১০ হাজাৰ বছৰৰ পিছত উদগীৰণ হ’ল এই আগ্নেয়গিৰি
ইথিওপিয়াত ১০ হাজাৰ বছৰৰ পাছত উদগীৰণ ঘটিছে এটা আগ্নেয়গিৰিৰ । এই উদগীৰণৰ ফলত কান্নুৰৰ পৰা আবুধাবিলৈ যোৱা 6E 1433 ইণ্ডিগো বিমানখন আহমেদাবাদলৈ ডাইভাৰ্ট কৰা হয় । বিজ্ঞানীসকলে এই ঘটনাক অঞ্চলটোৰ ইতিহাসৰ অন্যতম অস্বাভাৱিক ঘটনা বুলি অভিহিত কৰিছে । এই আগ্নেয়গিৰিৰ বিস্ফোৰণৰ ছাই উত্তৰ ভাৰতৰ ফালে গতি কৰাৰ সম্ভাৱনা আছে ।
বিমান সংস্থাটোৱে জনোৱা মতে, কান্নুৰৰ পৰা আবুধাবিলৈ ডাইভাৰ্ট কৰা ইণ্ডিগোৰ এই বিমানখন সকলো যাত্ৰী আৰু ক্ৰুক লৈ নিৰাপদে উপস্থিত হৈছে । ইণ্ডিগোৱে এক বিবৃতি প্ৰকাশ কৰি কয় যে যাত্ৰীসকলক কান্নুৰলৈ ঘূৰাই অনাৰ বাবে এক বিশেষ উভতি অহা বিমান চলাচল কৰা হ’ব । যাত্ৰীসকলক ধৈৰ্য্য ধৰিবলৈ আহ্বান জনাইছে কোম্পানীটোৱে ।
ক্ষতি কৰিব পাৰে ছাইৰ কণাই-
ইফালে ছাইৰ ডাৱৰৰ ক্ষতিৰ পৰা হাত সাৰিবলৈ ইতিমধ্যে কিছুমান বিমানক ডাইভাৰ্ট কৰা হৈছে । ছাইৰ কণিকাই ইঞ্জিনৰ ক্ষতি কৰিব পাৰে, গতিকে আন্তঃৰাষ্ট্ৰীয় বিমান পৰিবহণৰ প্ৰট’কল অনুসৰি সাৱধানতা অৱলম্বন কৰা হৈছে ।
আকাছা এয়াৰে এক পৰামৰ্শত উল্লেখ কৰিছে যে আন্তঃৰাষ্ট্ৰীয় বিমান পৰিবহণ প্ৰট’কল অনুসৰি আগ্নেয়গিৰিৰ কাৰ্যকলাপ তীক্ষ্ণভাৱে নিৰীক্ষণ কৰি থকা হৈছে । ইয়াত আৰু কোৱা হৈছে যে যাত্ৰীৰ সুৰক্ষা ইয়াৰ শীৰ্ষ অগ্ৰাধিকাৰ ।
১০ হাজাৰ বছৰৰ পিছত আগ্নেয়গিৰি উদগীৰণ-
দেওবাৰে পুৱা ৮:৩০ বজাত ইথিওপিয়াৰ আফাৰ অঞ্চলৰ হাইলে গুবিত প্ৰায় ১০ হাজাৰ বছৰৰ পিছত প্ৰথমবাৰৰ বাবে বিস্ফোৰক কাৰ্যকলাপ ৰেকৰ্ড কৰা হয় । এই বিস্ফোৰণৰ পৰা সৃষ্টি হোৱা ছাইৰ ডাৱৰ উত্তৰ ভাৰতৰ দিশে গতি কৰিছে, যাৰ বাবে ভাৰতীয় বিমান পৰিবহণ কৰ্তৃপক্ষ আৰু বিমান সংস্থাসমূহে সোমবাৰৰ সন্ধিয়াৰ পৰা দিল্লী আৰু জয়পুৰৰ মাজত বিমান চলাচলৰ ওপৰত চকু ৰাখিছে ।
ইথিওপিয়াৰ এৰটা আলে ৰেঞ্জত অৱস্থিত হাইলে গুবি আগ্নেয়গিৰিয়ে দেওবাৰে পুৱা বায়ুমণ্ডললৈ ছাই আৰু চালফাৰ ডাই অক্সাইডৰ বিশাল ঢৌ নিক্ষেপ কৰে ।
লগতে পঢ়ক : অৰ্ধসামৰিক বাহিনীৰ মুখ্য কাৰ্যালয়ত আত্মঘাতী আক্ৰমণ; তিনি কামাণ্ডোৰ মৃত্যু
