উত্তৰ প্ৰদেশৰ পিলিভিট জিলাত এক ভয়ংকৰ পথ দুৰ্ঘটনা সংঘটিত হয়। উত্তৰাখণ্ডৰ খাটিমাৰ পৰা বিবাহৰ অভ্যৰ্থনা অনুষ্ঠানত অংশ লৈ উভতি যোৱাৰ সময়তেই কইনা পৰিয়ালৰ কমেও ১১ জন লোক এক পথ দুৰ্ঘটনাত পতিত হয়।

জানিব পৰা মতে  উত্তৰাখণ্ডৰ খাটিমা জিলাৰ এগৰাকী যুৱতীৰ বিয়া হৈছিল পিলিভিটৰ চান্দোই চহৰত। বৃহস্পতিবাৰে আছিল বিয়াখনৰ অভ্যৰ্থনা অনুষ্ঠান।

সেই অনুষ্ঠানত কইনাৰ ফালৰ প্ৰায় ১১ জন লোক খতিমাৰ পৰা এখন গাড়ীত গৈ তাত উপস্থিত হৈছিল।নিশা পাৰ্টিটো শেষ কৰি ঘৰলৈ উভতিছিল লোকসকল।

যেতিয়া তেওঁলোকৰ গাড়ীখন পিলিভিট-তনকপুৰ ঘাইপথৰ নিউৰিয়া চহৰৰ ওচৰৰ পাইছিল। সেই সময়তে বাহনখনে নিয়ন্ত্ৰণ হেৰুৱাই এজোপা গছত খুন্দা মাৰে।

দুৰ্ঘটনাটো ইমানেই ভয়ংকৰ আছিল যে গছজোপাত খুন্দামাৰি বাহনখন এটা দ খাৱৈত বাগৰি পৰিছিল।   দুৰ্ঘটনাটোৰ পিছত বাহনতে আৱদ্ধ হৈ আছিল যাত্ৰীসকল।

শব্দ শুনি ততাতৈয়াকৈ ওচৰৰ লোকসকল ঘটনাস্থলীত উপস্থিত হৈছিল। ইয়াৰ পিছত, আৰক্ষী ঘটনাস্থলীত উপস্থিত হয় আৰু স্থানীয় লোকৰ সহায়ত গাড়ীৰ পৰা সকলো আহতক উলিয়াই আনে।

কিন্তু তেতিয়ালৈকে, পাঁচজন লোক আঘাতপ্ৰাপ্ত হৈ মৃত্যুবৰণ কৰিছিল আৰু আন ছয়জন গুৰুতৰভাৱে আঘাতপ্ৰাপ্ত হৈছিল।

আৰক্ষীয়ে আটাইকেইজন আহতক চিকিৎসাৰ বাবে জিলা চিকিৎসালয়লৈ প্ৰেৰণ কৰিছিল। য’ত তেওঁলোকৰ চিকিৎসা অব্যাহত থাকে। একে সময়তে, আৰক্ষী ঘটনাস্থলীত উপস্থিত হৈ পথ দুৰ্ঘটনাৰ তদন্ত কৰি আছে।