বৰ্ষাকালীন অধিৱেশনৰ পূৰ্বে আজি চৰকাৰে আহ্বান কৰিছে সৰ্বদলীয় বৈঠক

সংসদৰ আগন্তুক বৰ্ষাকালীন অধিৱেশনৰ পূৰ্বে দেওবাৰে সৰ্বদলীয় বৈঠক আহ্বান কৰিছে চৰকাৰে । এই বৈঠকত চৰকাৰে সংসদৰ দুয়োটা সদনৰ কাম-কাজ সুচাৰুৰূপে চলোৱাৰ বাবে সকলো ৰাজনৈতিক দলৰ পৰা সহযোগিতা বিচাৰিব । কেন্দ্ৰীয় সংসদীয় পৰিক্ৰমা মন্ত্ৰী কিৰেন ৰিজিজুৱে সৰ্বদলীয় বৈঠকৰ অধ্যক্ষতা কৰিব ।

সংসদীয় পৰিক্ৰমা মন্ত্ৰী কিৰেন ৰিজিজুৱে কয় যে সংসদত উত্থাপন হ’বলগীয়া গুৰুত্বপূৰ্ণ বিষয়সমূহৰ ওপৰত আলোচনা কৰিবলৈ চৰকাৰ সম্পূৰ্ণ প্ৰস্তুত । বৰ্ষাকালীন অধিৱেশনত বহু গুৰুত্বপূৰ্ণ বিধেয়ক আলোচনা কৰি গৃহীত হোৱাৰ সম্ভাৱনা আছে বুলিও তেওঁ কয় । পুৱা ১১ বজাত সংসদ ভৱন এনেক্সৰ মূল সমিতি কক্ষত অনুষ্ঠিত হ’ব এই বৈঠক । ২১ জুলাইৰ পৰা আৰম্ভ হ’বলগীয়া এই বৰ্ষাকালীন অধিবেশন ২১ আগষ্টলৈকে চলিব, য’ত মুঠ ২১খন বৈঠক অনুষ্ঠিত হ’ব । মন কৰিবলগীয়া যে ১২ আগষ্টৰ পৰা ১৮ আগষ্টৰ ভিতৰত কোনো বৈঠকৰ দিন ধাৰ্য কৰা হোৱা নাই ।

এই পৰম্পৰাগত অধিৱেশনৰ পূৰ্বৰ বৈঠকৰ লক্ষ্য হৈছে আগন্তুক বৰ্ষাকালীন অধিৱেশনৰ সময়ত লোকসভা আৰু ৰাজ্যসভাৰ মসৃণ আৰু উৎপাদনশীল কাম-কাজ সুনিশ্চিত কৰিবলৈ সকলো ৰাজনৈতিক দলৰ মাজত সহযোগিতা আৰু সমন্বয় বৃদ্ধি কৰা । সংসদৰ সকলো ডাঙৰ ৰাজনৈতিক দলৰ নেতাসকলক এই বৈঠকত অংশগ্ৰহণ কৰিবলৈ আমন্ত্ৰণ জনোৱা হৈছে । এই আদান-প্ৰদানৰ সময়ত কেন্দ্ৰীয় চৰকাৰে নিজৰ বিধানসভাৰ কাৰ্যসূচী দাখিল কৰিব আৰু অধিবেশনত আলোচনা হ’বলগীয়া মূল বিষয়সমূহৰ ওপৰত একমত গঢ়ি তুলিবলৈ চেষ্টা কৰিব ।

ইয়াৰ পূৰ্বে সংবাদ মাধ্যমক সম্বোধন কৰি মন্ত্ৰী ৰিজিজুৱে কয় যে গুৰুত্বপূৰ্ণ ৰাষ্ট্ৰীয় বিষয় আৰু বাকী থকা বিধেয়কসমূহৰ বিষয়ে আলোচনা কৰিবলৈ চৰকাৰ সম্পূৰ্ণ প্ৰস্তুত । তেওঁ ক’লে, সংসদ আৰম্ভ হ’বলৈ ওলাইছে । সংসদত যি বিষয় আহিব আমি শুনিম । কালি খৰ্গে জী আৰু ৰাহুল জীৰ লগত বহুত ভাল বৈঠক হৈছিল । অন্য বিৰোধী দলৰ নেতাৰ লগত নিয়মীয়াকৈ বৈঠকত মিলিত হৈ থাকোঁ ৷ সংসদীয় মন্ত্ৰী হোৱাৰ বাবে সকলোৰে সৈতে সমন্বয় বজাই ৰখাটো মোৰ দায়িত্ব ।

