২০২৫ ৰ প্ৰথম দিনটোতেই এক ভয়াৱহ ঘটনা সংঘটিত হৈছে আমেৰিকাত।আমেৰিকা যুক্তৰাষ্ট্ৰৰ নিউ অৰলিন্সত এই শোকাৱহ ঘটনা সংঘটিত হৈছে। ইয়াত এখন ট্ৰাকে তীব্ৰ গতিত আহি মহতিয়াই নিয়ে কেইবাজনো লোকক।

জানিব পৰা মতে নতুন বছৰটো উদযাপন কৰিবলৈ বৰ্বন ষ্ট্ৰীটত হাজাৰ হাজাৰ লোক সমবেত হৈছিল।সেই সময়তে ট্ৰাকখনে লোক সকলক মহতিয়াই নিয়ে।

ইয়াৰ পিছত বাহনখনৰ পৰা চালকজন নামি লোকসকললৈ গুলীবৰ্ষণ কৰে। য়াৰ ফলত ১০ জনকৈ লোক নিহত হোৱাৰ লগতে ৩০জন লোক গুৰুত্বৰ ভাৱে আহত হৈছে। ঘটনাটো পুৱা প্ৰায় ৩.১৫ বজাত সংঘটিত হৈছিল।

সমগ্ৰ ঘটনাৰ অন্তৰালত বিদেশী শক্তি জড়িত হৈ থকাৰ সন্দেহ কৰা হৈছে। আৰক্ষীৰ লোক সকলে ততাতৈয়াকৈ আহত সকলক চিকিৎসালয়ত ভৰ্তি কৰাই। ঘটনাক লৈ সমগ্ৰ নিউ অৰলিন্সত জাৰি কৰা হৈছে হাই এলাৰ্ট ।     

আমেৰিকাৰ এটা সিদ্ধান্তই শত্ৰু দেশ ইৰাণক এক মোক্ষম আঘাত দিছে।জ’ বাইডেনৰ প্ৰশাসনে মঙলবাৰে ৩৫ টা কোম্পানী আৰু জাহাজৰ ওপৰত নিষেধাজ্ঞা আৰোপ কৰে যিয়ে ইৰাণৰ তেল আন দেশলৈ পৰিবহন কৰে।

ইয়াৰ ফলত ইৰাণত আতংকৰ সৃষ্টি হৈছে। আমেৰিকাৰ এই সিদ্ধান্তই তেহৰাণৰ লগতে ভাৰতৰ ওপৰতো প্ৰভাৱ পেলাব পাৰে। আমেৰিকা যুক্তৰাষ্ট্ৰৰ দ্বাৰা নিষিদ্ধ কৰা ৩৫ টা কোম্পানীৰ ভিতৰত ভাৰতৰ দুটা কোম্পানীও

আমেৰিকা যুক্তৰাষ্ট্ৰৰ দ্বাৰা আৰোপ কৰা নিষেধাজ্ঞাবোৰৰ ভিতৰত আছে ভাৰতৰ উপৰিও, সংযুক্ত আৰৱ আমিৰাত, চীন, লাইবেৰিয়া, হংকংকে ধৰি অন্যান্য দেশৰ কোম্পানী আৰু জাহাজ আছে, যাক নিষিদ্ধ কৰা হৈছে।

এক বিবৃতিত কোষাগাৰ বিভাগে কয় যে ১ অক্টোবৰত ইজৰাইলৰ বিৰুদ্ধে ইৰাণৰ আক্ৰমণৰ পিছত এই পদক্ষেপ তেহৰাণৰ বাবে আন এক মোক্ষম আঘাত। ১১ অক্টোবৰত আৰোপ কৰা নিষেধাজ্ঞাৰ পিছত ইৰানে ইয়াৰ পাৰমাণৱিক কাৰ্যসূচী ত্বৰান্বিত কৰাৰ কথা ঘোষণা কৰিছে।

সন্ত্ৰাসবাদ আৰু বিত্তীয় চোৰাংচোৱা বিভাগৰ কাৰ্যকৰী আণ্ডাৰচেক্ৰেটৰী ব্ৰেডলী টি. স্মিথে কয়,”ইৰাণে পেট্ৰ’লিয়াম বাণিজ্যৰ পৰা পোৱা ৰাজহ পাৰমাণৱিক কাৰ্যসূচীলৈ পৰিৱৰ্তন কৰি আছে, বেলিষ্টিক মিছাইল আৰু ড্ৰোনৰ প্ৰসাৰআৰু সন্ত্ৰাসবাদীৰ ওপৰত ব্যয় কৰি আছে, এইটোৱে অঞ্চলটোত অধিক অস্থিৰতা সৃষ্টি কৰাৰ ভাবুকি দিছে’’।

তেওঁ আৰু কয়, “আমেৰিকা যুক্তৰাষ্ট্ৰ আমাৰ সকলো সম্পদ আৰু কৰ্তৃত্ব ব্যৱহাৰ কৰি এই অবৈধ কাৰ্যকলাপবোৰ ৰক্ষা কৰা জাহাজসমূহ বন্ধ কৰিবলৈ প্ৰতিশ্ৰুতিবদ্ধ।”