চেম্পিয়নছ ট্ৰফী ২০২৫ সন্দৰ্ভত লাহে লাহে সমগ্ৰ বিষয়বোৰ স্পষ্ট হৈ পৰিছে । ইয়াৰ পূৰ্বে আই চি চিয়ে আনুষ্ঠানিকভাৱে স্পষ্ট কৰি দিছিল যে প্ৰতিযোগিতাখনত ভাৰতৰ মেচসমূহ নিৰপেক্ষ স্থানত অনুষ্ঠিত হ’ব । আয়োজক পাকিস্তান ক্ৰিকেট ব’ৰ্ডক আই চি চিয়ে নিৰপেক্ষ স্থান বাছি ল’ব পাৰে বুলি জনাইছিল । এতিয়া পি চি বিয়ে স্পষ্ট কৰি দিছে যে চেম্পিয়নছ ট্ৰফীত ডুবাই হ’ব ভাৰতৰ নিৰপেক্ষ স্থান ।

পি চি বিৰ অধ্যক্ষ মহছিন নাকভিয়ে ২১ ডিচেম্বৰত পাকিস্তানত এমিৰেটছ ক্ৰিকেট ব’ৰ্ডৰ মুৰব্বী শ্বেইখ নাহিয়ান বিন মুবাৰক আল নাহিয়ানৰ সৈতে আই চি চি চেম্পিয়নছ ট্ৰফীৰ সূচী সন্দৰ্ভত বৈঠকত মিলিত হয় আৰু তেওঁলোকে একমতত উপনীত হোৱা বুলি বাতৰি প্ৰকাশ পাইছে ।

পি চি বিৰ মুখপাত্ৰ আমিৰ মিৰে এক বিবৃতিত কয় যে পাকিস্তানত দেওবাৰে পি চি বিৰ মুৰব্বী মহছিন নাকভি আৰু এমিৰেটছ ক্ৰিকেট ব’ৰ্ডৰ অধ্যক্ষ শ্বেখ মুবাৰক আল নাহিয়ানৰ মাজত হোৱা বৈঠকৰ পিছত আমি আই চি চিক জনাইছো যে ডুবাই নিৰপেক্ষ স্থান হ’ব ।

উল্লেখ্য যে ভাৰতৰ গ্ৰুপ ষ্টেজৰ তিনিওখন মেচ ডুবাইত অনুষ্ঠিত হ’ব । যদি টিম ইণ্ডিয়াই চেম্পিয়নছ ট্ৰফীৰ ছেমি ফাইনেল আৰু ফাইনেলত প্ৰৱেশ কৰে তেন্তে সেই মেচবোৰো ডুবাইত অনুষ্ঠিত হ’ব । ইফালে চেম্পিয়নছ ট্ৰফীৰ সূচী এতিয়াও আই চি চিয়ে প্ৰকাশ কৰা নাই ।

কিয় লোৱা হ’ল নিৰপেক্ষ স্থানৰ সিদ্ধান্ত ?

বি চি চি আইয়ে স্পষ্টভাৱে অস্বীকাৰ কৰিছিল যে টিম ইণ্ডিয়াই চেম্পিয়নছ ট্ৰফীৰ বাবে পাকিস্তান ভ্ৰমণ নকৰে । তেতিয়াৰ পৰাই নিৰপেক্ষ স্থান সন্দৰ্ভত আলোচনা তীব্ৰতৰ হৈ পৰিছিল আৰু তাৰ পিছত অৱশেষত আই চি চিয়ে সিদ্ধান্ত লয় যে মেন ইন ব্লু দলে প্ৰতিযোগিতাখনত নিজৰ মেচসমূহ নিৰপেক্ষ স্থানত খেলিব । এইবাৰ পাকিস্তানে আয়োজন কৰিছে চেম্পিয়নছ ট্ৰফী ।

