একাংশ অনুৰাগীৰ কাণ্ডৰ বাবেই জুবিনক্ষেত্ৰত দিব লগা হ’ল SOP

জুবিনক্ষেত্ৰক লৈ জাৰি হ’ল SOP। দৰ্শনাৰ্থীৰ বাবে বান্ধি দিয়া হ’ল সময়সীমা। এতিয়াৰে পৰা পুৱা ৬ বজাৰ পৰা ১০ বজালৈকে খোলা থাকিব জুবিনক্ষেত্ৰ।

সুৰাপান কৰি যোৱা দৰ্শনাৰ্থীৰ প্ৰৱেশত থাকিব বাধা। হাতত যিটি সামগ্ৰী লৈও প্ৰৱেশ কৰিবলৈ দিয়া নহ’ব জুবিনক্ষেত্ৰত।

এই SOP ক লৈ মুখ্যমন্ত্ৰী ড০ হিমন্ত বিশ্ব শৰ্মাই কয় যে,একাংশ জুবিন অনুৰাগীৰ কাণ্ডৰ বাবেই জুবিনক্ষেত্ৰত দিব লগা হ’ল SOP।

এতিয়াৰে পৰা জুবিনক্ষেত্ৰত বন্ধ হ’ল সুৰাপান তাৰ লগতে সুৰা সেৱন কৰি যোৱা লোকসকলৰো প্ৰৱেশ বন্ধ কৰা হৈছে।

ইয়াৰ বাবে কামৰূপ উপায়ুক্তক কঠোৰ হোৱাৰ পৰামৰ্শ দিয়া হৈছে। জুবিনক্ষেত্ৰক এটা ব্যৱস্থিত ৰূপলৈ অনাৰ বাবে চৰকাৰৰ প্ৰচেষ্টা লৈছে।  

তেওঁ লগতে কয় যে, জুবিন গাৰ্গক মদৰ লগত সাঙুৰ খোৱাব নালাগে।১০০ বছৰ পিছতো জুবিনৰ ইমেজ সমাজত ভাল হৈ থাকিব লাগিব।

জুবিন গাৰ্গক সাংস্কৃতিক আৰু জাতিৰ সম্পদ হিচাপে ৰাখিব লাগিব। ১০০ বছৰ পিছত যাতে কোনেও ক’ব নোৱাৰে যে জুবিন গাৰ্গৰ মদৰ লগত সম্পৰ্ক আছিল।

কাৰণ জুবিন গাৰ্গে ২৪ ঘণ্টাই মদ খাই নাথাকিছিল।একাংশই সোণাপুৰত গৈ ভুল ধাৰণা এটা সৃষ্টি কৰি আছে। এইবোৰ কাৰণতে চৰকাৰে কঠোৰ সিদ্ধান্ত এটা ল’বলগা হ’ল।

লগতে পঢ়ক: মন গ’লেই যাব নোৱাৰিব জুবিন গাৰ্গ ক্ষেত্ৰলৈঃ জাৰি হ’ল নিয়মাৱলী