দিল্লীৰ ঘটনাৰ অভিযোক্ত উমৰ খালিদ আৰু শ্বাৰ্জিল ইমামৰ জামিন আবেদন খাৰিজ উচ্চতম ন্যায়ালয়ৰ।

২০২০ চনৰ দিল্লী দাঙ্গা ষড়যন্ত্ৰৰ গোচৰত অভিযুক্ত ছাত্ৰ কৰ্মী উমৰ খালিদ আৰু শ্বাৰ্জিল ইমামৰ জামিন আবেদন সোমবাৰে উচ্চতম ন্যায়ালয়ে নাকচ কৰে।

উচ্চতম ন্যায়ালয়ে এই কথাত গুৰুত্ব আৰোপ কৰে যে ৰাষ্ট্ৰীয় নিৰাপত্তা আৰু জনশৃংখলা ব্যৱস্থাৰ বিবেচনা,বিচাৰ আৰম্ভ হোৱাৰ আগতে অভিযুক্তক দীৰ্ঘদিন কাৰাগাৰত ৰখাতকৈ বিষয়বোৰ বহুত বেছি গুৰুত্বপূৰ্ণ।

একে সময়তে আদালতে আন পাঁচজন অভিযুক্ত গুলফিছা ফাতিমা, মীৰাণ হাইদৰ, শ্বিফা উৰ ৰেহমান, মহম্মদ চেলিম খান আৰু ছাদাব আহমেদৰ জামিন মঞ্জুৰ কৰিছে।ন্যায়াধীশ অৰবিন্দ কুমাৰ আৰু এন ভি আঞ্জৰীয়াৰে গঠিত বিচাৰপীঠে ৰায়দান কৰে।

শুনানিৰ সময়ত উচ্চতম ন্যায়ালয়ে অভিযুক্ত উমৰ খালিদ আৰু শ্বাৰ্জিল ইমামৰ বিৰুদ্ধে পৰ্যাপ্ত প্ৰমাণ দি জামিন দিবলৈ অস্বীকাৰ কৰে।

ৰায়দানৰ পিছত এতিয়া দুয়োজন ছাত্ৰ কৰ্মী জেলত থাকিব আৰু বাকী অভিযুক্তক জামিনত মুকলি কৰি দিয়া হ’ব।

বিচাৰত পলম হোৱা আৰু তেওঁলোকৰ বিৰুদ্ধে সুনিৰ্দিষ্ট প্ৰমাণৰ অভাৱৰ কথা উল্লেখ কৰি অভিযুক্তসকলে জামিন বিচাৰিছিল।

শুনানিৰ সময়ত আদালতে স্পষ্ট কৰি দিয়ে যে ইউএপিএৰ ধাৰা ৪৩ডি(৫)ৰ অধীনত জামিনৰ কঠোৰ ব্যৱস্থা আছে। উল্লেখ্য যে, এই আটাইকেইজন অভিযুক্তই দিল্লী উচ্চ ন্যায়ালয়ৰ নিৰ্দেশক প্ৰত্যাহ্বান জনাইছিল,য’ত তেওঁক বেআইনী কাৰ্যকলাপ (প্ৰতিৰোধ) আইন (ইউএপিএ)ৰ অধীনত জামিনৰ পৰা বঞ্চিত কৰা হৈছিল।

লগতে পঢ়ক: ‘যদি একনায়কত্ববাদীসকলৰ সৈতে এনেদৰে…’; মাদুৰোক গ্ৰেপ্তাৰ কৰাৰ পিছত জেলেনস্কিৰ প্ৰথম প্ৰতিক্ৰিয়া