২০২৪ বৰ্ষটোৱে ভাৰতীয় ক্ৰিকেটলৈ কেতিয়াবা সুখৰ লগতে কেতিয়াবা কঢ়িয়াই আনিলে দুখ । ভাৰতীয় দলটোৱে এইবাৰ টি-২০ বিশ্বকাপৰ খিতাপ দখল কৰি অনুৰাগীক সুখী কৰি তুলিছিল । কিন্তু এই বছৰটোত ভাৰতৰ ১২ গৰাকী তাৰকা খেলুৱৈয়ে ক্ৰিকেটৰ পৰা বিদায় লয় । এয়া তেওঁলোকৰ অনুৰাগীৰ তথা ভাৰতীয় ক্ৰিক্ৰেট জগতৰ বাবা দুখতকৈ কম নাছিল ।

বিৰাট কোহলী, ৰোহিত শৰ্মা, ৰবীন্দ্ৰ জাডেজা, শিখৰ ধাৱন আৰু অৱশেষত ৰবিচন্দ্ৰন অশ্বিনৰ দৰে তাৰকা খেলুৱৈয়ে অৱসৰ লোৱাত ভাৰতীয় অনুৰাগীসকলে আটাইতকৈ ডাঙৰ আঘাত লাভ কৰিলে । অৱশ্যে কোহলী, ৰোহিত আৰু জাডেজাই কেৱল টি-২০ ইণ্টাৰনেশ্যনেলৰ পৰা বিদায় লৈছে ।

বিশ্বকাপ জয়ৰ লগে লগে অৱসৰ লয় কোহলী-ৰোহিত-জাডেজাইঃ

চলিত বৰ্ষৰ জুন মাহত টি-২০ বিশ্বকাপৰ খিতাপ দখল কৰিছিল ভাৰতীয় দলে । ২৯ জুনত অনুষ্ঠিত ফাইনেলত দক্ষিণ আফ্ৰিকাক ৭ ৰাণত পৰাস্ত কৰি দ্বিতীয়বাৰৰ বাবে টি-২০ বিশ্বকাপত জয়লাভ কৰে দলটোৱে । বাৰ্বাডোছত অনুষ্ঠিত এই ফাইনেলত জয়লাভ কৰাৰ পিছত কোহলী আৰু ৰোহিতে টি-২০ ইণ্টাৰনেশ্যনেলৰ পৰা অৱসৰ লোৱাৰ কথা ঘোষণা কৰে ।

এই ঘোষণাই অনুৰাগীসকলৰ মাজত জোকাৰণিৰ সৃষ্টি কৰিছিল । ইয়াৰ ঠিক পিছদিনা জাডেজায়ো অনুৰাগীক আচৰিত কৰি টি-২০ ইণ্টাৰনেশ্যনেলৰ পৰা অৱসৰ লোৱাৰ কথা ঘোষণা কৰে । এইদৰে বিশ্বকাপ জয়ৰ আনন্দৰ সমান্তৰালকৈ অনুৰাগীসকলে তিনি তাৰকা খেলুৱৈৰ অৱসৰৰ দুখো লাভ কৰে ।

জন্মদিনত অনুৰাগীক দুখ দিলে কাৰ্তিকে-

১ জুনত ভাৰতীয় দলৰ তাৰকা উইকেটকীপাৰ বেটছমেন দীনেশ কাৰ্তিকেও অনুৰাগীক আচৰিত কৰে । কাৰ্তিকৰ জন্মদিনো আছিল ১ জুনত । জন্মদিনৰ উপহাৰ হিচাপে এই দিনটোতে অনুৰাগীক দুখ দিয়ে খেলুৱৈগৰাকীয়ে । এই দিনটোতে কাৰ্তিকে ক্ৰিকেটৰ সকলো ফৰ্মেটৰ পৰা অৱসৰ গ্ৰহণ কৰাৰ কথা ঘোষণা কৰে ।

