আন্তঃৰাষ্ট্ৰীয় মহাকাশ কেন্দ্ৰক বিদায় জনাব বিশ্বই
মহাকাশ ইতিহাসৰ অন্যতম উল্লেখযোগ্য ডাঙৰ কৃতিত্ব হৈছে আন্তঃৰাষ্ট্ৰীয় মহাকাশ কেন্দ্ৰ । ১৯৯৮ চনত উৎক্ষেপন কৰা আই এছ এছৰ ডিজাইন প্ৰথমে ১৫ বছৰলৈকে চলিব পৰাকৈ কৰা হৈছিল । ইয়াক আমেৰিকা, কানাডা, ইউৰোপ, জাপান, ৰাছিয়াকে ধৰি কেইবাখনো দেশে যৌথভাৱে নিৰ্মাণ কৰিছিল । ২০০০ চনৰ নৱেম্বৰৰ পৰা আই এছ এছ ২৪ ঘণ্টা, ৭ দিন নিম্ন পৃথিৱীৰ কক্ষপথ বজাই থাকিব পৰা এক অতি গুৰুত্বপূৰ্ণ মাধ্যম । ইয়াৰ উন্নয়নত ১৫খনতকৈও অধিক দেশে অৰিহণা যোগাইছে ।
আই এছ এছক লৈ কি ক’লে নাছাই ?
নাছাৰ মতে, ২৫ বছৰীয়া উল্লেখযোগ্য কামৰ অন্তত ২০৩০ চনৰ ভিতৰত আন্তঃৰাষ্ট্ৰীয় মহাকাশ কেন্দ্ৰটো কক্ষপথৰ পৰা আঁতৰাই পেলোৱা হ’ব । ইয়াক প্ৰশান্ত মহাসাগৰৰ এটা অঞ্চলত পেলোৱা হ’ব । তদুপৰি আই এছ এছৰ ঠাইত নতুন মহাকাশ কেন্দ্ৰৰ ব্যৱস্থা কৰা হ’ব ।
আই এছ এছৰ সফলতা-
১৯৯৮ চনত আৰম্ভ হোৱাৰ পিছৰে পৰা ই বিজ্ঞানীসকলৰ বাবে অসংখ্য ডাঙৰ আৰু গুৰুত্বপূৰ্ণ গৱেষণা প্ৰকল্পৰ যথেষ্ট সহজ আৰু সুবিধা প্ৰদান কৰি আহিছে । যদিও প্ৰথমে ১৫ বছৰীয়া অভিযানৰ বাবে ইয়াক ডিজাইন কৰা হৈছিল, তথাপিও ই সফলতাৰে ৪,০০০ৰো অধিক পৰীক্ষা চলাইছে আৰু ইয়াৰ গৱেষণাৰ ওপৰত ৪,৪০০ৰো অধিক গৱেষণা পত্ৰ প্ৰকাশ কৰিছে, যিয়ে ভৱিষ্যতৰ মহাকাশ অভিযানৰ বাবে নতুন দিশ প্ৰদান কৰিছে ।
ব্যক্তিগত মহাকাশ কেন্দ্ৰ কি ?
উল্লেখ্য যে ২০২১ চনত ব্যক্তিগত মহাকাশ কেন্দ্ৰ নিৰ্মাণৰ চুক্তি স্বাক্ষৰিত হৈছিল । তাৎপৰ্যপূৰ্ণভাৱে শেহতীয়াকৈ নাছাই দ্বিতীয় পৰ্যায়ৰ বাবে প্ৰস্তাৱৰ বাবে এক খচৰা অনুৰোধ জাৰি কৰিছে । এই প্ৰস্তাৱৰ অধীনত নিৰ্বাচিত দলসমূহে কমেও চাৰিজন মহাকাশচাৰীক ৰখাব পৰা ষ্টেচনৰ ডিজাইন, পৰীক্ষা আৰু প্ৰদৰ্শন কৰিব লাগিব, যাৰ সময়সীমা ৩০ দিনৰ । সফল প্ৰদৰ্শনৰ পিছতহে নাছাই এই ষ্টেচনসমূহক অনুমোদন দিব ।
লগতে পঢ়ক : ৩২,০০০ ফুট উচ্চতাত সফলতাৰে পৰীক্ষা ডি আৰ ডি অ’ৰ মিলিটেৰী কম্বেট পেৰাচুট চিষ্টেমৰ
