ক্ৰমে বৃদ্ধি পাইছে ঘূৰ্ণীবতাহ মন্থাৰ শক্তি
অন্ধ্ৰ প্ৰদেশৰ উপকূলীয় অঞ্চলত সোমবাৰে সন্ধিয়া ঘূৰ্ণীবতাহ মন্থাই স্থলপথত প্ৰৱেশ কৰিবলৈ আৰম্ভ কৰে । ৰাজ্যখনৰ কেইবাখনো উপকূলীয় জিলাত শেহতীয়াকৈ বৰষুণ আৰু প্ৰচণ্ড বতাহ তীব্ৰতৰ হৈ পৰিছে । ৰাজ্যিক দুৰ্যোগ ব্যৱস্থাপনা কৰ্তৃপক্ষই জনসাধাৰণক সজাগ হৈ থকাৰ আহ্বান জনাইছে, আনহাতে ৰে’লৱে যাত্ৰীৰ সুৰক্ষাৰ বাবে কেইবা ডজন ৰে’ল বাতিল কৰা হৈছে । বতৰ বিজ্ঞান বিভাগৰ তথ্য অনুসৰি মঙলবাৰৰ ভিতৰত এই ধুমুহা তীব্ৰতৰ হৈ তীব্ৰ ঘূৰ্ণীবতাহলৈ পৰিণত হ’ব পাৰে ।
অন্ধ্ৰ প্ৰদেশ ৰাজ্যিক দুৰ্যোগ ব্যৱস্থাপনা প্ৰাধিকৰণে কয় যে উপকূলীয় জিলাসমূহত ‘মন্থা’ৰ প্ৰভাৱ আৰম্ভ হৈছে । বিশাখাপট্টনমৰ সমীপত ৫৬০ কিলোমিটাৰ দূৰত্বত অৱস্থিত এই ধুমুহাই বিগত ৬ ঘণ্টাত প্ৰতি ঘণ্টাত ১৮ কিলোমিটাৰকৈ গতি বৃদ্ধি কৰিছে । মঙলবাৰে পুৱালৈকে ই তীব্ৰতৰ হৈ তীব্ৰ ঘূৰ্ণীবতাহলৈ পৰিণত হোৱাৰ সম্ভাৱনা আছে । ২৮ অক্টোবৰৰ সন্ধিয়া বা নিশালৈকে ‘মন্থা’ কাকিনাডা উপকূল পাৰ হ’ব পাৰে বুলি উল্লেখ কৰি বিষয়াসকলে ৰাইজক সজাগ হৈ থাকিবলৈ আৰু প্ৰশাসনে জাৰি কৰা সুৰক্ষা নিৰ্দেশনা মানি চলিবলৈ পৰামৰ্শ দিছে ।
ৰাজ্য চৰকাৰে বিশাখাপট্টনম, পূৱ গোদাবৰী, কাকিনাদা, বিজয়াৱাড়া, গুন্টুৰ আৰু মাচিলিপট্টনম জিলাত ৰেড এলাৰ্ট জাৰি কৰিছে । প্ৰশাসনে সাহায্য আৰু উদ্ধাৰকাৰী দল সক্ৰিয় কৰি তুলিছে । নামনি অঞ্চলৰ গাঁৱৰ পৰা মানুহক উলিয়াই অনা হৈছে । অহা দুদিনৰ বাবে বিদ্যালয় আৰু চৰকাৰী কাৰ্যালয় বন্ধ কৰাৰ নিৰ্দেশনা জাৰি কৰা হৈছে । বিদ্যুৎ বিচ্ছিন্ন আৰু গছ-গছনি সৰি পৰাৰ সম্ভাৱনাৰ বাবে স্থানীয় সংস্থাসমূহক অতিৰিক্ত সম্পদৰ ব্যৱস্থা কৰা হৈছে ।
ইফালে ‘মন্থা’ৰ ভাবুকিৰ প্ৰতি লক্ষ্য ৰাখি ৰে’লৱেই ৬৭খন ৰে’ল বাতিল কৰাৰ কথা ঘোষণা কৰিছে । ৰে’লৱেই যাত্ৰীসকলক যাত্ৰাৰ পূৰ্বে ৰে’লৰ অৱস্থা পৰীক্ষা কৰি কোনো ধৰণৰ অপ্ৰয়োজনীয় যাত্ৰাৰ পৰা আঁতৰি থাকিবলৈ আহ্বান জনাইছে ।
লগতে পঢ়ক : প্ৰতিটো মুহূৰ্ততে যুদ্ধৰ বাবে সাজু থাকিব লাগিব দেশঃ ৰাজনাথ সিঙৰ মন্তব্য
