প্ৰতিবাদকাৰীক উপহাস ডনাল্ড ট্ৰাম্পৰ
আমেৰিকাত ৰাষ্ট্ৰপতি ডনাল্ড ট্ৰাম্পৰ বিৰুদ্ধে ব্যাপক “নো কিংছ” প্ৰতিবাদত লাখ লাখ লোকে অংশগ্ৰহণ কৰিছে । ইফালে ট্ৰাম্পে প্ৰতিবাদকাৰীক উপহাস কৰি এ আইৰ দ্বাৰা নিৰ্মিত ভিডিঅ’ শ্বেয়াৰ কৰি ছ’চিয়েল মিডিয়াত বিতৰ্কৰ সৃষ্টি কৰিছে । ট্ৰাম্পে নিজৰ ব্যক্তিগত আৰু চৰকাৰী দুয়োটা ছ’চিয়েল মিডিয়া একাউণ্টতে এই এ আই ভিডিঅ’টো শ্বেয়াৰ কৰিছে ।
ট্ৰাম্পে শ্বেয়াৰ কৰা ক্লিপটোত তেওঁ “কিং ট্ৰাম্প” লেবেলযুক্ত যুঁজাৰু বিমান উৰুৱাই থকা দেখা গৈছে । জেটখনে টাইমছ স্কোৱাৰৰ ওপৰেৰে উৰি গৈছে আৰু তলৰ প্ৰতিবাদকাৰীৰ ওপৰত তৰল “স্লাইম” পেলাই দিয়া দেখা গৈছে । ভিডিঅ’টোত কেনি লগিন্সৰ “ডেঞ্জাৰ জ’ন” গীতটোও বেকগ্ৰাউণ্ডত বাজি থকা দেখা গৈছে, যিটো “টপ গান” ছবিসৰ স্পষ্ট উল্লেখ ।
উল্লেখ্য যে, লাখ লাখ নাগৰিকে “নো কিংছ”ৰ বেনাৰত প্ৰতিবাদ সাব্যস্ত কৰাৰ বিপৰীতে ডনাল্ড ট্ৰাম্পৰ সমৰ্থকসকলে এই প্ৰতিবাদৰ বিৰোধ কৰিছে । হাউছৰ অধ্যক্ষ মাইক জনছন আৰু অন্যান্য ৰিপাব্লিকান সাংসদসকলে এই প্ৰতিবাদসমূহক “আমেৰিকাক ঘৃণা কৰা” ৰেলী বুলি অভিহিত কৰাৰ বিপৰীতে পৰিবহণ সচিব শ্বেন ডাফীয়ে অংশগ্ৰহণকাৰীসকল হামাছ সমৰ্থক বা বিৰোধী এজেণ্ট বুলি মত প্ৰকাশ কৰি এই আন্দোলনটো ঘৰুৱা সন্ত্ৰাসৰ ভাবুকি বুলি উল্লেখ কৰিছে ।
ভিডিঅ’ পোষ্ট কৰে ট্ৰাম্পৰ সমৰ্থকে-
ট্ৰাম্পৰ সমৰ্থকসকলে এ আইৰ দ্বাৰা নিৰ্মিত ভিডিঅ’ শ্বেয়াৰ কৰা দেখা গৈছে য’ত উপ-ৰাষ্ট্ৰপতি জে ডি ভ্যান্সে এটা ভিডিঅ’ পোষ্ট কৰিছে য’ত ট্ৰাম্পে মুকুট আৰু কেপ পিন্ধি থকা দেখা গৈছে, আনহাতে নেন্সি পেলোছিৰ দৰে ডেম’ক্ৰেটিক নেতাই তেওঁৰ সন্মুখত আঁঠু লৈছে ।
ট্ৰাম্পৰ সৈতে জড়িত আন একাউণ্টসমূহেও মক টাইম আলোচনীৰ কভাৰ আৰু এ আই-জেনেৰেটেড ভিডিঅ’ প্ৰচাৰ কৰিছে য’ত তেওঁক ৰঙা মখমলত হোৱাইট হাউছৰ পৰা হাত জোকাৰি থকা দেখা গৈছে ।
লগতে পঢ়ক : ‘নো কিংছ’ : ৱাশ্বিংটনৰ পৰা লণ্ডনলৈ ট্ৰাম্পৰ বিৰুদ্ধে ৰাজপথ কঁপাইছে হাজাৰ হাজাৰ লোক
