ভাৰতীয় ৰেলৱেই শীঘ্ৰেই আনিব এক বৃহৎ পৰিৱর্তন… যাত্ৰা সুৰক্ষিত কৰাৰ বাবে ঐতিহাসিক সিদ্ধান্ত
যাত্ৰা সুৰক্ষিত কৰাৰ বাবে ভাৰতীয় ৰেলৱেই শীঘ্ৰেই ল’ব এক ঐতিহাসিক সিদ্ধান্ত
ভাৰতীয় ৰেলৱেই তৎকাল টিকট বুকিং ব্যৱস্থাত নতুন নিয়ম প্ৰৱৰ্তন কৰিবলৈ সাজু হৈছে। খুব সোনকালে সমগ্ৰ দেশৰ ৰিজাৰ্ভেচন কাউণ্টাৰসমূহত অ’টি’পি (OTP) ভিত্তিক তৎকাল বুকিং বাধ্যতামূলক হ’ব। ৰেলৱে ইতিমধ্যে পাইলট প্ৰকল্প আৰম্ভ কৰি চূড়ান্ত পৰ্যায়লৈ আগবাঢ়িছে ।
এই সুবিধাটো সাধাৰণ ব্যৱহাৰকাৰীৰ বাবে অধিক সুবিধাজনক আৰু সুৰক্ষিত কৰি তুলিবলৈ ভাৰতীয় ৰেলৱেই অ’ টি পি ভিত্তিক তৎকাল ৰিজাৰ্ভেচনক ব্যৱস্থাৰ প্ৰস্তাৱ আগবঢ়াইছিল। যিদৰে ব্যৱহাৰকাৰী প্ৰমাণীকৰণ বা বিভিন্ন লেনদেনৰ বাবে অ’ টি পি ভেৰিফিকেচন কৰা হয়, ৰে’লৱেয়ো তৎকাল ৰিজাৰ্ভেচন ফৰ্মত থকা ফোন নম্বৰলৈ অ’ টি পি প্ৰেৰণ কৰিব আৰু ভেৰিফিকেচনৰ পিছতহে টিকট নিশ্চিত কৰিব ।
চলিত বছৰৰ জুলাইত Online তৎকাল টিকট বুকিঙত আধাৰ-ভিত্তিক Authentication আৰম্ভ হয়।তাৰ পিছত ২০২৫ৰ অক্টোবৰ মাহত সাধাৰণ ৰিজাৰ্ভেচনতো OTP-ভিত্তিক অনলাইন প্ৰমাণীকৰণ প্ৰৱৰ্তন কৰা হয়। দুয়োটা পৰিৱর্তনেই যাত্ৰীসকলে ভালকৈ গ্রহণ কৰাৰ পিছতই, ৰেলৱে Offline Counter Booking-তো এই ব্যৱস্থা আনিবলৈ সিদ্ধান্ত লয় ।
১৭ নৱেম্বৰত ৰেলৱেই তৎকাল ৰিজাৰ্ভেচন কাউন্টাৰত OTP ভিত্তিক হিচাপত পাইলট প্ৰকল্প আৰম্ভ কৰে। এতিয়ালৈকে ৫২টা ৰেলৱে ষ্টেচনত এই ব্যৱস্থা সফলভাৱে কাম কৰি আছে ।
ৰেলৱেৰ সূত্ৰ অনুসৰি খুব সোনকালে দেশৰ বাকী সকলো ৰিজাৰ্ভেচন কাউণ্টাৰতো এই ব্যৱস্থা সম্পূৰ্ণৰূপে কার্যকৰী হ’ব ।
এই সুবিধা অনুসৰি তৎকাল সুবিধাৰ অপব্যৱহাৰ ৰোধ কৰা, দালাল-চক্রৰ পৰা সাধাৰণ লোকক মুক্তি দিয়া আৰু প্ৰকৃত যাত্ৰীসকলক অধিক স্বচ্ছ, সুৰক্ষিত আৰু নিৰ্বিঘ্নে টিকট বুকিঙৰ সুবিধা প্ৰদান কৰাই হৈছে এই পদক্ষেপৰ মূল লক্ষ্য ।
এই নতুন নিয়মে তৎকাল বুকিঙক অধিক পৰিচ্ছন্ন, সুৰক্ষিত আৰু দালালমুক্ত কৰি তুলিব বুলি ৰেলৱে আশা প্ৰকাশ কৰিছে ।
লগতে পঢ়ক : ২০২৭ৰ লোকপিয়লত আনিব সম্পূৰ্ণ নতুন পদ্ধতি, গৃহ মন্ত্ৰালয়ৰ সদৰী