মুখ্যমন্ত্ৰী ড০ হিমন্ত বিশ্ব শৰ্মাই দাবী কৰিছে যে গুৱাহাটীৰ শেহতীয়া আর্য নগৰ ঘটনাৰ বিতৰ্কটো অতিমাত্ৰা ডাঙৰকৈ প্ৰদৰ্শন কৰা হৈছে। নলবাৰী আৰু গোৱালপাৰা কাণ্ড গাপ দিবলৈ আৰ্ষনগৰ কাণ্ডৰ সৃষ্টি কৰা হ’ল।
গুৱাহাটীৰ আৰ্যনগৰ ঘটনাক লৈ মুখ্যমন্ত্ৰী ড০ হিমন্ত বিশ্ব শৰ্মাই প্ৰথমবাৰলৈ প্ৰতিক্ৰিয়া প্ৰকাশ কৰিছে। মুখ্যমন্ত্ৰী গৰাকীয়ে কৈছে যে গুৱাহাটীৰ শেহতীয়া আর্য নগৰ ঘটনাৰ বিতৰ্কটো অতিমাত্ৰা ডাঙৰকৈ প্ৰদৰ্শন কৰা হৈছে। যাতে ৰাজ্যখনৰ আন দুটা গুৰুত্বপূৰ্ণ ঘটনা ক্ৰমে নলবাৰীৰ ৰোজ আলী এনকাউণ্টাৰ ঘটনা আৰু বৰ্তমান চলি থকা গোৱালপাৰাৰ গো-মাংসৰ টিফিন বিতৰ্কৰ পৰা জনসাধাৰণৰ দৃষ্টি আকৰ্ষণ কৰিব পাৰে।
কেবিনেট বৈঠকৰ অন্তত সংবাদ মাধ্যমৰ সৈতে হোৱা বাৰ্তালাপত মুখ্যমন্ত্ৰীগৰাকীয়ে অভিযোগ কৰে যে আর্য নগৰৰ ঘটনাটোৱে (যিটো প্ৰথম অৱস্থাত অসমীয়া আৰু বিহাৰী গোটৰ মাজৰ সংঘাত হিচাপে চৰ্চালৈ আহিছিল) এনে এটা সময়ত গুৰুত্ব লাভ কৰিছে যিটো সময়ত নলবাৰী আৰু গোৱালপাৰাৰ ঘটনাক লৈ ৰাজহুৱাকৈ তীব্ৰ আলোচনা চলি আছিল।
মুখ্যমন্ত্ৰী গৰাকীয়ে কয় যে, অসমত অসমীয়া-বিহাৰী-বঙালীক লৈ যদি সংঘাত চলি থাকে, তেন্তে পুনৰ অসম আন্দোলনৰ দিনলৈ গুচি যাব। এজন অসমীয়া হিন্দীভাষী হ’ব পাৰে। কিন্তু এজন হিন্দীভাষী কেতিয়াও অসমীয়া হ’ব নোৱাৰে। এজন বিহাৰী-অসমীয়াই কাজিয়া লাগিলেই সমগ্ৰ বিহাৰী-অসমীয়াক টানি অনাটো গ্ৰহণযোগ্য নহয়।
মুখ্যমন্ত্ৰী গৰাকীয়ে লগতে কয় যে, অসমত যিমান হিন্দীভাষী লোক থাকে, তাততৈ বেছি যুৱক বহিঃৰাজ্যত বেছি আছে। ২৫ লাখতকৈ বেছি অসমীয়া অসমৰ বাহিৰত আছে। দুজন অপৰাধীৰ কাজিয়া অসমীয়া-বিহাৰীৰ সংঘাত কেনেকৈ হ’ব পাৰে? সন্দেহযুক্ত বাংলাদেশীয়েহে এইসমূহ বেছিকৈ প্ৰচাৰ কৰে। নলবাৰী কাণ্ড কোনো হিন্দীভাষীয়ে কৰা উদাহৰণ আছে নেকি? কোনোবা বঙালীভাষীয়ে কৰাৰ উদাহৰণ আছে নেকি? নলবাৰী আৰু গোৱালপাৰা কাণ্ড আৰ্ষনগৰ কাণ্ডৰ সৃষ্টি কৰা হ’ল।
আৰ্য নগৰৰ ঘটনা সন্দৰ্ভত মুখ্যমন্ত্ৰীগৰাকীয়ে অভিযোগ কৰে যে পৰৱৰ্তী সময়ত তদন্তই ইয়াক এটা ধন দাবী সংক্ৰান্তীয় বিবাদৰ ফালেহে আঙুলিয়াই দিয়া স্বত্বেও, এই ঘটনাটোক জাতিগত সংঘাতৰ ৰূপ দি জনমানসত অধিক প্ৰচাৰ কৰা হৈছে। তেওঁ ইংগিত দিয়ে যে আৰ্য নগৰৰ ঘটনাৰ আখ্যানটোৱে নলবাৰীৰ এনকাউণ্টাৰ আৰু গোৱালপাৰাৰ ঘটনাৰ আলোচনাক গাপ দিছে।
মুখ্যমন্ত্ৰীগৰাকীৰ এই মন্তব্যই তেওঁৰ ৰাজনৈতিক মূল্যায়নক প্ৰতিফলিত কৰিছে। অৱশ্যে, নলবাৰী আৰু গোৱালপাৰাৰ ঘটনাৰ পৰা দৃষ্টি আঁতৰাবলৈ আৰ্য নগৰৰ বিতৰ্কটো ইচ্ছাকৃতভাৱে তুলি ধৰা হৈছে বুলি কৰা অভিযোগৰ কোনো স্বতন্ত্ৰ সত্যতা এতিয়ালৈকে প্ৰমাণিত হোৱা নাই।
লগতে পঢ়ক: আধাৰ কাৰ্ডক লৈ কেবিনেটৰ ডাঙৰ সিদ্ধান্ত…
