ইজৰাইল আৰু ছিৰিয়াৰ মাজত যুদ্ধবিৰতি ঘোষণা

শনিবাৰে পুৱাই ছিৰিয়া আৰু ইজৰাইলৰ মাজত এক গুৰুত্বপূৰ্ণ যুদ্ধবিৰতি চুক্তি হৈছে। এই চুক্তিৰ কথা আমেৰিকাৰ ৰাষ্ট্ৰদূত টম বেৰেকে ঘোষণা কৰিছে।

দক্ষিণ ছিৰিয়াৰ ছুৱায়দা প্ৰদেশত ড্ৰুজ সংখ্যালঘু আৰু বেদুইন জনগোষ্ঠীৰ মাজত চলি থকা হিংসাত্মক সংঘৰ্ষৰ পিছত এই চুক্তি কৰা হৈছে। এই সংঘৰ্ষত শ শ লোক নিহত হোৱাৰ লগতে হাজাৰ হাজাৰ লোক গৃহহীন হৈ পৰে।

এই চুক্তিখনে তুৰ্কি, জৰ্ডান আৰু অন্যান্য চুবুৰীয়া দেশৰ সমৰ্থন লাভ কৰিছে, যিয়ে অঞ্চলটোত শান্তি আৰু প্ৰগতিৰ আশাৰ সৃষ্টি কৰিছে।

টম বেৰেকে ছ’চিয়েল প্লেটফৰ্ম এক্সত কৈছে যে, ‘ড্ৰুজ, বেডুইন আৰু চুন্নী সম্প্ৰদায়ক অস্ত্ৰ-শস্ত্ৰ এৰি আন সংখ্যালঘুৰ সৈতে যোগ দি এখন নতুন, সংযুক্ত ছিৰিয়া নিৰ্মাণ কৰক, যিয়ে ওচৰ-চুবুৰীয়াৰ লগত শান্তি আৰু সমৃদ্ধিৰে জীয়াই থাকে।’

তেওঁ অৱশ্যে চুক্তিখনৰ সবিশেষ সন্দৰ্ভত বিতংভাৱে কোৱা নাই।দেওবাৰৰ পৰা ছুৱেইদাত ড্ৰুজ মিলিচীয়া আৰু স্থানীয় চুন্নী বেদুইন জনগোষ্ঠীৰ মাজত সংঘৰ্ষ চলি আছিল ইয়াৰ পিছত ছিৰিয়াৰ সেনাই শান্তি পুনৰুদ্ধাৰৰ নামত ইয়াৰ মাজত জপিয়াই পৰে যদিও ইয়াক বেদুইন গোটসমূহক সমৰ্থন কৰা দেখা গ’ল।

ইয়াৰ প্ৰতিক্ৰিয়া স্বৰূপে ইজৰাইলে ড্ৰুজ সম্প্ৰদায়ক সুৰক্ষা প্ৰদানৰ বাবে ছিৰিয়াৰ সেনাবাহিনীৰ ওপৰত বিমান আক্ৰমণ চলায়।

ইজৰাইলৰ ড্ৰুজ সম্প্ৰদায়ক আনুগত্যশীল সংখ্যালঘু বুলি গণ্য কৰা হয়, যিসকলক প্ৰায়ে তাত থকা সেনাবাহিনীত বৃহৎ সংখ্যক অন্তৰ্ভুক্ত কৰা হয়।

এই সংঘৰ্ষত শ শ লোকৰ মৃত্যু হয় আৰু চৰকাৰী বাহিনীয়ে ড্ৰুজ সাধাৰণ নাগৰিকক হত্যা, লুটপাত আৰু ঘৰ জ্বলাই দিয়াৰ অভিযোগ উত্থাপন হয়।

লগতে পঢ়ক: BRICS ক ধমকি ডনাল্ড ট্ৰাম্পৰ; ‘জিনিয়াছ এক্ট’ সন্দৰ্ভত ডাঙৰ মন্তব্য

ছিৰিয়াৰ এটা গীৰ্জাত আত্মঘাটী বোমা বিস্ফোৰণ

বৰ্তমান সময়ত মধ্যপ্ৰাচ্যৰ দুখন দেশ ইজৰাইল আৰু ইৰাণৰ পাৰস্পৰিক সংঘাতে বিশ্বৰ দৃষ্টিগোচৰ কৰিছে। এতিয়া মধ্যপ্ৰাচ্যৰ আন এখন দেশ ছিৰিয়াত সংঘটিত হৈছে এক ভয়ংকৰ ঘটনা।

ছিৰিয়াৰ এটা গীৰ্জাত আত্মঘাতী বোমা বিস্ফোৰণৰ ফলত ২০ জন লোকৰ মৃত্যু হয়।এই বিস্ফোৰণ সংঘটিত হৈছিল দামাস্কাছৰ উপকণ্ঠ অঞ্চলৰ ড্ৱেইলাত। ঘটনাৰ সময়ত বহু লোকে মাৰ ইলিয়াছ গীৰ্জাৰ ভিতৰত প্ৰাৰ্থনা কৰি আছিল।

ঘটনাত ISISৰ হাত?

