পুনৰ পিছুৱালে Axiom-4 মিছনৰ উৎক্ষেপণ
আমেৰিকাৰ মহাকাশ সংস্থা নাছাই ২২ জুন দেওবাৰে অনুষ্ঠিত হ’বলগীয়া বহু চৰ্চিত Axiom-4 মিছনৰ উৎক্ষেপণৰ কাৰ্যসূচী পিছুৱাই দিছে।
NASA, Axiom Space আৰু SpaceX এ প্ৰস্তাৱিত Axiom-4 উৎক্ষেপণ পিছুৱাই দিয়াৰ সিদ্ধান্ত লৈছে। এতিয়া এই অভিযান অনাগত দিনত নতুন তাৰিখত আৰম্ভ কৰা হ’ব, যাৰ ঘোষণা শীঘ্ৰেই কৰিব।
NASA ই কৈছে যে, আন্তঃৰাষ্ট্ৰীয় মহাকাশ কেন্দ্ৰৰ (আই এছ এছ) ঝভেজডা সেৱা মডিউলৰ পিছফালে শেহতীয়াকৈ মেৰামতিৰ কামৰ পিছত, ষ্টেচনটোৰ বৰ্তমানৰ অৱস্থাৰ পৰ্যালোচনা কৰা হৈছে।
যিহেতু ISS ৰ সকলো ব্যৱস্থা গভীৰভাৱে আন্তঃসংযোগী, সেই কাৰণে NASA ই নিশ্চিত কৰিব বিচাৰিছে যে ষ্টেচনটোলৈ অতিৰিক্ত মহাকাশচাৰী পঠোৱাৰ আগতে সকলো ব্যৱস্থা সম্পূৰ্ণৰূপে সুৰক্ষিতভাৱে তৈয়াৰ হওক।
মহাকাশ কেন্দ্ৰত নতুন দলটোৰ সুৰক্ষা নিশ্চিত কৰা হৈছে!
NASA ই নিজৰ মন্তব্যত কৈছে যে, “আমি বিচাৰো যে মহাকাশ কেন্দ্ৰটোৱে যিকোনো নতুন দল নিৰাপদে গ্ৰহণ কৰিবৰ বাবে সম্পূৰ্ণৰূপে প্ৰস্তুত হওক। গতিকে আমি অতিৰিক্ত তথ্যসমূহ গভীৰভাৱে পৰীক্ষা কৰি আছো।”
ভাৰত, পোলেণ্ড আৰু হাংগেৰীৰ বাবে মিছন ঐতিহাসিক
এই অভিযান ভাৰত, পোলেণ্ড আৰু হাংগেৰীৰ দৰে দেশৰ বাবে ঐতিহাসিক বুলি গণ্য কৰা হয়। এই অভিযানত জড়িত চাৰিজন মহাকাশচাৰী বৰ্তমান ফ্ল’ৰিডাত কোৱাৰেণ্টাইনত আছে আৰু ষ্টেচনৰ পৰা গ্ৰীণ চিগনেল পোৱাৰ লগে লগে উৎক্ষেপণৰ বাবে সাজু হ’ব।
কেনেডি মহাকাশ কেন্দ্ৰত উৎক্ষেপণৰ বাবে সম্পূৰ্ণ প্ৰস্তুতি
SpaceX এ Falcon 9 ৰকেট আৰু Dragon স্পেচক্ৰাফ্টখন বৰ্তমান NASA ৰ কেনেডি মহাকাশ কেন্দ্ৰত লঞ্চ কমপ্লেক্স 39A ত উপস্থিত আছে আৰু কাৰিকৰীভাৱে সম্পূৰ্ণ সুস্থ।
NASA, Axiom Space আৰু SpaceX এ কৈছে যে, তেওঁলোকে এই অভিযানৰ সুৰক্ষাৰ ওপৰত অধিক গুৰুত্ব প্ৰদান কৰিছে, আৰু কাৰ্যকৰী প্ৰস্তুতিৰ সম্পূৰ্ণ পৰ্যালোচনাৰ পিছতহে ইয়াক আৰম্ভ কৰা হ’ব।
লগতে পঢ়ক: পুনৰ স্থগিত হ’ল শুভাংশু শুক্লাৰ মহাকাশ অভিযান; ২২ জুনৰ পূৰ্বে সম্ভৱ নহয় উৎক্ষেপণ
