কলকাতাৰ আৰজিকৰ মেডিকেল কলেজৰ চিকিৎসকক ধৰ্ষণ আৰু হত্যাৰ ঘটনাক লৈ এটা গুৰুত্বপূৰ্ণ খবৰ আহিছে।

চিবিআইয়ে সঞ্জয় ৰয়ক দোষী সাব্যস্ত কৰা বিচাৰ আদালতৰ সিদ্ধান্তৰ বিৰুদ্ধে মৃত্যুদণ্ড দিবলৈ উচ্চ ন্যায়ালয়ত আপীল কৰিছে।

কলকাতাৰ শিয়ালদাহ আদালতে শনিবাৰে সঞ্জয় ৰয়ক দোষী সাব্যস্ত কৰিছিল আৰু সোমবাৰে তেওঁক যাৱজ্জীৱন কাৰাদণ্ড প্ৰদান কৰিছিল।

আদালতে কৈছিল যে দোষী সঞ্জয় ৰয়ে তেওঁৰ মৃত্যু পৰ্যন্ত কাৰাগাৰত থাকিব লাগিব। আদালতে তেওঁৰ ওপৰত ৫০,০০০ টকাৰ জৰিমনাও আৰোপ কৰিছিল।

ন্যায়াধীশে ৰাজ্য চৰকাৰক ভুক্তভোগীৰ পৰিয়ালক ১৭ লাখ টকাৰ ক্ষতিপূৰণ পৰিশোধ কৰিবলৈও নিৰ্দেশ দিছিল।

আদালতে সঞ্জয়ক ১৮ জানুৱাৰীত দোষী সাব্যস্ত কৰিছিল। ঘটনাটোৰ ১৬৪ তম দিনা (২০ জানুৱাৰী) শাস্তি সন্দৰ্ভত ১৬০ পৃষ্ঠাৰ ৰায় ঘোষণা কৰা হয়।চিবিআই আৰু ভুক্তভোগীৰ পৰিয়ালে মৃত্যুদণ্ড বিচাৰিছিল।

সঞ্জয়ৰ পৰিয়ালে কৈছিল – আনকি তেওঁক ফাঁচী দিয়া হ’লেও। আমি ৰায়টোৰ বিৰুদ্ধে আপীল নকৰো। সঞ্জয়ৰ মাতৃয়ে কৈছিল যে মই সেই ছোৱালীজনীৰ মাক-দেউতাকৰ বেদনা বুজি পাওঁ, কাৰণ  মোৰো ছোৱালী আছে।

কিন্তু শিয়ালদাহ আদালতৰ ৰায়ত সুখী নহয় চিবিআই। যাৰ বাবে সঞ্জয় ৰয়ৰ ফাঁচীৰ দাবীত উচ্চ ন্যায়ালয়ত আপীল কৰিছে।