শপত গ্ৰহণৰ প্ৰস্তুতিৰ বুজ ল’লে নীতিশ কুমাৰে
২০২৫ চনৰ বিহাৰ বিধানসভা নিৰ্বাচনত ঐতিহাসিক বিজয়ৰ পিছত দশমবাৰৰ বাবে মুখ্যমন্ত্ৰী হিচাপে শপত গ্ৰহণ কৰিব নীতিশ কুমাৰে । প্ৰধানমন্ত্ৰী নৰেন্দ্ৰ মোদীয়েও শপতগ্ৰহণ অনুষ্ঠানত অংশগ্ৰহণ কৰিব আৰু এই অনুষ্ঠানক লৈ কঠোৰ নিৰাপত্তাৰ ব্যৱস্থা কৰা হৈছে । গান্ধী ময়দানত অনুষ্ঠিত হ’ব শপতগ্ৰহণ । ২০ নৱেম্বৰত শপতগ্ৰহণৰ তাৰিখ নিৰ্ধাৰণ কৰা হৈছে । শপতগ্ৰহণৰ বাবে মাত্ৰ এদিন বাকী থকা অৱস্থাত আজি অনুস্থানস্থলীত উপস্থিত হয় মুখ্যমন্ত্ৰী নীতিশ কুমাৰ আৰু সম্ৰাট চৌধুৰীৰ লগতে আন বিজেপি নেতাসকল । বিহাৰৰ কেইবাগৰাকী চৰকাৰী বিষয়াও উপস্থিত থাকে ।
উল্লেখ্য যে, বিধানসভা নিৰ্বাচন শেষ হোৱাৰ পিছত বিহাৰত নতুন চৰকাৰ গঠনৰ প্ৰস্তুতি তীব্ৰতৰ হৈ পৰিছে । একেৰাহে দশমবাৰৰ বাবে মুখ্যমন্ত্ৰী হিচাপে শপত গ্ৰহণ কৰিবলৈ সাজু হৈছে নীতিশ কুমাৰে । সোমবাৰৰ পৰা নতুন চৰকাৰ গঠনৰ প্ৰক্ৰিয়া ত্বৰান্বিত হৈছে । মুখ্যমন্ত্ৰী নীতিশ কুমাৰৰ শপতগ্ৰহণৰ বাবে প্ৰশাসনিক প্ৰস্তুতি আৰম্ভ হৈছে । পাটনাৰ ঐতিহাসিক গান্ধী মৈদানত এন ডি এৰ ঐতিহাসিক বিজয় উদযাপন কৰা হ’ব । এই অনুষ্ঠানৰ বাবে গান্ধী ময়দানত শপতগ্ৰহণৰ প্ৰস্তুতি এতিয়া প্ৰায় অন্তিম পৰ্যায়ত । শপতগ্ৰহণৰ বাবে গান্ধী ময়দানত চাফাই আৰু সৌন্দৰ্য্যবৰ্ধনৰ কামো চলি আছে ।
পাটনা জিলা প্ৰশাসনে গান্ধী মৈদানক জনসাধাৰণৰ বাবে বন্ধ কৰি দিয়াৰ নিৰ্দেশ জাৰি কৰিছে । নিৰাপত্তাজনিত কাৰণত জাৰি কৰা এই আদেশ ১৭ নৱেম্বৰৰ পৰা ১৯ নৱেম্বৰলৈ কাৰ্যকৰী হ’ব । মুখ্যমন্ত্ৰী নীতিশ কুমাৰৰ শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদীৰ লগতে কেইবাখনো ৰাজ্যৰ মুখ্যমন্ত্ৰীয়ে অংশগ্ৰহণ কৰিব । এই দিনটোত কেইবাজনো বিধায়কে মন্ত্ৰী হিচাপেও শপত গ্ৰহণ কৰিব, যাৰ বাবে প্ৰস্তুতি চলি আছে । জিলা দণ্ডাধীশে ঘোষণা কৰিছে যে অহা ১৭ নৱেম্বৰৰ পৰা ১৯ নৱেম্বৰলৈ গান্ধী মৈদান অঞ্চলত ৰাজহুৱা প্ৰৱেশৰ ওপৰত সম্পূৰ্ণ নিষেধাজ্ঞা আৰোপ কৰা হৈছে ।
লগতে পঢ়ক : বিহাৰৰ মুখ্যমন্ত্ৰী পদৰ পৰা পদত্যাগ নীতিশ কুমাৰৰ; ২০ নৱেম্বৰত ল’ব শপত