কেৱল জুন মাহতে চাৰিজনকৈ খেলুৱৈয়ে অৱসৰ লোৱাৰ পাছত আগষ্ট মাহত ভাৰতীয় দলটোৱে আন এক আঘাতৰ সন্মুখীন হয় । তাৰকা ভাৰতীয় অ’পেনাৰ শিখৰ ধাৱানে ২৪ আগষ্টত আন্তঃৰাষ্ট্ৰীয় আৰু ঘৰুৱা ক্ৰিকেটৰ পৰা অৱসৰ লোৱাৰ কথা ঘোষণা কৰি অনুৰাগীক আচৰিত কৰি তোলে । ২০১৩ চনত চেম্পিয়নছ ট্ৰফী জয় কৰা ভাৰতীয় দলৰ অংশ হিচাপেও ধাৱনে অংশ লৈছিল ।

অষ্ট্ৰেলিয়া ভ্ৰমণৰ ঠিক পূৰ্বে আন এক অৱসৰ-

বৰ্তমান অষ্ট্ৰেলিয়া ভ্ৰমণত থকা ভাৰতীয় দলটোৱে বৰ্ডাৰ-গাভাস্কাৰ ট্ৰফীৰ অধীনত পাঁচখনীয়া খেলৰ টেষ্ট শৃংখলা খেলি আছে । এই শৃংখলাৰ ঠিক পূৰ্বে নৱেম্বৰ মাহত অভিজ্ঞ উইকেটকীপাৰ বেটছমেন ঋদ্ধিমান সাহাই ক্ৰিকেটৰ পৰা বিদায় লয় । বংগৰ এই ৪০ বছৰীয়া উইকেটকীপাৰগৰাকীয়ে ২০১০ চনত আন্তঃৰাষ্ট্ৰীয় ক্ৰিকেটত অভিষেক ঘটোৱাৰ পিছত ৪০খন টেষ্ট আৰু ৯খন এদিনীয়া খেল খেলিছে ।

এই সকলোবোৰৰ উপৰিও ভাৰতীয় দলৰ তাৰকা খেলুৱৈ কেদাৰ যাদৱ, বৰুণ এৰন, বৰিন্দৰ শ্ৰান, সিদ্ধাৰ্থ কৌল আৰু সৌৰভ তিৱাৰীয়েও তিনিওটা ফৰ্মেটকে বিদায় দিছে ।

বছৰৰ শেষ আৰু আটাইতকৈ ডাঙৰ আঘাত দিলে অশ্বিনে-

বছৰটো শেষ হবলৈ মাত্ৰ কেইটামান দিন বাকী থকা অৱস্থাত তাৰকা স্পীনাৰ ৰবিচন্দ্ৰন অশ্বিনে ডাঙৰ আঘাত দিয়ে । বৰ্ডাৰ-গাভাস্কাৰ ট্ৰফীৰ মাজতে আন্তঃৰাষ্ট্ৰীয় ক্ৰিকেটৰ পৰা বিদায় ল’লে এই ষ্টাৰ স্পীন অল-ৰাউণ্ডাৰগৰাকীয়ে ।

ভাৰত আৰু অষ্ট্ৰেলিয়াৰ মাজত খেলা গাব্বা টেষ্ট ড্ৰ’ হোৱাৰ পিছতে বৃহস্পতিবাৰে (১৮ ডিচেম্বৰ) তেওঁ এই সিদ্ধান্ত গ্ৰহণ কৰে । এনে পৰিস্থিতিত ২০২৪ চনত মুঠ ১২ গৰাকী ভাৰতীয় ক্ৰিকেটাৰে অৱসৰ গ্ৰহণ কৰে । এক প্ৰকাৰে এয়া ভাৰতৰ বাবে অৱসৰ একাদশ হৈ পৰিছে ।

