মুকলি আকাশৰ তললৈ অহাৰ সপোন পূৰণ নহ’ল জুবিন গাৰ্গ হত্যাৰ মূল অভিযুক্ত সিদ্ধাৰ্থ শৰ্মাৰ। গুৱাহাটী উচ্চ ন্যায়ালয়ে শুকুৰবাৰে নাকচ কৰিলে জামিন আৱেদন।

গুৱাহাটী উচ্চ ন্যায়ালয়ে জুবিন গাৰ্গৰ মৃত্যুৰ গোচৰত অভিযুক্ত সিদ্ধাৰ্থ শৰ্মাৰ জামিন আৱেদন পুনৰ খাৰিজ কৰিছে। ন্যায়াধীশ মিতালী ঠাকুৰীয়াই এই আদেশ প্ৰদান কৰি সিদ্ধাৰ্থ শৰ্মাৰ জামিন আৱেদন নাকচ কৰে। সিদ্ধাৰ্থ শৰ্মাৰ জামিন আৱেদন নাকচ হোৱাৰ এয়া দ্বিতীয়টো ঘটনা।

ইয়াৰ পূৰ্বে ফাষ্ট ট্ৰেক আদালতেও তেওঁৰ জামিন আৱেদন খাৰিজ কৰিছিল।সিদ্ধাৰ্থৰ মহাবীৰ একুৱা আৰু বেংক একাউণ্ট খুলি দিয়াৰ সন্দৰ্ভত ২৪ জুলাইত পৰৱৰ্তী শুনানিৰ দিন ধাৰ্য কৰা হৈছে। বৰ্তমানৰ এই আদেশৰ পাছত, গোচৰটোৰ তদন্ত আৰু আইনী প্ৰক্ৰিয়া অব্যাহত থকাৰ পৰিপ্ৰেক্ষিতত সিদ্ধাৰ্থ শৰ্মা ন্যায়িক জিম্মাতে থাকিব লাগিব।

উল্লেখ্য যে, ১৯ ছেপ্টেম্বৰ, ২০২৫ তাৰিখে জুবিন গাৰ্গৰ মৃত্যু হোৱাৰ পাছত ১ অক্টোবৰ, ২০২৫ তাৰিখে সিদ্ধাৰ্থ শৰ্মাক গ্ৰেপ্তাৰ কৰা হৈছিল।

লগতে পঢ়ক: অসমত হ’ব বৃহৎ বিনিয়োগ! মুখ্যমন্ত্ৰী হিমন্ত বিশ্ব শৰ্মালৈ জাপানৰ ৰাষ্ট্ৰদূতৰ ফোন

আজি মুকলি আকাশৰ তললৈ আহিব নেকি জুবিন গাৰ্গ হত্যাকাণ্ডৰ অভিযুক্ত সিদ্ধাৰ্থ শৰ্মা। সিদ্ধাৰ্থ শৰ্মাৰ জামিন সন্দৰ্ভত আজি আদালতে দিব চূড়ান্ত ৰায়দান

আজি ফাষ্ট ট্ৰেক আদালতে দিব সিদ্ধাৰ্থ শৰ্মাৰ জামিনৰ শুনানিৰ ৰায়দান। ২৮ এপ্ৰিলত শুনানি সম্পন্ন কৰি আদালতে ৰায় সংৰক্ষিত কৰি ৰাখিছিল।কেইটামান ঘন্টাৰ পাছতে ৰায়দান দিব আদালতে। আজি জামিন লাভ কৰিলে মুকলি আকাশৰ তললৈ আহিব সিদ্ধাৰ্থ শৰ্মা। অৱশ্যে আবেদন নাকচ হ’লে জে’লেই হ’ব পৰৱৰ্তী ঠিকনা।আদালতে কি সিদ্ধান্ত লয় তাকে লৈ এতিয়া সকলোৰে চকু এতিয়া আদালতৰ ৰায়ৰ ওপৰত নিৱদ্ধ হৈ আছে।

জুবিন গাৰ্গ হত্যা কাণ্ডৰ সৈতে জড়িত সিদ্ধাৰ্থ শৰ্মা বৰ্তমান বাক্সাৰ নিকাছী কাৰাগাৰত বন্দী হৈ আছে।ইতিমধ্যে সিদ্ধাৰ্থ শৰ্মাৰ মহাবীৰ একুৱা আৰু বিভিন্ন বেংকৰ ৬টা একাউণ্ট জব্দৰ নিৰ্দেশো দিছিল ফাষ্টট্ৰেক আদালতে।

লগতে পঢ়ক: তুমিও নিজেই নিজক চাবা গ’ল্ডী.. শ্যামকানুৰ জামিন আৱেদন খাৰিজৰ পিছত গৰিমাৰ আৱেগিক পোষ্ট