সুশান্ত সিং ৰাজপুতৰ ভগ্নীৰ আৱেগভৰা পোষ্ট
আজি ৯ আগষ্ট। সমগ্ৰ দেশতে ৰাখীবন্ধন উদযাপন কৰা হৈছে।এনে পৰিস্থিতিত কেনেকৈ পিছ পৰি থাকিব চলচ্চিত্ৰ জগত।
বলীউড আৰু টেলিভিছনৰ চেলিব্ৰিটিসকলে নিজৰ নিজৰ ছ’চিয়েল মিডিয়া একাউণ্টত ৰাখী উদযাপনৰ পোষ্ট শ্বেয়াৰ কৰিছে।
ৰাখীবন্ধনৰ এই বিশেষ মূহুৰ্তত প্ৰয়াত অভিনেতা সুশান্ত সিং ৰাজপুতৰ ভগ্নী শ্বেতা সিং কীৰ্তিয়ে নিজৰ ভাতৃক স্মৰণ কৰি সামাজিক মাধ্যমত এটা আৱেগিক পোষ্ট শ্বেয়াৰ কৰিছে।
তেওঁ এটা ভিডিঅ’ শ্বেয়াৰ কৰিছে, য’ত সুশান্ত সিং ৰাজপুতে তেওঁৰ ভগ্নীহঁতৰ সৈতে কটোৱা বহুমূলীয়া মুহূৰ্তৰ আভাস দেখা গ’ল।
পোষ্টটোত তেওঁ লিখিছে, “কেতিয়াবা এনে লাগে যেন তুমি যোৱা নাই, মাত্ৰ পৰ্দাৰ আঁৰৰ পৰা নিৰৱে চাই আছা।তাৰ পিছত আকৌ মই বুজি পাওঁ যে হয়তো মই তোমাক আৰু কেতিয়াও দেখা নাপাম”।
“তোমাৰ হাঁহি এতিয়া মাথোঁ প্ৰতিধ্বনি হৈ পৰিছে, মাতটো এটা ক্ষীণ স্মৃতি হৈ পৰিছে। তোমাক পুনৰ লগ পাম। তোমাৰ গুড়িয়া বাইদেউ”।
ইফালে বলীউডৰ ভাইজান বুলি খ্যাত ছলমান খানৰ ৰাখী ভগ্নী হৈছে বিনা কাক।ছলমানে তেওঁৰ সৈতে এক বিশেষ সম্পৰ্ক ভাগ কৰে।অৱশ্যে আঁঠুৰ আঘাতৰ বাবে এইবাৰ ছালমানক লগত ৰাখী পিন্ধাব নোৱাৰিলে বিনাই।
কিন্তু ইনষ্টাগ্ৰামৰ জৰিয়তে পুৰণি ছবি পোষ্ট কৰি প্ৰেম প্ৰকাশ কৰি তেওঁ ভায়েকক অভিনন্দন জনাইছে। ছলমান খানৰ ৰাখী ভগ্নী বিনা কাকাই নিজৰ ইনষ্টাগ্ৰামত এটা আৱেগিক পোষ্ট কৰি লিখিছে, ‘মই এতিয়া ভঙা গোৰোহাৰ পৰা সুস্থ হৈছো, সেই কাৰণে আজি ৰাখিৰ দিনটোত তোমালৈ বহুত মনত পৰিছে মোৰ মৰমৰ ৰাখি ভাতৃ ছলমান। মই তোমাৰ সুখ, দীৰ্ঘায়ু আৰু শান্তিপূৰ্ণ জীৱনৰ বাবে প্ৰাৰ্থনা কৰিম। বহুত মৰম আৰু আশীৰ্বাদ”।
লগতে পঢ়ক: ‘ছলমানৰ লগত যিয়ে কাম কৰিব তেওঁ মৰিব…’; কপিল শৰ্মাক ভাবুকি লৰেন্স গেঙৰ