এই ১২ জন ভাৰতীয়ই ২০২৪ চনত অৱসৰ গ্ৰহণ কৰে-

– কোহলী, ৰোহিত, জাডেজাৰ টি-২০ আন্তঃৰাষ্ট্ৰীয়ৰ পৰা অৱসৰ গ্ৰহণ

– আন্তঃৰাষ্ট্ৰীয় ক্ৰিকেটৰ পৰা অশ্বিনৰ অৱসৰ

– দীনেশ কাৰ্তিক, শিখৰ ধাৱন, কেদাৰ যাদৱ, ঋদ্ধিমান সাহা, বৰুণ এৰণ, বৰিন্দৰ শ্ৰাণ, সিদ্ধাৰ্থ কৌল আৰু সৌৰভ তিৱাৰীয়ে তিনিওটা ফৰ্মেটৰ পৰা বিদায় লয়

২০২৪ বৰ্ষটো শেষ হ’বলৈ মাত্ৰ কেইটামান দিন বাকী আছে । এই বছৰটো বহু দিশত স্মৰণীয় হ’ব য’ত ভাৰতে ক্ৰীড়াতো বহু কৃতিত্ব অৰ্জন কৰিছিল । প্ৰায় ছমাহ পূৰ্বে ২০২৪ চনৰ ৩০ জুনত ৰোহিত শৰ্মাৰ নেতৃত্বাধীন ভাৰতীয় দলটোৱে বাৰ্বাডোছত অনুষ্ঠিত হোৱা ৰোমাঞ্চকৰ ফাইনেল মেচত দক্ষিণ আফ্ৰিকাক পৰাস্ত কৰি টি-২০ বিশ্বকাপৰ খিতাপ দখল কৰিছিল ।

২০২৩ চনৰ এদিনীয়া বিশ্বকাপত পৰাজয়ৰ ছমাহৰ পিছত সফলতা-

ভাৰতে যোৱা বছৰ ঘৰুৱা ক্ষেত্ৰত এদিনীয়া বিশ্বকাপৰ চেম্পিয়ন হোৱাৰ পৰা বঞ্চিত হৈছিল যদিও এইবাৰ ভাৰত চেম্পিয়ন হ’ল আৰু আই চি চিৰ ট্ৰফী জয়ৰ ১১ বছৰীয়া খৰাং পৰিস্থিতিৰ অন্ত পেলায় । ইয়াৰ পূৰ্বে ভাৰতে ২০১৩ চনত চেম্পিয়নছ ট্ৰফী লাভ কৰিছিল । এই জয় ভাৰতৰ ক্ৰিকেট অনুৰাগী আৰু ভাৰতীয় দলৰ বাবে অত্যন্ত গুৰুত্বপূৰ্ণ । দলটোৰ অংশ হিচাপে থকা অধিনায়ক ৰোহিত শৰ্মা আৰু তাৰকা বেটছমেন বিৰাট কোহলীয়ে খিতাপ দখল কৰি টি-২০ ইণ্টাৰনেশ্যনেলৰ পৰা অৱসৰ গ্ৰহণ কৰে । এই সিদ্ধান্তত অনুৰাগীসকলে দুখ প্ৰকাশ কৰিছিল, কিয়নো ৰোহিত আৰু বিৰাটক আৰু ভাৰতৰ হৈ টি-২০ খেলা দেখা নাযাব । কিন্তু তেওঁলোকে এই ফৰ্মেটৰ পৰা চেম্পিয়ন হিচাপে বিদায় লোৱাক লৈ সন্তুষ্টিৰ সৃষ্টি হৈছিল ।

