও কৈছিল।অতুলে কৈছিল যে, “মই মোৰ পত্নী আৰু তেওঁৰ পৰিয়ালৰ বাবে এটা পইচা বনোৱা যন্ত্ৰ হৈ পৰিছো।

অতুলে লগতে কৈছিল যে মোৰ পৰা টকা আদায় কৰি আকৌ মোৰ বিৰুদ্ধেই ব্যৱহাৰ কৰিছিল। গতিকে মই সেই শিপা ডালকেই নোহোৱা কৰিব বিচাৰো”।