ভাৰতৰ সৈতে বিবাদৰ মাজতে বাংলাদেশ ক্ৰিকেট ব’ৰ্ডত হাহাকাৰ পৰিস্থিতিৰ সৃষ্টি হৈছে। বিত্ত সমিতিৰ মুৰব্বী পদৰ পৰা নাজমুল ইছলামক অপসাৰণ বাংলাদেশ ক্ৰিকেট বৰ্ডৰ

ভাৰত বাংলাদেশৰ মাজত টি ২০ বিশ্বকাপৰ স্থানক লৈ চলি থকা বিতৰ্কৰ মাজতে বাংলাদেশ ক্ৰিকেট বৰ্ডে এক ডাঙৰ সিদ্ধান্ত গ্ৰহণ কৰিছে।

বাংলাদেশ ক্ৰিকেট বৰ্ডে তাৎক্ষণিকভাৱে কাৰ্যকৰী হোৱাকৈ নাজমুল ইছলামক বিত্ত সমিতিৰ অধ্যক্ষ পদৰ পৰা অব্যাহতি দিয়া হৈছে।

দৰাচলতে বাংলাদেশ ক্ৰিকেট ব’ৰ্ডৰ সঞ্চালক নাজমুল ইছলামে এটা বিতৰ্কিত বক্তব্য দিছিল,য’ত তেওঁ তমিম ইকবালক ভাৰতীয় এজেণ্ট বুলি অভিহিত কৰিছিল।এতিয়া ইয়াৰ পিছত বাংলাদেশ ক্ৰিকেট ব’ৰ্ডে তেওঁৰ বিৰুদ্ধে বৃহৎ ব্যৱস্থা গ্ৰহণ কৰিছে।

এই সিদ্ধান্ত বিচিবিৰ সভাপতিয়ে সংস্থাটোৰ স্বাৰ্থত গ্ৰহণ কৰিছে,যাতে বাংলাদেশ ক্ৰিকেট ব’ৰ্ডৰ কাম-কাজত কোনো বাধা নাথাকে আৰু প্ৰশাসনিক প্ৰক্ৰিয়া সুচাৰুৰূপে চলি থাকে।

বিচিবিয়ে স্পষ্ট কৰি দিছে যে,এই সিদ্ধান্ত বাংলাদেশ ক্ৰিকেট ব’ৰ্ডৰ সংবিধানৰ ৩১ নং অনুচ্ছেদৰ অধীনত অধ্যক্ষক দিয়া ক্ষমতা অনুসৰি লোৱা হৈছে।

ইয়াৰ উদ্দেশ্য হৈছে বাংলাদেশ ক্ৰিকেট ব’ৰ্ডৰ কাম-কাজ ফলপ্ৰসূ আৰু শৃংখলাবদ্ধভাৱে পৰিচালনা কৰা।পৰৱৰ্তী জাননী নিদিয়ালৈকে বিচিবিৰ সভাপতিয়ে নিজেই বিত্ত সমিতিৰ ভাৰপ্ৰাপ্ত অধ্যক্ষ হিচাপে কাৰ্যনিৰ্বাহ কৰিব।

খেলুৱৈসকলৰ স্বাৰ্থই তেওঁলোকৰ সৰ্বোচ্চ অগ্ৰাধিকাৰ বুলিও ব’ৰ্ডে পুনৰ কয়।বিচিবি সকলো খেলুৱৈৰ সন্মান, মৰ্যাদা আৰু অধিকাৰ ৰক্ষাৰ বাবে সম্পূৰ্ণ প্ৰতিশ্ৰুতিবদ্ধ।

বিচিবিয়ে  এই প্ৰত্যাহ্বানমূলক সময়ছোৱাত সকলো ক্ৰিকেটাৰক উচ্চ পৰ্যায়ৰ পেছাদাৰী দায়বদ্ধতা আৰু অনুশাসন বজাই ৰাখিবলৈ আহ্বান জনাইছে ।

লগতে পঢ়ক: ‘ভগৱানৰ ওচৰত কৃতজ্ঞ, আশা কৰাতকৈ বেছি দিছে…’; জয়ৰ পিছত বিৰাট কোহলীৰ আৱেগিক মন্তব্য