১৭ বছৰৰ পিছত টি-২০ বিশ্বকাপ জয়-

২০২৪ চনক যেতিয়াই স্মৰণ কৰা হ’ব, তেতিয়াই ভাৰতৰ এই বিজয় সদায় প্ৰতিজন ভাৰতীয়ৰ অন্তৰত থাকিব । এই বছৰটোতে ভাৰতে দ্বিতীয়বাৰৰ বাবে টি-২০ বিশ্বকাপৰ খিতাপ দখল কৰে । ইয়াৰ পূৰ্বে ২০০৭ চনত মহেন্দ্ৰ সিং ধোনীৰ নেতৃত্বত দলটোৱে টি-২০ বিশ্বকাপৰ খিতাপ দখল কৰিছিল । সেই সময়তো ৰোহিত দলৰ অংশ আছিল । এইদৰে ভাৰতে ১৭ বছৰৰ পাছত টি-২০ বিশ্বকাপ জয় কৰে । কেৱল এয়াই নহয়, ভাৰতীয় দলে যিকোনো বিশ্বকাপৰ খিতাপ জয় কৰিবলৈ দীঘলীয়া ১৩ বছৰ সময় লাগিছিল কাৰণ ইয়াৰ পূৰ্বে ২০১১ চনত ৫০ অভাৰৰ বিশ্বকাপত জয়ী হৈছিল । ইয়াৰ লগে লগে টিম ইণ্ডিয়াই দুবাৰকৈ টি-২০ বিশ্বকাপ জয় কৰা তৃতীয়টো দল হিচাপে পৰিগণিত হয় । ইয়াৰ পূৰ্বে ৱেষ্ট ইণ্ডিজ (২০১২, ২০১৬) আৰু ইংলেণ্ডে (২০১০, ২০২২) এই অভিলেখ গঢ়িছিল ।

ৰোমাঞ্চকৰ ফাইনেলত ভাৰতে জয়লাভ কৰে-

বাৰ্বাডোছত খেলা ৰোমাঞ্চকৰ ফাইনেলত টিম ইণ্ডিয়াই দক্ষিণ আফ্ৰিকাক ৭ ৰাণত পৰাস্ত কৰে । টছত জয়ী হৈ প্ৰথমে বেটিং কৰাৰ পিছত ভাৰতে ২০ অভাৰত ৭টা উইকেট হেৰুৱাই ১৭৬ ৰান সংগ্ৰহ কৰে । ইয়াৰ উত্তৰত দক্ষিণ আফ্ৰিকাৰ দলটোৱে ২০ অভাৰত ৮ উইকেটত ১৬৯ ৰান সংগ্ৰহ কৰে ।

১৭ নম্বৰ অভাৰত ভাৰতে খেলখন নিজৰ হাতলৈ আনে । ১৬ অভাৰৰ ভিতৰত দক্ষিণ আফ্ৰিকাই ৪ উইকেটত ১৫১ ৰান সংগ্ৰহ কৰিছিল । তাৰ পিছত মিলাৰ আৰু ক্লাচেন ক্ৰীজত আছিল । দক্ষিণ আফ্ৰিকাক শেষৰ ২৪টা বলত ২৬ ৰানৰ প্ৰয়োজন হৈছিল । পিছত ১৭ নং অভাৰত হাৰ্দিকে ক্লাচেনক আউট কৰি মাত্ৰ চাৰি ৰানহে দিয়ে । ১৮ নং অভাৰত বুমৰাহে জেন্সেনক আউট কৰি দুই ৰান দিয়ে । ১৯ অভাৰত অৰ্শদীপে ৪ ৰান দিয়ে । দক্ষিণ আফ্ৰিকাক শেষ অভাৰত ১৬ ৰানৰ প্ৰয়োজন হৈছিল । প্ৰথম বলত হাৰ্দিকে মিলাৰক আউট কৰে । দ্বিতীয় বলত ৰাবাদাই ৪ ৰান সংগ্ৰহ কৰে । তৃতীয় বলত ৰাবাদাই এটা চিংগল লয় । চতুৰ্থ বলত মহাৰাজে চিংগল লয় । পিছৰ বলটো ৱাইড হৈছিল । পঞ্চম বলত হাৰ্দিকে ৰাবাদাক আউট কৰে । শেষৰ বলত এটা ৰান আহিছিল আৰু ভাৰতে ৭ ৰানত জয়লাভ কৰে ।