স্বাস্থ্য মন্ত্ৰালয়ে প্ৰকাশ কৰা এক বিবৃতিত কোৱা হৈছে, ‘ডামাস্কাছৰ ড্ৱেলা অঞ্চলৰ ছেইণ্ট ইলিয়াছ চাৰ্চক লক্ষ্য কৰি সংঘটিত কৰা সন্ত্ৰাসবাদী আক্ৰমণত মৃত্যুৰ সংখ্যা ২০লৈ বৃদ্ধি পাইছে আৰু ৫২ জন আহত হৈছে।

কোনো সংগঠনে এই কাণ্ডৰ দায়িত্ব স্বীকাৰ কৰা নাই যদিও দেশখনৰ স্বৰাজ মন্ত্ৰালয়ে ইছলামিক ষ্টেটৰ (আইছিছ) এজন সদস্য জড়িত বুলি কয়।

স্বৰাজ মন্ত্ৰালয়ৰ বিবৃতি

এই ঘটনা সন্দৰ্ভত দেশখনৰ স্বৰাজ মন্ত্ৰালয়ে এক বিবৃতিত কয় যে, ‘আইছিছ সন্ত্ৰাসবাদী সংগঠনৰ এজন আত্মঘাতী বোমাৰু ছেইণ্ট ইলিয়াছে প্ৰথমে হাতত অস্ত্ৰ লৈ প্ৰৱেশ কৰে।

তাৰ পিছতেই তেওঁ গুলী চলাবলৈ আৰম্ভ কৰিলে। বহু লোকে তেওঁক ৰখাবলৈ চেষ্টা কৰাৰ সময়তে বিস্ফোৰক বেল্টেৰে নিজকে উৰুৱাই দিলে’।

ঘটনাটোৰ পিছত স্থানীয় ৰাইজে আহতসকল ততাতৈয়াকৈ চিকিৎসায়ললৈ প্ৰেৰণ কৰে। ছিৰিয়াৰ তথ্য মন্ত্ৰী হামজা মুস্তাফাই এই আক্ৰমণক গৰিহণা দি ইয়াত সন্ত্ৰাসবাদী আক্ৰমণ বুলি অভিহিত কৰিছে।

লগতে পঢ়ক: ‘মেক ইৰাণ গ্ৰেট এগেইন’; খামেনীইক ক্ষমতাৰ পৰা আঁতৰোৱাৰ ইংগিত ডনাল্ড ট্ৰাম্পৰ

বৰ্তমান ছিৰিয়াৰ পৰিস্থিতি গুৰুতৰ হৈ আছে।দেশ ত্যাগ কৰা ৰাষ্ট্ৰপতি বাছাৰ আল-আসাদৰ অনুগত আৰু নিৰাপত্তা বাহিনীৰ মাজত দুদিন ধৰি চলি থকা যুঁজত নিহত লোকৰ সংখ্যা ১,০০০ তকৈও অধিক হৈছে।

মৃতসকলৰ ভিতৰত প্ৰায় ৭৫০ জন অসামৰিক লোক আছে।১৪ বছৰ পূৰ্বে সংঘৰ্ষ আৰম্ভ হোৱাৰ পিছত এইটো ছিৰিয়াত সংঘটিত হিংসাত্মক ঘটনাবোৰৰ ভিতৰত এটা।

ব্ৰিটিছ মানৱ অধিকাৰ সংগঠন ‘ছিৰিয়ান অবজাৰ্ভেটৰী ফৰ হিউমেন ৰাইটছ’-এ কয় যে ৭৪৫ জন সাধাৰণ লোকৰ উপৰিও চৰকাৰী নিৰাপত্তা বাহিনীৰ ১২৫ জন সদস্য আৰু ১৪৮ জন উগ্ৰপন্থীও নিহত হৈছে।

মানৱ অধিকাৰ সংগঠনটোৱে লগতে জনাইছে যে উপকূলীয় চহৰ লাটাকিয়াৰ চাৰিওফালৰ বৃহৎ অঞ্চলত বিদ্যুৎ নাই আৰু তাৰ স্থানীয় লোক সকলে খোৱা পানীৰ অভাৱৰ সন্মুখীন হৈছে।

ইয়াৰ লগতে, বহুতো দোকান বন্ধ হৈ পৰিছে। তিনি মাহ পূৰ্বে, আসাদ চৰকাৰে ছিৰিয়াত পদত্যাগ কৰিব লগা হৈছিল আৰু বিদেশলৈ পলাই যাব লগা হৈছিল।

বিদ্ৰোহীসকলে নিয়ন্ত্ৰণ লোৱাৰ তিনি মাহ পিছত বুধবাৰে এই সংঘৰ্ষ সংঘটিত হয়, যি চৰকাৰৰ বাবে এক ডাঙৰ প্ৰত্যাহ্বান হিচাপে প্ৰমাণিত হয়।

চৰকাৰে কৈছে যে তেওঁলোকে আসাদৰ সমৰ্থকৰ দ্বাৰা সংঘটিত আক্ৰমণৰ বিৰুদ্ধে ব্যৱস্থা গ্ৰহণ কৰি আছে।চৰকাৰে দাবী কৰি আছে যদিও হিংসা নিয়ন্ত্ৰণত অসফল প্ৰমাণিত হৈছে।