ৰাজ কুমাৰ গোৱেলক কেন্দ্ৰীয় তথ্য আয়োগৰ মুখ্য তথ্য আয়ুক্ত হিচাপে নিযুক্তি দিছে কেন্দ্ৰীয় চৰকাৰে ।
ভাৰতীয় প্ৰশাসনিক সেৱাৰ প্ৰাক্তন বিষয়া ৰাজ কুমাৰ গোৱেলক কেন্দ্ৰীয় তথ্য আয়োগৰ মুখ্য তথ্য আয়ুক্ত হিচাপে নিযুক্তি দিছে কেন্দ্ৰীয় চৰকাৰে । সোমবাৰে (১৫ ডিচেম্বৰ) ৰাষ্ট্ৰপতি দ্ৰৌপদী মুৰ্মুৱে গোৱেলক শপত গ্ৰহণ কৰোৱাই । ২০২৫ চনৰ ছেপ্টেম্বৰৰ পৰা খালী হৈ থকা প্ৰাক্তন মুখ্য তথ্য আয়ুক্ত হীৰালাল সমৰিয়াৰ ঠাইত গোৱেলক নিযুক্তি দিয়া হৈছে ।
খবৰ অনুসৰি, হীৰালাল সমৰিয়াৰ কাৰ্যকাল সম্পূৰ্ণ হোৱাৰ পিছত ১৩ ছেপ্টেম্বৰৰ পৰা মুখ্য তথ্য আয়ুক্তৰ পদ খালী হৈ আছিল । এই পদত নিযুক্তি দিয়া হৈছে প্ৰাক্তন আই এ এছ বিষয়া ৰাজ কুমাৰ গোৱেলক । সোমবাৰে তেওঁ নতুন তথ্য আয়ুক্ত হিচাপে কাৰ্যভাৰ গ্ৰহণ কৰে । ৰাষ্ট্ৰপতি ভৱনত অনুষ্ঠিত এক অনুষ্ঠানত গোৱেলক শপত গ্ৰহণ কৰোৱাই ৰাষ্ট্ৰপতি মুৰ্মুৱে । প্ৰধানমন্ত্ৰী নৰেন্দ্ৰ মোদীৰ নেতৃত্বত তিনিজনীয়া পেনেলে গোৱালৰ নাম পৰামৰ্শ দিছিল ।
ৰাজকুমাৰ গোৱেল ১৯৯০ চনৰ বেচ (অৱসৰপ্ৰাপ্ত) ভাৰতীয় প্ৰশাসনিক সেৱাৰ (আই এ এছ) বিষয়া, অৰুণাচল প্ৰদেশ-গোৱা-মিজোৰাম-ইউনিয়ন টেৰিটৰীজ কেডাৰ । ৩১ আগষ্টত তেওঁ আইন আৰু ন্যায় মন্ত্ৰালয়ৰ ন্যায় বিভাগৰ সচিব হিচাপে অৱসৰ গ্ৰহণ কৰে । তেওঁ গৃহ পৰিক্ৰমা মন্ত্ৰালয়ৰ সচিব (সীমা ব্যৱস্থাপনা) হিচাপেও কাৰ্যনিৰ্বাহ কৰিছিল আৰু কেন্দ্ৰ আৰু পূৰ্বৰ জম্মু-কাশ্মীৰ ৰাজ্য দুয়োটাতে গুৰুত্বপূৰ্ণ পদবীত অধিষ্ঠিত হৈছিল ।
লগতে পঢ়ক : ৰাষ্ট্ৰীয় বিজেপিৰ নতুন কাৰ্যকৰী সভাপতি নীতিন নবীন
