প্ৰধানমন্ত্ৰী মোদীয়ে উৰুৱাব ২২ ফুটৰ ওখ ধৰ্মীয় ধ্বজা

অযোধ্যাৰ ৰাম মন্দিৰৰ ওপৰত ধৰ্মীয় ধ্বজা উৰুৱাবৰ বাবে প্ৰস্তুতি তীব্ৰতৰ হৈ পৰিছে।এই কাৰ্যসূচীৰ মুখ্য অতিথি হিচাপে উপস্থিত থাকিব প্ৰধানমন্ত্ৰী নৰেন্দ্ৰ মোদী আৰু আৰ এছ এছৰ মুৰব্বী মোহন ভাগৱত।

২৫ নৱেম্বৰৰ দিনা ৰাম মন্দিৰৰ ওপৰত ২২ ফুট দীঘল আৰু ১১ ফুট বহল ধৰ্মীয় ধ্বজা উত্তোলন কৰা হ’ব।এই অনুষ্ঠানটো ভৱ্য প্ৰাণ প্ৰতিষ্ঠা অনুষ্ঠানৰ দৰেই বৃহৎ হ’ব আৰু ই ৰাম মন্দিৰ নিৰ্মাণ সম্পূৰ্ণ হোৱাৰ প্ৰতীকও হ’ব।

২৫ নৱেম্বৰত অযোধ্যাত অনুষ্ঠিত হ’বলগীয়া এই অনুষ্ঠানৰ বাবে বিজেপিৰ জ্যেষ্ঠ নেতাৰ বিশাল সমাৱেশ অনুষ্ঠিত হ’ব,ইয়াৰ জৰিয়তে দলৰ নতুন প্ৰচাৰৰ আৰম্ভণিও হ’ব।

জানিব পৰা মতে,প্ৰধানমন্ত্ৰীয়ে বিশ্বৰ সৰ্ববৃহৎ স্কাউট আৰু গাইড জাম্বোৰীৰ বাবে অংশগ্ৰহণকাৰীক আমন্ত্ৰণ কৰিব,৩৫ হাজাৰৰো অধিক কেডেটে অংশগ্ৰহণ কৰাৰ সম্ভাৱনা আছে।

তেওঁ উন্নত উত্তৰ প্ৰদেশ অভিযান, ২০১৮ৰ সফলতাৰ সন্দৰ্ভতো পৰ্যালোচনা কৰিব,যাৰ বাবে এতিয়ালৈকে ৫ লাখৰো অধিক পৰামৰ্শ লাভ কৰা হৈছে, আৰু জেৱাৰত নিৰ্মাণ হৈ থকা নয়ডা আন্তঃৰাষ্ট্ৰীয় বিমানবন্দৰও পৰিদৰ্শন কৰিব।

লগতে পঢ়ক: ‘নতুন গতিৰে আগবাঢ়িব বিহাৰ’; সমস্তীপুৰত প্ৰধানমন্ত্ৰী মোদীৰ গুৰুত্বপূৰ্ণ মন্তব্য