এদিনীয়া ক্ৰিকেটত দ্ৰুততম শতক
এদিনীয়া ক্ৰিকেট অৰ্থাৎ ৫০ অভাৰৰ ফৰ্মেটক টেষ্ট আৰু টি-২০ৰ মাজত ভাৰসাম্য বুলি ধৰিব পাৰি, কিন্তু বিস্ফোৰক বেটিঙৰ কথা আহিলে ইয়াতো কিছুমান খেলুৱৈ আছে যিয়ে বলাৰক নিৰ্দয় প্ৰহাৰ কৰিছে । এদিনীয়া ক্ৰিকেটত এতিয়ালৈকে দ্ৰুততম শতক অৰ্জন কৰা বেটছমেনৰ তালিকাত বহু বিস্ফোৰক নাম অন্তৰ্ভুক্ত কৰা হৈছে । এতিয়ালৈকে দ্ৰুততম শতক অৰ্জন কৰা শীৰ্ষ ৫ জন বেটছমেনৰ বিষয়ে জানক ।
এ বি ডি ভিলিয়াৰ্ছ (দক্ষিণ আফ্ৰিকা)– ৩১ বলত শতক
মেচ- দক্ষিণ আফ্ৰিকা বনাম ৱেষ্ট ইণ্ডিজ
স্থান- জোহান্সবাৰ্গ
এই মেচখনত এ বি ডি ভিলিয়েৰ্ছে এনে এক ইনিংছ খেলিছিল যিটো ক্ৰিকেট ইতিহাসে কেতিয়াও পাহৰিব নোৱাৰিব । তেওঁ ৩১টা বলত শতক অৰ্জন কৰি ৱেষ্ট ইণ্ডিজৰ বলাৰসকলক ভেঙুচালি কৰে । তেওঁৰ ১৪৯ ৰানৰ ইনিংছত ১৬টা ছয় আৰু ৯টা চাৰি আছিল । এয়া আজিলৈকে সৰ্বাধিক দ্ৰুত এদিনীয়া শতক ।
কেৰি এণ্ডাৰছন (নিউজিলেণ্ড) – ৩৬ বলত শতক
মেচ- নিউজিলেণ্ড বনাম ৱেষ্ট ইণ্ডিজ
স্থান- কুইন্সটাউন
২০১৪ চনৰ ১ জানুৱাৰীত ক্ৰিকেট ইতিহাসৰ অন্যতম আগ্ৰাসী ইনিংছৰ জৰিয়তে নতুন বছৰ আৰম্ভ হয় । এণ্ডাৰছনে ৩৬টা বলত অপৰাজিত ১৩১ ৰান সংগ্ৰহ কৰে, য’ত ১৪টা ছয় আৰু ৬টা চাৰি আছিল । তেওঁৰ উজ্জ্বল ইনিংছৰ বাবে এই অভিলেখ বহুদিন তেওঁৰ নামত থাকিল ।
শ্বাহিদ আফ্ৰিদি (পাকিস্তান) – ৩৭ বলত শতক
মেচ- পাকিস্তান বনাম শ্ৰীলংকা
স্থান- নাইৰোবি
পাকিস্তানী ক্ৰিকেটাৰ শ্বাহিদ আফ্ৰিদীয়ে ১৬ বছৰ বয়সত অভিষেক ঘটোৱাৰ সময়ত ৩৭টা বলত শতক অৰ্জন কৰি এক চাঞ্চল্যৰ সৃষ্টি কৰিছিল । তেওঁৰ এই অভিলেখ প্ৰায় ১৮ বছৰ ধৰি অক্ষত আছিল ।
গ্লেন মেক্সৱেল (অষ্ট্ৰেলিয়া) – ৪০ বলত শতক
মেচ- অষ্ট্ৰেলিয়া বনাম নেদাৰলেণ্ড
স্থান- দিল্লী
২০২৩ চনৰ এদিনীয়া বিশ্বকাপত ৪০টা বলত ১০৬ ৰান সংগ্ৰহ কৰি মেক্সৱেলে আলোড়নৰ সৃষ্টি কৰিছিল । তেওঁৰ ইনিংছত ৮টা ছয় আৰু ৯টা চাৰি আছিল । মেক্সৱেলৰ এই ইনিংছটো অষ্ট্ৰেলিয়াৰ আটাইতকৈ বিস্ফোৰক শতকসমূহৰ ভিতৰত গণ্য কৰা হয় ।
আছিফ খান (ইউ এ ই) – ৪১ বলত শতক
মেচ- ইউ এ ই বনাম নেপাল
স্থান- কীৰ্তিপুৰ
ইউ এ ইৰ আছিফ খানে এছ’চিয়েট নেশ্যনছ ক্ৰিকেটত এক ঐতিহাসিক ইনিংছ খেলিছিল । তেওঁ ৪১টা বলত অপৰাজিত ১০১ ৰান সংগ্ৰহ কৰে । ইয়াৰ ভিতৰত আছিল ১১টা ছয় আৰু ৪টা চাৰি । এই ইনিংছটোৱে দেখুৱাইছে যে এতিয়া এছ’চিয়েট নেচনেও আন্তঃৰাষ্ট্ৰীয় মঞ্চত নিজৰ শক্তি প্ৰদৰ্শন কৰিছে ।
লগতে পঢ়ক : পঞ্চম টেষ্টৰ পৰা বাহিৰ ঋষভ পন্ট; পৰৱৰ্তী মেচত কোনে ল’ব তেওঁৰ ঠাই ?
