ফুটবল জগতৰ সৰ্বকালৰ শ্ৰেষ্ঠ খেলুৱৈ লিয়েনেল মেছি আৰু আজিৰ উদীয়মান তাৰকা লামিন য়ামালৰ এই যাত্ৰাটো কেৱল খেল নহয়

সময় সঁচাকৈয়ে বৰ আচৰিত! ১৯ বছৰৰ পূৰ্বৰ এটা পুৰণি ফটোশ্বুট যে এদিন ফুটবল ইতিহাসৰ আটাইতকৈ আৱেগিক আৰু ৰোমাঞ্চকৰ মুখামুখিৰ কাৰণ হৈ পৰিব, কোনেও ভবা নাছিল ।

ফুটবল জগতৰ সৰ্বকালৰ শ্ৰেষ্ঠ খেলুৱৈ লিয়েনেল মেছি আৰু আজিৰ উদীয়মান তাৰকা লামিন য়ামালৰ এই যাত্ৰাটো কেৱল খেল নহয়, যেন এক ভাগ্যৰ খেল!

নীলা বাথটাবৰ সেই মুহূৰ্তটো

২০০৭ চনৰ ডিচেম্বৰ মাহ । তেতিয়া লিয়েনেল মেছিৰ বয়স মাত্ৰ ২০ বছৰ, বাৰ্চিলোনাৰ এজন উদীয়মান জিলিকি উঠা তৰা । আনফালে, স্পেইনৰ কেটালোনিয়াৰ এটা সাধাৰণ পৰিয়ালৰ মাত্ৰ ৬ মহীয়া এটা কেঁচুৱা- নাম তেওঁৰ লামিন য়ামাল ।

Diario Sport আৰু UNICEFৰ এটা চেৰিটি ৰেফেল জিকি য়ামালৰ পৰিয়ালে সুযোগ পাইছিল বাৰ্চিলোনাৰ ড্ৰেছিং ৰুমত মেছিক লগ কৰাৰ । সেইদিনা ২০ বছৰীয়া মেছিয়ে এটা নীলা প্লাষ্টিকৰ বাথটাবত থকা ৬ মহীয়া য়ামালক নিজৰ কোলাত তুলি লৈ অতি মৰমেৰে গা ধুৱাই দিছিল । মেছিয়ে চাগে সপোনতো ভবা নাছিল যে তেওঁৰ কোলাত হাঁহি থকা এই নিষ্পাপ কেঁচুৱাটোৱেই ১৯ বছৰৰ পিছত তেওঁৰ আৰু সমগ্ৰ আৰ্জেণ্টিনা দলটোৰ বিশ্বকাপ জয়ৰ সপোনৰ সন্মুখত আটাইতকৈ ডাঙৰ প্ৰাচীৰ হৈ থিয় দিব!

য়ামালৰ পিতৃয়ে পিছলৈ ইনষ্টাগ্ৰামত এই ছবিখন শ্বেয়াৰ কৰি বৰ ধুনীয়াকৈ লিখিছিল- “দুজন লেজেণ্ডৰ আৰম্ভণি”। সঁচাকৈ, সেইয়া আছিল এক ইতিহাসৰ সূচনা।

১৯ জুলাইৰ সেই মহাৰণ

১৯ জুলাই ২০২৬, নিউ জাৰ্চীৰ ফুটবল খেলপথাৰ । সমগ্ৰ বিশ্ব থিয় হৈ ৰ’ব এক ঐতিহাসিক মুহূৰ্তৰ সাক্ষী হ’বলৈ ।

এফালে ৩৯ বছৰীয়া লিয়েনেল মেছি: ফুটবল জগতৰ সম্ৰাট, যিয়ে নিজৰ কেৰিয়াৰৰ শেষৰ ফালে থিয় হৈও এতিয়াও অনবদ্য ফৰ্মত আছে । নিজৰ দেশক একেৰাহে দ্বিতীয়বাৰৰ বাবে বিশ্ব চেম্পিয়ন কৰাৰ আৰু কেতিয়াও নোপোৱা ‘গোল্ডেন বুট’ বুটলি লোৱাৰ শেষ সুযোগ তেওঁৰ হাতত ।

আনফালে ১৯ বছৰীয়া লামিন য়ামাল: ইউৰোপীয় চেম্পিয়ন স্পেইনৰ নতুন আশাৰ প্ৰতীক । যিজন ল’ৰাই মেছিৰ পুৰণি ক্লাব বাৰ্চিলোনাৰ জৰিয়তেই ডাঙৰ হৈছে, তেওঁও বিশ্বজয়ৰ যুঁজত নামিব ।

লগতে পঢ়ক : ছেমি ফাইনেলত জয়লাভৰ পিছতে বিতৰ্কত আৰ্জেণ্টিনা!