কেন্দ্ৰীয় চৰকাৰে সোমবাৰৰ পৰা আৰম্ভ হ’বলগীয়া বৰ্ষাকালীন অধিবেশনত মুঠ আঠখন নতুন বিধেয়ক উত্থাপন কৰাৰ পৰিকল্পনা কৰিছে, য’ত ভূ-ঐতিহ্য ক্ষেত্ৰ আৰু ভূ-অৱশিষ্টৰ সংৰক্ষণ আৰু সুৰক্ষাৰ সৈতে জড়িত এখন বিধেয়ক আছে । এই অধিবেশনৰ বাবে প্ৰস্তাৱিত বিধেয়কসমূহৰ ভিতৰত আছে ৰাষ্ট্ৰীয় ক্ৰীড়া প্ৰশাসন বিধেয়ক, ভূ-ঐতিহ্য ক্ষেত্ৰ আৰু ভূ-অৱশিষ্ট (সংৰক্ষণ আৰু ৰক্ষণাবেক্ষণ) বিধেয়ক, খনি আৰু খনিজ (উন্নয়ন আৰু নিয়ন্ত্ৰণ) সংশোধনী বিধেয়ক আৰু ৰাষ্ট্ৰীয় এণ্টি ডপিং (সংশোধনী) বিধেয়ক ।

লগতে পঢ়ক : ব্ৰিটেইন আৰু মালদ্বীপলৈ যাব প্ৰধানমন্ত্ৰী মোদী; বাণিজ্যিক চুক্তিত লাগিব মোহৰ

২১ জুলাইৰ পৰা ২১ আগষ্টলৈ চলিব সংসদৰ বৰ্ষাকালীন অধিৱেশন

২১ জুলাইৰ পৰা আৰম্ভ হ’ব সংসদৰ বৰ্ষাকালীন অধিৱেশন । ২১ আগষ্টলৈকে চলিব এই অধিৱেশন । এই তথ্য বুধবাৰে প্ৰদান কৰে সংসদীয় পৰিক্ৰমা মন্ত্ৰী কিৰেন ৰিজিজুৱে । পূৰ্বে ১২ আগষ্টত অধিৱেশন সমাপ্ত হ’বলগীয়া আছিল যদিও এতিয়া এসপ্তাহৰ বাবে বৃদ্ধি কৰা হৈছে । পহলগাম আক্ৰমণৰ পিছত চলি থকা এই সংসদ অধিৱেশন অতি উত্তাল হোৱাৰ সম্ভাৱনা আছে ।

কেন্দ্ৰীয় মন্ত্ৰী কিৰেন ৰিজিজুৱে মঙলবাৰে সামাজিক মাধ্যমত যে ভাৰতৰ ৰাষ্ট্ৰপতি দ্ৰৌপদী মুৰ্মুৱে ২০২৫ চনৰ ২১ জুলাইৰ পৰা ২১ আগষ্টলৈ সংসদৰ বৰ্ষাকালীন অধিৱেশন আহ্বান কৰিবলৈ চৰকাৰৰ প্ৰস্তাৱত অনুমোদন জনাইছে । কিন্তু স্বাধীনতা দিৱস উদযাপনৰ কথা মনত ৰাখি ১৩ আৰু ১৪ আগষ্টত কোনো বৈঠক অনুষ্ঠিত নহয় ।

তিনিমাহতকৈ অধিক সময়ৰ ব্যৱধানৰ অন্তত ২১ জুলাইৰ পুৱা ১১ বজাত দুয়োটা সংসদ সদনৰ বৈঠক অনুষ্ঠিত হোৱাৰ কথা । ইয়াৰ পূৰ্বে ৰিজিজুৱে সংবাদ মাধ্যমৰ আগত কয় যে প্ৰতিৰক্ষা মন্ত্ৰী ৰাজনাথ সিঙৰ নেতৃত্বত গঠিত সংসদীয় পৰিক্ৰমা কেবিনেট কমিটীয়ে এই তাৰিখৰ পৰামৰ্শ দিছিল । তেওঁ কয় যে ৰাষ্ট্ৰপতিয়ে এই পৰামৰ্শত অনুমোদন জনাইছে । এই অধিৱেশনত বহু গুৰুত্বপূৰ্ণ বিধেয়ক আৰু বিষয় আলোচনা হোৱাৰ সম্ভাৱনা আছে ।

অপাৰেচন সিন্দুৰৰ পিছৰ এই প্ৰথম অধিবেশন উত্তাল হোৱাৰ সম্ভাৱনা আছে । আগন্তুক অধিৱেশনৰ সময়ত এলাহাবাদ উচ্চ ন্যায়ালয়ৰ ন্যায়াধীশ যশৱন্ত বাৰ্মাৰ বিৰুদ্ধেও মহাভিযোগ দাখিলৰ প্ৰস্তাৱ অনাৰ প্ৰস্তুতি চলোৱা হৈছে । সংসদীয় পৰিক্ৰমা মন্ত্ৰী কিৰেন ৰিজিজুক ন্যায়াধীশ যশৱন্ত বাৰ্মাৰ বিৰুদ্ধে মহাভিযোগ প্ৰক্ৰিয়া আৰম্ভ কৰাৰ সন্দৰ্ভত বিৰোধী দলসমূহৰ সৈতে আলোচনাৰ দায়িত্ব দিয়া হৈছে ।

লগতে পঢ়ক : ৰাষ্ট্ৰীয় ক্ৰীড়া নীতি ২০২৫ত অনুমোদন কেবিনেটৰ; হ’ব এইসমূহ ঐতিহাসিক পৰিৱৰ্তন