T-20 দলৰ পৰা ৰিলিজ কৰি দিলে কুলদীপ যাদৱক
ভাৰতীয় দলটো বৰ্তমান অষ্ট্ৰেলিয়া ভ্ৰমণত আছে, য’ত ৫খন খেলৰ টি-২০ ছিৰিজ খেলি আছে,তৃতীয়খন মেচ ২ নৱেম্বৰত হোবাৰ্ট খেলপথাৰত অনুষ্ঠিত হৈছিল,য’ত টিম ইণ্ডিয়াই ৫ উইকেটত জয়লাভ কৰিছিল।
ইফালে এই শৃংখলাত টিম ইণ্ডিয়াৰ দলৰ অংশ হৈ থকা বাওঁহাতৰ স্পিন বলাৰ কুলদীপ যাদৱক য’ত তৃতীয় টি-২০ত প্লেইং ১১ৰ পৰা আঁতৰাই ৰখা হৈছিল,এতিয়া তেওঁক দলৰ পৰাও ৰিলিজ কৰি দিয়াৰ সিদ্ধান্ত লোৱা হৈছে, যাৰ বাবে তেওঁ এতিয়া পুনৰ ভাৰতলৈ উভতি আহিব।
এতিয়া অষ্ট্ৰেলিয়া ভ্ৰমণৰ ভাৰতীয় দলটোক লৈ ডাঙৰ খবৰ ওলাইছে।বাকী দুখন খেলৰ বাবে বলাৰ কুলদীপ যাদৱক টি-২০ দলৰ পৰা ৰিলিজ কৰি দিয়া হৈছে।
ভাৰতীয় ক্ৰিকেট নিয়ন্ত্ৰণ ব’ৰ্ড(BCCI) এ এই তথ্য প্ৰদান কৰিছে।ভাৰতীয় দল পৰিচালনা সমিতিয়ে বিচিচিআইক কুলদীপক মুকলি কৰি দিবলৈ অনুৰোধ জনাইছিল।
দল পৰিচালনাই এই সিদ্ধান্ত লৈছিল কাৰণ,যাতে কুলদীপ যাদৱে ৰেডবল ক্ৰিকেটৰ বাবে সাজু হোৱাৰ সুযোগ পাব পাৰে।এতিয়া দক্ষিণ আফ্ৰিকা এৰ বিৰুদ্ধে কুলদীপে দ্বিতীয়খন প্ৰথম শ্ৰেণীৰ মেচত ভাৰত এৰ হৈ খেলিব।
এই মেচখন ৬ নৱেম্বৰৰ পৰা বেংগালুৰুৰ বিচিচিআই চেণ্টাৰ অৱ এক্সেলেন্স (চিঅ’ই)ত অনুষ্ঠিত হ’ব।এই মেচৰ জৰিয়তে কুলদীপে ১৪ নৱেম্বৰৰ পৰা দক্ষিণ আফ্ৰিকাৰ বিৰুদ্ধে দুখন মেচৰ টেষ্ট শৃংখলাৰ বাবে নিজকে প্ৰস্তুত কৰিবলৈ সক্ষম হ’ব।
লগতে পঢ়ক: মহিলা ক্ৰিকেট বিশ্বকাপঃ চেম্পিয়ন দলৰ ওপৰত হ’ব টকাৰ বৰষুণ…
