জাপানৰ নৱনিৰ্বাচিত প্ৰধানমন্ত্ৰীক শুভেচ্ছা জ্ঞাপন প্ৰধানমন্ত্ৰী মোদীৰ
মঙলবাৰে জাপানৰ সংসদে অতি ৰক্ষণশীল ছানাই তাকাইচিক দেশৰ প্ৰথমগৰাকী মহিলা প্ৰধানমন্ত্ৰী হিচাপে নিৰ্বাচিত কৰে । লিবাৰেল ডেম’ক্ৰেটিক পাৰ্টিৰ হৈ ৬৪ বছৰীয়া তাকাইচিয়ে সংসদৰ নিম্ন সদনত ২৩৭টা ভোট লাভ কৰাৰ বিপৰীতে তেওঁৰ প্ৰতিদ্বন্দ্বী যোছিহিকো নোডাই ১৪৯টা ভোট লাভ কৰে । প্ৰধানমন্ত্ৰী নৰেন্দ্ৰ মোদীয়ে এই জয়ৰ বাবে তেওঁক অভিনন্দন জনোৱাৰ লগতে ভাৰত-জাপানৰ কৌশলগত অংশীদাৰিত্ব আৰু অধিক শক্তিশালী কৰাৰ কথা উল্লেখ কৰে ।
ভাৰত-জাপান সম্পৰ্কৰ কথা ক’লে প্ৰধানমন্ত্ৰী মোদীয়ে-
ভাৰতৰ প্ৰধানমন্ত্ৰী নৰেন্দ্ৰ মোদীয়ে ছানাই তাকাইচিক প্ৰধানমন্ত্ৰী নিৰ্বাচিত হোৱাৰ বাবে অভিনন্দন জনায় । ছ’চিয়েল মিডিয়া প্লেটফৰ্মত পোষ্ট কৰি তেওঁ কয়, “জাপানৰ প্ৰধানমন্ত্ৰী নিৰ্বাচিত হোৱাৰ বাবে আপোনাক আন্তৰিক অভিনন্দন । ভাৰত-জাপান বিশেষ কৌশলগত আৰু বিশ্বব্যাপী অংশীদাৰিত্বক আৰু অধিক শক্তিশালী কৰাৰ বাবে আপোনালোকৰ সৈতে কাম কৰিবলৈ আগ্ৰহী । ভাৰত-প্ৰশান্ত মহাসাগৰীয় অঞ্চলত শান্তি আৰু স্থিতিশীলতাৰ বাবে আমাৰ শক্তিশালী সম্পৰ্ক অতি প্ৰয়োজনীয় ।”
কি ক’লে তাকাইচিয়ে ?
প্ৰধানমন্ত্ৰী হোৱাৰ পিছত প্ৰথম ভাষণত তাকাইচিয়ে কয় যে সকলো প্ৰজন্মই একেলগে কাম কৰিলেহে আমি জাপানক পুনৰ নিৰ্মাণ কৰিব পাৰিম । তেওঁ ব্যক্তিগতভাৱে কৰ্ম-জীৱনৰ ভাৰসাম্যৰ ওপৰত গুৰুত্ব নিদিয়ে বুলি জোৰ দিয়ে । তেওঁ জোৰ দিয়ে যে তেওঁ কেৱল কাম কৰিব । তেওঁ সকলোকে কঠোৰ পৰিশ্ৰম কৰিবলৈ আহ্বান জনাই কয় যে এই সময় দেশখন পুনৰ নিৰ্মাণৰ সময় ।
লগতে পঢ়ক : আই এন এছ বিক্ৰান্তত নৌসেনাৰ সৈতে দীপাৱলী উদযাপন প্ৰধানমন্ত্ৰী মোদীৰ
